ভর্তৃহরেঃ শতক ত্রিশতি – বৈরাগ্য় শতকম্

চূডোত্তংসিতচংদ্রচারুকলিকাচংচচ্ছিখাভাস্বরো
লীলাদগ্ধবিলোলকামশলভঃ শ্রেয়োদশাগ্রে স্ফুরন্ ।
অংতঃস্ফূর্জদ্​অপারমোহতিমিরপ্রাগ্ভারং উচ্চাটযন্
চেতঃসদ্মনি যোগিনাং বিজযতে জ্ঞানপ্রদীপো হরঃ ॥ 3.1 ॥

ভ্রাংতং দেশং অনেকদুর্গবিষমং প্রাপ্তং ন কিংচিত্ফলং
ত্যক্ত্বা জাতিকুলাভিমানং উচিতং সেবা কৃতা নিষ্ফলা ।
ভুক্তং মানবিবর্জিতং পরগৃহেষ্বাশংকয়া কাকবত্
তৃষ্ণে জৃংভসি পাপকর্মপিশুনে নাদ্য়াপি সংতুষ্যসি ॥ 3.2 ॥

উত্খাতং নিধিশংকয়া ক্ষিতিতলং ধ্মাতা গিরের্ধাতবো
নিস্তীর্ণঃ সরিতাং পতির্নৃপতয়ো যত্নেন সংতোষিতাঃ ।
মংত্রারাধনতত্পরেণ মনসা নীতাঃ শ্মশানে নিশাঃ
প্রাপ্তঃ কাণবরাটকোঽপি ন ময়া তৃষ্ণে সকামা ভব ॥ 3.3 ॥

খলালাপাঃ সোঢাঃ কথং অপি তদ্​আরাধনপরৈর্নিগৃহ্য়াংতর্
বাষ্পং হসিতং অপি শূন্য়েন মনসা ।
কৃতো বিত্তস্তংভপ্রতিহতধিয়াং অংজলিরপি
ত্বং আশে মোঘাশে কিম অপরং অতো নর্তযসি মাম্ ॥ 3.4 ॥

অমীষাং প্রাণানাং তুলিতবিসিনীপত্রপযসাং
কৃতে কিং নাস্মাভির্বিগলিতবিবেকৈর্ব্যবসিতম্ ।
যদ্​আঢ্য়ানাং অগ্রে দ্রবিণমদনিঃসংজ্ঞমনসাং
কৃতং বীতব্রীডৈর্নিজগুণকথাপাতকং অপি ॥ 3.5 ॥

ক্ষাংতং ন ক্ষময়া গৃহোচিতসুখং ত্যক্তং ন সংতোষতঃ
সোঢো দুঃসহশীততাপপবনক্লেশো ন তপ্তং তপঃ ।
ধ্য়াতং বিত্তং অহর্নিশং নিত্যমিতপ্রাণৈর্ন শংভোঃ পদং
তত্তত্কর্ম কৃতং যদেব মুনিভিস্তৈস্তৈঃ ফলৈর্বংচিতাঃ ॥ 3.6 ॥

ভোগা ন ভুক্তা বয়ং এব ভুক্তাস্
তপো ন তপ্তং বয়ং এব তপ্তাঃ ।
কালো ন যাতো বয়ং এব যাতাস্তৃষ্ণা
ন জীর্ণা বয়ং এব জীর্ণাঃ ॥ 3.7 ॥

বলিভির্মুখং আক্রাংতং পলিতেনাংকিতং শিরঃ ।
গাত্রাণি শিথিলায়ংতে তৃষ্ণৈকা তরুণাযতে ॥ 3.8 ॥

বিবেকব্য়াকোশে বিদধতি সমে শাম্যতি তৃষা
পরিষ্বংগে তুংগে প্রসরতিতরাং সা পরিণতা ।
জরাজীর্ণৈশ্বর্যগ্রসনগহনাক্ষেপকৃপণস্তৃষাপাত্রং
যস্য়াং ভবতি মরুতাং অপ্যধিপতিঃ ॥ 3.8.1 ॥

নিবৃত্তা ভোগেচ্ছা পুরুষবহুমানোঽপি গলিতঃ
সমানাঃ স্বর্য়াতাঃ সপদি সুহৃদো জীবিতসমাঃ ।
শনৈর্যষ্ট্য়ুত্থানং ঘনতিমিররুদ্ধে চ নযনে
অহো মূঢঃ কাযস্তদপি মরণাপাযচকিতঃ ॥ 3.9 ॥

