দ্বাদশ আর্য় স্তুতি

উদ্যন্নদ্যবিবস্বানারোহন্নুত্তরাং দিবং দেবঃ ।
হৃদ্রোগং মম সূর্য়ো হরিমাণং চাঽঽশু নাশযতু ॥ 1 ॥

নিমিষার্ধেনৈকেন দ্বে চ শতে দ্বে সহস্রে দ্বে ।
ক্রমমাণ যোজনানাং নমোঽস্তু তে নলিননাথায় ॥ 2 ॥

কর্মজ্ঞানখদশকং মনশ্চ জীব ইতি বিশ্বসর্গায় ।
দ্বাদশধা যো বিচরতি স দ্বাদশমূর্তিরস্তু মোদায় ॥ 3 ॥

ত্বং হি যজূঋক্সামঃ ত্বমাগমস্ত্বং বষট্কারঃ ।
ত্বং বিশ্বং ত্বং হংসঃ ত্বং ভানো পরমহংসশ্চ ॥ 4 ॥

শিবরূপাত্ জ্ঞানমহং ত্বত্তো মুক্তিং জনার্দনাকারাত্ ।
শিখিরূপাদৈশ্বর্য়ং ত্বত্তশ্চারোগ্যমিচ্ছামি ॥ 5 ॥

ত্বচি দোষা দৃশি দোষাঃ হৃদি দোষা যেঽখিলেংদ্রিযজদোষাঃ ।
তান্ পূষা হতদোষঃ কিংচিদ্রোষাগ্নিনা দহতু ॥ 6 ॥

ধর্মার্থকামমোক্ষপ্রতিরোধানুগ্রতাপবেগকরান্ ।
বংদীকৃতেংদ্রিযগণান্ গদান্ বিখংডযতু চংডাংশুঃ ॥ 7 ॥

যেন বিনেদং তিমিরং জগদেত্য় গ্রসতি চরমচরমখিলম্ ।
ধৃতবোধং তং নলিনীভর্তারং হর্তারমাপদামীডে ॥ 8 ॥

যস্য় সহস্রাভীশোরভীশু লেশো হিমাংশুবিংবগতঃ ।
ভাসযতি নক্তমখিলং ভেদযতু বিপদ্গণানরুণঃ ॥ 9 ॥

তিমিরমিব নেত্রতিমিরং পটলমিবাঽশেষরোগপটলং নঃ ।
কাশমিবাধিনিকায়ং কালপিতা রোগয়ুক্ততাং হরতাত্ ॥ 10 ॥

বাতাশ্মরীগদার্শস্ত্বগ্দোষমহোদরপ্রমেহাংশ্চ ।
গ্রহণীভগংধরাখ্য়া মহতীস্ত্বং মে রুজো হংসি ॥ 11 ॥

ত্বং মাতা ত্বং শরণং ত্বং ধাতা ত্বং ধনং ত্বমাচার্য়ঃ ।
ত্বং ত্রাতা ত্বং হর্তা বিপদামর্ক প্রসীদ মম ভানো ॥ 12 ॥

ইত্য়ার্য়াদ্বাদশকং সাংবস্য় পুরো নভঃস্থলাত্পতিতম্ ।
পঠতাং ভাগ্যসমৃদ্ধিঃ সমস্তরোগক্ষযশ্চ স্য়াত্ ॥ 13 ॥

ইতি শ্রীসাংবকৃতদ্বাদশার্য়াসূর্যস্তুতিঃ ।