গোপিকা গীতা (ভাগবত পুরাণ)

গোপ্য় ঊচুঃ ।
জযতি তেঽধিকং জন্মনা ব্রজঃ
শ্রযত ইংদিরা শশ্বদত্র হি ।
দয়িত দৃশ্যতাং দিক্ষু তাবকা-
স্ত্বয়ি ধৃতাসবস্ত্বাং বিচিন্বতে ॥ 1॥

শরদুদাশয়ে সাধুজাতস-
ত্সরসিজোদরশ্রীমুষা দৃশা ।
সুরতনাথ তেঽশুল্কদাসিকা
বরদ নিঘ্নতো নেহ কিং বধঃ ॥ 2॥

বিষজলাপ্যয়াদ্ব্য়ালরাক্ষসা-
দ্বর্ষমারুতাদ্বৈদ্য়ুতানলাত্ ।
বৃষময়াত্মজাদ্বিশ্বতোভয়া-
দৃষভ তে বয়ং রক্ষিতা মুহুঃ ॥ 3॥

ন খলু গোপিকানংদনো ভবা-
নখিলদেহিনামংতরাত্মদৃক্ ।
বিখনসার্থিতো বিশ্বগুপ্তয়ে
সখ উদেয়িবান্সাত্বতাং কুলে ॥ 4॥

বিরচিতাভয়ং বৃষ্ণিধুর্য় তে
চরণমীয়ুষাং সংসৃতের্ভয়াত্ ।
করসরোরুহং কাংত কামদং
শিরসি ধেহি নঃ শ্রীকরগ্রহম্ ॥ 5॥

ব্রজজনার্তিহন্বীর যোষিতাং
নিজজনস্মযধ্বংসনস্মিত ।
ভজ সখে ভবত্কিংকরীঃ স্ম নো
জলরুহাননং চারু দর্শয় ॥ 6॥

প্রণতদেহিনাং পাপকর্শনং
তৃণচরানুগং শ্রীনিকেতনম্ ।
ফণিফণার্পিতং তে পদাংবুজং
কৃণু কুচেষু নঃ কৃংধি হৃচ্ছযম্ ॥ 7॥

মধুরয়া গিরা বল্গুবাক্যয়া
বুধমনোজ্ঞয়া পুষ্করেক্ষণ ।
বিধিকরীরিমা বীর মুহ্যতী-
রধরসীধুনাঽঽপ্য়াযযস্ব নঃ ॥ 8॥

তব কথামৃতং তপ্তজীবনং
কবিভিরীডিতং কল্মষাপহম্ ।
শ্রবণমংগলং শ্রীমদাততং
ভুবি গৃণংতি তে ভূরিদা জনাঃ ॥ 9॥

প্রহসিতং প্রিয় প্রেমবীক্ষণং
বিহরণং চ তে ধ্য়ানমংগলম্ ।
রহসি সংবিদো যা হৃদিস্পৃশঃ
কুহক নো মনঃ ক্ষোভয়ংতি হি ॥ 10॥

চলসি যদ্ব্রজাচ্চারযন্পশূন্
নলিনসুংদরং নাথ তে পদম্ ।
শিলতৃণাংকুরৈঃ সীদতীতি নঃ
কলিলতাং মনঃ কাংত গচ্ছতি ॥ 11॥

দিনপরিক্ষয়ে নীলকুংতলৈ-
র্বনরুহাননং বিভ্রদাবৃতম্ ।
ঘনরজস্বলং দর্শযন্মুহু-
র্মনসি নঃ স্মরং বীর যচ্ছসি ॥ 12॥

প্রণতকামদং পদ্মজার্চিতং
ধরণিমংডনং ধ্য়েযমাপদি ।
চরণপংকজং শংতমং চ তে
রমণ নঃ স্তনেষ্বর্পয়াধিহন্ ॥ 13॥

সুরতবর্ধনং শোকনাশনং
স্বরিতবেণুনা সুষ্ঠু চুংবিতম্ ।
ইতররাগবিস্মারণং নৃণাং
বিতর বীর নস্তেঽধরামৃতম্ ॥ 14॥

অটতি যদ্ভবানহ্নি কাননং
ত্রুটির্য়ুগাযতে ত্বামপশ্যতাম্ ।
কুটিলকুংতলং শ্রীমুখং চ তে
জড উদীক্ষতাং পক্ষ্মকৃদ্দৃশাম্ ॥ 15॥

পতিসুতান্বযভ্রাতৃবাংধবা-
নতিবিলংঘ্য় তেঽংত্যচ্য়ুতাগতাঃ ।
গতিবিদস্তবোদ্গীতমোহিতাঃ
কিতব যোষিতঃ কস্ত্যজেন্নিশি ॥ 16॥

রহসি সংবিদং হৃচ্ছয়োদয়ং
প্রহসিতাননং প্রেমবীক্ষণম্ ।
বৃহদুরঃ শ্রিয়ো বীক্ষ্য় ধাম তে
মুহুরতিস্পৃহা মুহ্যতে মনঃ ॥ 17॥

ব্রজবনৌকসাং ব্যক্তিরংগ তে
বৃজিনহংত্র্যলং বিশ্বমংগলম্ ।
ত্যজ মনাক্ চ নস্ত্বত্স্পৃহাত্মনাং
স্বজনহৃদ্রুজাং যন্নিষূদনম্ ॥ 18॥

যত্তে সুজাতচরণাংবুরুহং স্তনেষ
ভীতাঃ শনৈঃ প্রিয় দধীমহি কর্কশেষু ।
তেনাটবীমটসি তদ্ব্যথতে ন কিংস্বিত্
কূর্পাদিভির্ভ্রমতি ধীর্ভবদায়ুষাং নঃ ॥ 19॥

ইতি শ্রীমদ্ভাগবত মহাপুরাণে পারমহংস্য়াং সংহিতায়াং
দশমস্কংধে পূর্বার্ধে রাসক্রীডায়াং গোপীগীতং নামৈকত্রিংশোঽধ্য়ায়ঃ ॥