আশা নাম নদী মনোরথজলা তৃষ্ণাতরংগাকুলা
রাগগ্রাহবতী বিতর্কবিহগা ধৈর্যদ্রুমধ্বংসিনী ।
মোহাবর্তসুদুস্তরাতিগহনা প্রোত্তুংগচিংতাতটী
তস্য়াঃ পারগতা বিশুদ্ধমনসো নংদংতি যোগীশ্বরাঃ ॥ 3.10 ॥

ন সংসারোত্পন্নং চরিতং অনুপশ্য়ামি কুশলং
বিপাকঃ পুণ্য়ানাং জনযতি ভয়ং মে বিমৃশতঃ ।
মহদ্ভিঃ পুণ্য়ৌঘৈশ্চিরপরিগৃহীতাশ্চ বিষয়া
মহাংতো জায়ংতে ব্যসনং ইব দাতুং বিষয়িণাম্ ॥ 3.11 ॥

অবশ্য়ং যাতারশ্চিরতরং উষিত্বাপি বিষয়া
বিয়োগে কো ভেদস্ত্যজতি ন জনো যত্স্বয়ং অমূন্ ।
ব্রজংতঃ স্বাতংত্র্য়াদতুলপরিতাপায় মনসঃ
স্বয়ং ত্যক্তা হ্য়েতে শমসুখং অনংতং বিদধতি ॥ 3.12 ॥

ব্রহ্মজ্ঞানবিবেকনির্মলধিয়ঃ কুর্বংত্যহো দুষ্করং
যন্মুংচংত্য়ুপভোগভাংজ্যপি ধনান্য়েকাংততো নিঃস্পৃহাঃ ।
সংপ্রাপ্তান্ন পুরা ন সংপ্রতি ন চ প্রাপ্তৌ দৃঢপ্রত্যয়ান্
বাংছামাত্রপরিগ্রহানপি পরং ত্যক্তুং ন শক্তা বযম্ ॥ 3.13 ॥

ধন্য়ানাং গিরিকংদরেষু বসতাং জ্য়োতিঃ পরং ধ্য়াযতামানংদাশ্রু
জলং পিবংতি শকুনা নিঃশংকং অংকেশয়াঃ ।
অস্মাকং তু মনোরথোপরচিতপ্রাসাদবাপীতটক্রীডা
কাননকেলিকৌতুকজুষাং আয়ুঃ পরং ক্ষীযতে ॥ 3.14 ॥

ভিক্ষাশনং তদপি নীরসং একবারং
শয়্য়া চ ভূঃ পরিজনো নিজদেহমাত্রম্ ।
বস্ত্রং বিশীর্ণশতখংডময়ী চ কংথা
হা হা তথাপি বিষয়া ন পরিত্যজংতি ॥ 3.15 ॥

স্তনৌ মাংসগ্রংথী কনককলশাবিত্য়ুপমিতৌ
মুখং শ্লেষ্মাগারং তদপি চ শশাংকেন তুলিতম্ ।
স্রবন্মূত্রক্লিন্নং করিবরশিরস্পর্ধি জঘনং
মুহুর্নিংদ্য়ং রূপং কবিজনবিশেষৈর্গুরুকৃতম্ ॥ 3.16 ॥

একো রাগিষু রাজতে প্রিযতমাদেহার্ধহারী হরো
নীরাগেষু জনো বিমুক্তললনাসংগো ন যস্মাত্পরঃ ।
দুর্বারস্মরবাণপন্নগবিষব্য়াবিদ্ধমুগ্ধো জনঃ
শেষঃ কামবিডংবিতান্ন বিষয়ান্ভোক্তুং ন মোক্তুং ক্ষমঃ ॥ 3.17 ॥

অজানংদাহাত্ম্য়ং পততু শলভস্তীব্রদহনে
স মীনোঽপ্যজ্ঞানাদ্বডিশয়ুতং অশ্নাতু পিশিতম্ ।
বিজানংতোঽপ্য়েতে বয়ং ইহ বিপজ্জালজটিলান্
ন মুংচামঃ কামান্ অহহ গহনো মোহমহিমা ॥ 3.18 ॥

তৃষা শুষ্যত্য়াস্য়ে পিবতি সলিলং শীতমধুরং
ক্ষুধার্তঃ শাল্যন্নং কবলযতি মাংসাদিকলিতম্ ।
প্রদীপ্তে কামাগ্নৌ সুদৃঢতরং আলিংগতি বধূং
প্রতীকারং ব্য়াধেঃ সুখং ইতি বিপর্যস্যতি জনঃ ॥ 3.19 ॥

তুংগং বেশ্ম সুতাঃ সতাং অভিমতাঃ সংখ্য়াতিগাঃ সংপদঃ
কল্য়াণী দয়িতা বযশ্চ নবং ইত্যজ্ঞানমূঢো জনঃ ।
মত্বা বিশ্বং অনশ্বরং নিবিশতে সংসারকারাগৃহে
সংদৃশ্য় ক্ষণভংগুরং তদখিলং ধন্যস্তু সন্ন্যস্যতি ॥ 3.20 ॥

