হংস গুহ্য় স্তোত্রম্ (ভাগবত পুরাণ)

(ভাগবতপুরাণাংতর্গতম্)

নমঃ পরায়াবিতথানুভূতয়ে
গুণত্রয়াভাসনিমিত্তবংধবে ।
অদৃষ্টধাম্নে গুণতত্ত্ববুদ্ধিভিঃ
নিবৃত্তমানায় দধে স্বয়ংভুবে ॥ 1 ॥

ন যস্য় সখ্য়ং পুরুষোঽবৈতি সখ্য়ুঃ
সখা বসন্সংবসতঃ পুরেঽস্মিন্ ।
গুণো যথা গুণিনো ব্যক্তদৃষ্টেঃ
তস্মৈ মহেশায় নমস্করোমি ॥ 2 ॥

দেহোঽসবোঽক্ষা মনবো ভূতমাত্রা
নাত্মানমন্য়ং চ বিদুঃ পরং যত্ ।
সর্বং পুমান্ বেদ গুণাংশ্চ তজ্জ্ঞো
ন বেদ সর্বজ্ঞমনংতমীডে ॥ 3 ॥

যদোপরামো মনসো নামরূপ-
রূপস্য় দৃষ্টস্মৃতিসপ্রমোষাত্ ।
য ঈযতে কেবলয়া স্বসংস্থয়া
হংসায় তস্মৈ শুচিসদ্মনে নমঃ ॥ 4 ॥

মনীষিণোঽংতর্হদি সন্নিবেশিতং
স্বশক্তিভির্নবভিশ্চ ত্রিবৃদ্ভিঃ ।
বহ্নিং যথা দারুণি পাংচদশ্য়ং
মনীষয়া নিষ্কর্ষংতি গূঢম্ ॥ 5 ॥

স বৈ মমাশেষবিশেষমায়া
নিষেধনিবাণসুখানুভূতিঃ ।
স সর্বনামা স চ বিশ্বরূপঃ
প্রসীদতামনিরুক্তাত্মশক্তিঃ ॥ 6 ॥

যদ্যন্নিরুক্তং বচসা নিরূপিতং
ধিয়াঽক্ষভির্বা মনসা বোত যস্য় ।
মা ভূত্স্বরূপং গুণরূপং হি তত্তত্
স বৈ গুণাপাযবিসর্গলক্ষণঃ ॥ 7 ॥

যস্মিন্ যতো যেন চ যস্য় যস্মৈ
যদ্য়ো যথা কুরূতে কার্যতে চ ।
পরাবরেষাং পরমং প্রাক্ প্রসিদ্ধং
তদ্ব্রহ্ম তদ্ধেতুরনন্যদেকম্ ॥ 8 ॥

যচ্ছক্তয়ো বদতাং বাদিতাং বৈ
বিবাদসংবাদভুবো ভবংতি ।
কুর্বংতি চৈষাং মুহুরাত্মমোহং
তস্মৈ নমোঽনংতগুণায় ভূম্নে ॥ 9 ॥

অস্তীতি নাস্তীতি চ বস্তুনিষ্ঠয়োঃ
একস্থয়োর্ভিন্নবিরুদ্ধধর্ময়োঃ ।
অবেক্ষিতং কিং চ ন যোগসাংখ্যয়োঃ
সমং পরং হ্যনুকূলং বৃহত্তত্ ॥ 10 ॥

যোঽনুগহার্থং ভজতাং পাদমূলমনামরূপো ভগবাননংতঃ ।
নামানি রূপাণি চ জন্মকর্মভির্ভেজে স মহ্য়ং পরমঃ প্রসীদতু ॥ 11 ॥

যঃ প্রাকৃতৈর্জ্ঞানপথৈর্জনানাং
যথাশয়ং দেহগতো বিভাতি ।
যথানিলঃ পার্থিবমাশ্রিতো গুণং
স ঈশ্বরো মে কুরুতান্মনোরথম্ ॥ 12 ॥

॥ ইতি হংসগুহ্যস্তোত্রং সংপূর্ণম্ ॥