দীনা দীনমুখৈঃ সদৈব শিশুকৈরাকৃষ্টজীর্ণাংবরা
ক্রোশদ্ভিঃ ক্ষুধিতৈর্নিরন্নবিধুরা দৃশ্য়া ন চেদ্গেহিনী ।
যাচ্ঞাভংগভয়েন গদ্গদগলত্রুট্যদ্বিলীনাক্ষরং
কো দেহীতি বদেত্স্বদগ্ধজঠরস্য়ার্থে মনস্বী পুমান্ ॥ 3.21 ॥

অভিমতমহামানগ্রংথিপ্রভেদপটীযসী
গুরুতরগুণগ্রামাংভোজস্ফুটোজ্জ্বলচংদ্রিকা ।
বিপুলবিলসল্লজ্জাবল্লীবিতানকুঠারিকা
জঠরপিঠরী দুষ্পূরেয়ং করোতি বিডংবনম্ ॥ 3.22 ॥

পুণ্য়ে গ্রামে বনে বা মহতি সিতপটচ্ছন্নপালী কপালিং
হ্য়াদায় ন্য়াযগর্ভদ্বিজহুতহুতভুগ্ধূমধূম্রোপকংঠে ।
দ্বারং দ্বারং প্রবিষ্টো বরং উদরদরীপূরণায় ক্ষুধার্তো
মানী প্রাণৈঃ সনাথো ন পুনরনুদিনং তুল্যকুল্য়েষু দীনঃ ॥ 3.23 ॥

গংগাতরংগকণশীকরশীতলানি
বিদ্য়াধরাধ্য়ুষিতচারুশিলাতলানি ।
স্থানানি কিং হিমবতঃ প্রলয়ং গতানি
যত্সাবমানপরপিংডরতা মনুষ্য়াঃ ॥ 3.24 ॥

কিং কংদাঃ কংদরেভ্য়ঃ প্রলয়ং উপগতা নির্ঝরা বা গিরিভ্য়ঃ
প্রধ্বস্তা বা তরুভ্য়ঃ সরসফলভৃতো বল্কলিন্যশ্চ শাখাঃ ।
বীক্ষ্য়ংতে যন্মুখানি প্রসভং অপগতপ্রশ্রয়াণাং খলানাং
দুঃখাপ্তস্বল্পবিত্তস্মযপবনবশান্নর্তিতভ্রূলতানি ॥ 3.25 ॥

পুণ্য়ৈর্মূলফলৈস্তথা প্রণয়িনীং বৃত্তিং কুরুষ্বাধুনা
ভূশয়্য়াং নবপল্লবৈরকৃপণৈরুত্তিষ্ঠ যাবো বনম্ ।
ক্ষুদ্রাণাং অবিবেকমূঢমনসাং যত্রেশ্বরাণাং সদা
বিত্তব্য়াধিবিকারবিহ্বলগিরাং নামাপি ন শ্রূযতে ॥ 3.26 ॥

ফলং স্বেচ্ছালভ্য়ং প্রতিবনং অখেদং ক্ষিতিরুহাং
পয়ঃ স্থানে স্থানে শিশিরমধুরং পুণ্যসরিতাম্ ।
মৃদুস্পর্শা শয়্য়া সুললিতলতাপল্লবময়ী
সহংতে সংতাপং তদপি ধনিনাং দ্বারি কৃপণাঃ ॥ 3.27 ॥

যে বর্তংতে ধনপতিপুরঃ প্রার্থনাদুঃখভাজো
যে চাল্পত্বং দধতি বিষয়াক্ষেপপর্য়াপ্তবুদ্ধেঃ ।
তেষাং অংতঃস্ফুরিতহসিতং বাসরাণি স্মরেয়ং
ধ্য়ানচ্ছেদে শিখরিকুহরগ্রাবশয়্য়ানিষণ্ণঃ ॥ 3.28 ॥

যে সংতোষনিরংতরপ্রমুদিতাস্তেষাং ন ভিন্না মুদো
যে ত্বন্য়ে ধনলুব্ধসংকুলধিযস্তেষাং ন তৃষ্ণাহতা ।
ইত্থং কস্য় কৃতে কুতঃ স বিধিনা কীদৃক্পদং সংপদাং [কৃতঃ]
স্বাত্মন্য়েব সমাপ্তহেমমহিমা মেরুর্ন মে রোচতে ॥ 3.29 ॥

ভিক্ষাহারং অদৈন্য়ং অপ্রতিসুখং ভীতিচ্ছিদং সর্বতো
দুর্মাত্সর্যমদাভিমানমথনং দুঃখৌঘবিধ্বংসনম্ ।
সর্বত্রান্বহং অপ্রযত্নসুলভং সাধুপ্রিয়ং পাবনং
শংভোঃ সত্রং অবার্য়ং অক্ষযনিধিং শংসংতি যোগীশ্বরাঃ ॥ 3.30 ॥

ভোগে রোগভয়ং কুলে চ্য়ুতিভয়ং বিত্তে নৃপালাদ্ভয়ং
মানে দৈন্যভয়ং বলে রিপুভয়ং রূপে জরায়া ভযম্ ।
শাস্ত্রে বাদিভয়ং গুণে খলভয়ং কায়ে কৃতাংতাদ্ভয়ং
সর্বং বস্তু ভয়ান্বিতং ভুবি নৃণাং বৈরাগ্যমেবাভযম্ ॥ 3.31 ॥

আক্রাংতং মরণেন জন্ম জরসা চাত্য়ুজ্জ্বলং যৌবনং
সংতোষো ধনলিপ্সয়া শমসুখং প্রৌঢাংগনাবিভ্রমৈঃ ।
লোকৈর্মত্সরিভির্গুণা বনভুবো ব্য়ালৈর্নৃপা দুর্জনৈর্
অস্থৈর্য়েণ বিভূতয়োঽপ্যপহতা গ্রস্তং ন কিং কেন বা ॥ 3.32 ॥

আধিব্য়াধিশতৈর্জনস্য় বিবিধৈরারোগ্য়ং উন্মূল্যতে
লক্ষ্মীর্যত্র পতংতি তত্র বিবৃতদ্বারা ইব ব্য়াপদঃ ।
জাতং জাতং অবশ্য়ং আশু বিবশং মৃত্য়ুঃ করোত্য়াত্মসাত্
তত্কিং তেন নিরংকুশেন বিধিনা যন্নির্মিতং সুস্থিরম্ ॥ 3.33 ॥

ভোগাস্তুংগতরংগভংগতরলাঃ প্রাণাঃ ক্ষণধ্বংসিনঃ
স্তোকান্য়েব দিনানি যৌবনসুখং স্ফূর্তিঃ প্রিয়াসু স্থিতা ।
তত্সংসারং অসারং এব নিখিলং বুদ্ধ্বা বুধা বোধকা
লোকানুগ্রহপেশলেন মনসা যত্নঃ সমাধীযতাম্ ॥ 3.34 ॥

ভোগা মেঘবিতানমধ্যবিলসত্সৌদামিনীচংচলা
আয়ুর্বায়ুবিঘট্টিতাব্জপটলীলীনাংবুবদ্ভংগুরম্ ।
লীলা যৌবনলালসাস্তনুভৃতাং ইত্য়াকলয়্য় দ্রুতং
যোগে ধৈর্যসমাধিসিদ্ধিসুলভে বুদ্ধিং বিদধ্বং বুধাঃ ॥ 3.35 ॥

আয়ুঃ কল্লোললোলং কতিপযদিবসস্থায়িনী যৌবনশ্রীঃ
অর্থাঃ সংকল্পকল্পা ঘনসমযতডিদ্বিভ্রমা ভোগপূগাঃ ।
কংঠাশ্লেষোপগূঢং তদপি চ ন চিরং যত্প্রিয়াভিঃ প্রণীতং
ব্রহ্মণ্য়াসক্তচিত্তা ভবত ভবভয়াংভোধিপারং তরীতুম্ ॥ 3.36 ॥

কৃচ্ছ্রেণামেধ্যমধ্য়ে নিযমিততনুভিঃ স্থীযতে গর্ভবাসে
কাংতাবিশ্লেষদুঃখব্যতিকরবিষমো যৌবনে চোপভোগঃ ।
বামাক্ষীণাং অবজ্ঞাবিহসিতবসতির্বৃদ্ধভাবোঽপ্যসাধুঃ
সংসারে রে মনুষ্য়া বদত যদি সুখং স্বল্পং অপ্যস্তি কিংচিত্ ॥ 3.37 ॥

ব্য়াঘ্রীব তিষ্ঠতি জরা পরিতর্জয়ংতী
রোগাশ্চ শত্রব ইব প্রহরংতি দেহম্ ।
আয়ুঃ পরিস্রবতি ভিন্নঘটাদিবাংভো
লোকস্তথাপ্যহিতং আচরতীতি চিত্রম্ ॥ 3.38 ॥

ভোগা ভংগুরবৃত্তয়ো বহুবিধাস্তৈরেব চায়ং ভবস্তত্
কস্য়েহ কৃতে পরিভ্রমত রে লোকাঃ কৃতং চেষ্টিতৈঃ ।
আশাপাশশতোপশাংতিবিশদং চেতঃসমাধীযতাং
কামোত্পত্তিবশাত্স্বধামনি যদি শ্রদ্ধেয়ং অস্মদ্বচঃ ॥ 3.39 ॥

সখে ধন্য়াঃ কেচিত্ত্রুটিতভববংধব্যতিকরা
বনাংতে চিত্তাংতর্বিষমবিষয়াশীবিষগতাঃ ।
শরচ্চংদ্রজ্য়োত্স্নাধবলগগনাভোগসুভগাং
নয়ংতে যে রাত্রিং সুকৃতচযচিংতৈকশরণাঃ ॥ 3.39.1 ॥

ব্রহ্মেংদ্রাদিমরুদ্গণাংস্তৃণকণান্যত্র স্থিতো মন্যতে
যত্স্বাদাদ্বিরসা ভবংতি বিভবাস্ত্রৈলোক্যরাজ্য়াদয়ঃ ।
ভোগঃ কোঽপি স এব একঃ পরমো নিত্য়োদিতো জৃংভতে
ভোঃ সাধো ক্ষণভংগুরে তদিতরে ভোগে রতিং মা কৃথাঃ ॥ 3.40 ॥

সা রম্য়া নগরী মহান্স নৃপতিঃ সামংতচক্রং চ তত্
পার্শ্বে তস্য় চ সা বিদগ্ধপরিষত্তাশ্চংদ্রবিংবাননাঃ ।
উদ্বৃত্তঃ স রাজপুত্রনিবহস্তে বংদিনস্তাঃ কথাঃ
সর্বং যস্য় বশাদগাত্স্মৃতিপথং কালায় তস্মৈ নমঃ ॥ 3.41 ॥

যত্রানেকঃ ক্বচিদপি গৃহে তত্র তিষ্ঠত্যথৈকো
যত্রাপ্য়েকস্তদনু বহবস্তত্র নৈকোঽপি চাংতে ।
ইত্থং নেয়ৌ রজনিদিবসৌ লোলয়ংদ্বাবিবাক্ষৌ
কালঃ কল্য়ো ভুবনফলকে ক্রীডতি প্রাণিশারৈঃ ॥ 3.42 ॥

আদিত্যস্য় গতাগতৈরহরহঃ সংক্ষীযতে জীবিতং
ব্য়াপারৈর্বহুকার্যভারগুরুভিঃ কালোঽপি ন জ্ঞাযতে ।
দৃষ্ট্বা জন্মজরাবিপত্তিমরণং ত্রাসশ্চ নোত্পদ্যতে
পীত্বা মোহময়ীং প্রমাদমদিরাং উন্মত্তভূতং জগত্ ॥ 3.43 ॥

রাত্রিঃ সৈব পুনঃ স এব দিবসো মত্বা মুধা জংতবো
ধাবংত্য়ুদ্যমিনস্তথৈব নিভৃতপ্রারব্ধতত্তত্ক্রিয়াঃ ।
ব্য়াপারৈঃ পুনর্​উক্তভূতবিষয়ৈরিত্থং বিধেনামুনা
সংসারেণ কদর্থিতা বয়ং অহো মোহান্ন লজ্জামহে ॥ 3.44 ॥

ন ধ্য়াতং পদং ঈশ্বরস্য় বিধিবত্সংসারবিচ্ছিত্তয়ে
স্বর্গদ্বারকপাটপাটনপটুর্ধর্মোঽপি নোপার্জিতঃ ।
নারীপীনপয়োধরোরুয়ুগলং স্বপ্নেঽপি নালিংগিতং
মাতুঃ কেবলং এব যৌবনবনচ্ছেদে কুঠারা বযম্ ॥ 3.45 ॥

নাভ্যস্তা প্রতিবাদিবৃংদদমনী বিদ্য়া বিনীতোচিতা
খড্গাগ্রৈঃ করিকুংভপীঠদলনৈর্নাকং ন নীতং যশঃ ।
কাংতাকোমলপল্লবাধররসঃ পীতো ন চংদ্রোদয়ে
তারুণ্য়ং গতং এব নিষ্ফলং অহো শূন্য়ালয়ে দীপবত্ ॥ 3.46 ॥

বিদ্য়া নাধিগতা কলংকরহিতা বিত্তং চ নোপার্জিতং
শুশ্রূষাপি সমাহিতেন মনসা পিত্রোর্ন সংপাদিতা ।
আলোলাযতলোচনাঃ প্রিযতমাঃ স্বপ্নেঽপি নালিংগিতাঃ
কালোঽয়ং পরপিংডলোলুপতয়া কাকৈরিব প্রের্যতে ॥ 3.47 ॥

বয়ং যেভ্য়ো জাতাশ্চিরপরিগতা এব খলু তে
সমং যৈঃ সংবৃদ্ধাঃ স্মৃতিবিষযতাং তেঽপি গমিতাঃ ।
ইদানীং এতে স্মঃ প্রতিদিবসং আসন্নপতনা
গতাস্তুল্য়াবস্থাং সিকতিলনদীতীরতরুভিঃ ॥ 3.48 ॥

আয়ুর্বর্ষশতং নৃণাং পরিমিতং রাত্রৌ তদ্​অর্ধং গতং
তস্য়ার্ধস্য় পরস্য় চার্ধং অপরং বালত্ববৃদ্ধত্বয়োঃ ।
শেষং ব্য়াধিবিয়োগদুঃখসহিতং সেবাদিভির্নীযতে
জীবে বারিতরংগচংচলতরে সৌখ্য়ং কুতঃ প্রাণিনাম্ ॥ 3.49 ॥

ক্ষণং বালো ভূত্বা ক্ষণং অপি যুবা কামরসিকঃ
ক্ষণং বিত্তৈর্হীনঃ ক্ষণং অপি চ সংপূর্ণবিভবঃ ।
জরাজীর্ণৈরংগৈর্নট ইব বলীমংডিততনূর্
নরঃ সংসারাংতে বিশতি যমধানীযবনিকাম্ ॥ 3.50 ॥

ত্বং রাজা বয়ং অপ্য়ুপাসিতগুরুপ্রজ্ঞাভিমানোন্নতাঃ
খ্য়াতস্ত্বং বিভবৈর্যশাংসি কবয়ো দিক্ষু প্রতন্বংতি নঃ ।
ইত্থং মানধনাতিদূরং উভয়োরপ্য়াবয়োরংতরং
যদ্যস্মাসু পরাঙ্মুখোঽসি বয়ং অপ্য়েকাংততো নিঃস্পৃহাঃ ॥ 3.51 ॥

অর্থানাং ঈশিষে ত্বং বয়ং অপি চ গিরাং ঈশ্মহে যাবদর্থং
শূরস্ত্বং বাদিদর্পব্য়ুপশমনবিধাবক্ষয়ং পাটবং নঃ ।
সেবংতে ত্বাং ধনাঢ্য়া মতিমলহতয়ে মাং অপি শ্রোতুকামাঃ ।
ময়্যপ্য়াস্থা ন তে চেত্ত্বয়ি মম নিতরাং এব রাজন্ননাস্থা ॥ 3.52 ॥

বয়ং ইহ পরিতুষ্টা বল্কলৈস্ত্বং দুকূলৈঃ
সম ইহ পরিতোষো নির্বিশেষো বিশেষঃ ।
স তু ভবতু দরিদ্রো যস্য় তৃষ্ণা বিশালা
মনসি চ পরিতুষ্টে কোঽর্থবান্কো দরিদ্রঃ ॥ 3.53 ॥

ফলং অলং অশনায় স্বাদু পানায় তোয়ং
ক্ষিতিরপি শযনার্থং বাসসে বল্কলং চ ।
নবধনমধুপানভ্রাংতসর্বেংদ্রিয়াণাং
অবিনয়ং অনুমংতুং নোত্সহে দুর্জনানাম্ ॥ 3.54 ॥

অশ্নীমহি বয়ং ভিক্ষাং আশাবাসো বসীমহি ।
শয়ীমহি মহীপৃষ্ঠে কুর্বীমহি কিং ঈশ্বরৈঃ ॥ 3.55 ॥

ন নটা না বিটা ন গাযকা ন চ সভ্য়েতরবাদচুংচবঃ ।
নৃপং ঈক্ষিতুং অত্র কে বয়ং স্তনভারানমিতা ন যোষিতঃ ॥ 3.56 ॥

বিপুলহৃদয়ৈরীশৈরেতজ্জগজ্জনিতং পুরা
বিধৃতং অপরৈর্দত্তং চান্য়ৈর্বিজিত্য় তৃণং যথা ।
ইহ হি ভুবনান্যন্য়ৈর্ধীরাশ্চতুর্দশ ভুংজতে
কতিপযপুরস্বাম্য়ে পুংসাং ক এষ মদজ্বরঃ ॥ 3.57 ॥

অভুক্তায়াং যস্য়াং ক্ষণং অপি ন যাতং নৃপশতৈর্
ভুবস্তস্য়া লাভে ক ইব বহুমানঃ ক্ষিতিভৃতাম্ ।
তদ্​অংশস্য়াপ্য়ংশে তদ্​অবযবলেশেঽপি পতয়ো
বিষাদে কর্তব্য়ে বিদধতি জডাঃ প্রত্য়ুত মুদম্ ॥ 3.58 ॥

মৃত্পিংডো জলরেখয়া বলয়িতঃ সর্বোঽপ্যয়ং নন্বণুঃ
স্বাংশীকৃত্য় স এব সংগরশতৈ রাজ্ঞাং গণা ভুংজতে । [তমেব]
যে দদ্য়ুর্দদতোঽথবা কিং অপরং ক্ষুদ্রা দরিদ্রা ভৃশং
ধিগ্ধিক্তান্পুরুষাধমাংধনকণান্বাংছংতি তেভ্য়োঽপি যে ॥ 3.59 ॥

স জাতঃ কোঽপ্য়াসীন্মদনরিপুণা মূর্ধ্নি ধবলং
কপালং যস্য়োচ্চৈর্বিনিহিতং অলংকারবিধয়ে ।
নৃভিঃ প্রাণত্রাণপ্রবণমতিভিঃ কৈশ্চিদধুনা
নমদ্ভিঃ কঃ পুংসাং অয়ং অতুলদর্পজ্বরভরঃ ॥ 3.60 ॥

পরেষাং চেতাংসি প্রতিদিবসং আরাধ্য় বহুধা
প্রসাদং কিং নেতুং বিশসি হৃদয় ক্লেশকলিতম্ ।
প্রসন্নে ত্বয়্য়ংতঃস্বযমুদিতচিংতামণিগণো
বিবিক্তঃ সংকল্পঃ কিং অভিলষিতং পুষ্যতি ন তে ॥ 3.61 ॥

সত্য়াং এব ত্রিলোকীসরিতি হরশিরশ্চুংবিনীবচ্ছটায়াং
সদ্বৃত্তিং কল্পয়ংত্য়াং বটবিটপভবৈর্বল্কলৈঃ সত্ফলৈশ্চ ।
কোঽয়ং বিদ্বান্বিপত্তিজ্বরজনিতরুজাতীবদুঃখাসিকানাং
বক্ত্রং বীক্ষেত দুঃস্থে যদি হি ন বিভৃয়াত্স্বে কুটুংবেঽনুকংপাম্ ॥ 3.61.1 ॥

পরিভ্রমসি কিং মুধা ক্বচন চিত্ত বিশ্রাম্যতাং
স্বয়ং ভবতি যদ্যথা ভবতি তত্তথা নান্যথা ।
অতীতং অননুস্মরন্নপি চ ভাব্যসংকল্পযন্নতর্কিত
সমাগমাননুভবামি ভোগানহম্ ॥ 3.62 ॥

এতস্মাদ্বিরমেংদ্রিয়ার্থগহনাদায়াসকাদাশ্রযশ্রেয়ো
মার্গং অশেষদুঃখশমনব্য়াপারদক্ষং ক্ষণাত্ ।
স্বাত্মীভাবং উপৈহি সংত্যজ নিজাং কল্লোললোলাং গতিং
মা ভূয়ো ভজ ভংগুরাং ভবরতিং চেতঃ প্রসীদাধুনা ॥ 3.63 ॥

মোহং মার্জয় তাং উপার্জয় রতিং চংদ্রার্ধচূডামণৌ
চেতঃ স্বর্গতরংগিণীতটভুবাং আসংগং অংগীকুরু ।
কো বা বীচিষু বুদ্বুদেষু চ তডিল্লেখাসু চ শ্রীষু চ
জ্বালাগ্রেষু চ পন্নগেষু সরিদ্বেগেষু চ প্রত্যয়ঃ ॥ 3.64 ॥

চেতশ্চিংতয় মা রমাং সকৃদিমাং অস্থায়িনীং আস্থয়া
ভূপালভ্রুকুটীকুটীবিহরণব্য়াপারপণ্য়াংগনাম্ ।
কংথাকংচুকিনঃ প্রবিশ্য় ভবনদ্বারাণি বারাণসীরথ্য়া
পংক্তিষু পাণিপাত্রপতিতাং ভিক্ষাং অপেক্ষামহে ॥ 3.65 ॥

অগ্রে গীতং সরসকবয়ঃ পার্শ্বয়োর্দাক্ষিণাত্য়াঃ
পশ্চাল্লীলাবলযরণিতং চামরগ্রাহিণীনাম্ ।
যদ্যস্ত্য়েবং কুরু ভবরসাস্বাদনে লংপটত্বং
নো চেচ্চেতঃ প্রবিশ সহসা নির্বিকল্পে সমাধৌ ॥ 3.66 ॥

প্রাপ্তাঃ শ্রিয়ঃ সকলকামদুঘাস্ততঃ কিং
ন্যস্তং পদং শিরসি বিদ্বিষতাং ততঃ কিম্ ।
সংপাদিতাঃ প্রণয়িনো বিভবৈস্ততঃ কিং
কল্পং স্থিতাস্তনুভৃতাং তনবস্ততঃ কিম্ ॥ 3.67 ॥

ভক্তির্ভবে মরণজন্মভয়ং হৃদিস্থং
স্নেহো ন বংধুষু ন মন্মথজা বিকারাঃ ।
সংসর্গ দোষরহিতা বিজনা বনাংতা
বৈরাগ্য়ং অস্তি কিং ইতঃ পরমর্থনীযম্ ॥ 3.68 ॥

তস্মাদনংতং অজরং পরমং বিকাসি
তদ্ব্রহ্ম চিংতয় কিং এভিরসদ্বিকল্পৈঃ ।
যস্য়ানুষংগিণ ইমে ভুবনাধিপত্যভোগাদয়ঃ
কৃপণলোকমতা ভবংতি ॥ 3.69 ॥

পাতালং আবিশসি যাসি নভো বিলংঘ্য়
দিঙ্মংডলং ভ্রমসি মানস চাপলেন ।
ভ্রাংত্য়াপি জাতু বিমলং কথং আত্মনীনং
ন ব্রহ্ম সংস্মরসি নির্বৃতিং এষি যেন ॥ 3.70 ॥

কিং বেদৈঃ স্মৃতিভিঃ পুরাণপঠনৈঃ শাস্ত্রৈর্মহাবিস্তরৈঃ
স্বর্গগ্রামকুটীনিবাসফলদৈঃ কর্মক্রিয়াবিভ্রমৈঃ ।
মুক্ত্বৈকং ভবদুঃখভাররচনাবিধ্বংসকালানলং
স্বাত্মানংদপদপ্রবেশকলনং শেশৈর্বণিগ্বৃত্তিভিঃ ॥ 3.71 ॥

নায়ং তে সময়ো রহস্য়ং অধুনা নিদ্রাতি নাথো যদি
স্থিত্বা দ্রক্ষ্যতি কুপ্যতি প্রভুরিতি দ্বারেষু যেষাং বচঃ ।
চেতস্তানপহায় যাহি ভবনং দেবস্য় বিশ্বেশিতুর্
নির্দৌবারিকনির্দয়োক্ত্য়্​অপরুষং নিঃসীমশর্মপ্রদম্ ॥ 3.71.1 ॥

যতো মেরুঃ শ্রীমান্নিপততি যুগাংতাগ্নিবলিতঃ
সমুদ্রাঃ শুষ্য়ংতি প্রচুরমকরগ্রাহনিলয়াঃ ।
ধরা গচ্ছত্য়ংতং ধরণিধরপাদৈরপি ধৃতা
শরীরে কা বার্তা করিকলভকর্ণাগ্রচপলে ॥ 3.72 ॥

গাত্রং সংকুচিতং গতির্বিগলিতা ভ্রষ্টা চ দংতাবলির্
দৃষ্টির্নশ্যতি বর্ধতে বধিরতা বক্ত্রং চ লালাযতে ।
বাক্য়ং নাদ্রিযতে চ বাংধবজনো ভার্য়া ন শুশ্রূষতে
হা কষ্টং পুরুষস্য় জীর্ণবযসঃ পুত্রোঽপ্যমিত্রাযতে ॥ 3.73 ॥

বর্ণং সিতং শিরসি বীক্ষ্য় শিরোরুহাণাং
স্থানং জরাপরিভবস্য় তদা পুমাংসম্ ।
আরোপিতাস্থিশতকং পরিহৃত্য় যাংতি
চংডালকূপং ইব দূরতরং তরুণ্য়ঃ ॥ 3.74 ॥

যাবত্স্বস্থং ইদং শরীরং অরুজং যাবচ্চ দূরে জরা
যাবচ্চেংদ্রিযশক্তিরপ্রতিহতা যাবত্ক্ষয়ো নায়ুষঃ ।
আত্মশ্রেযসি তাবদেব বিদুষা কার্য়ঃ প্রযত্নো মহান্
সংদীপ্তে ভবনে তু কূপখননং প্রত্য়ুদ্যমঃ কীদৃশঃ ॥ 3.75 ॥

তপস্য়ংতঃ সংতঃ কিং অধিনিবসামঃ সুরনদীং
গুণোদারাংদারানুত পরিচরামঃ সবিনযম্ ।
পিবামঃ শাস্ত্রৌঘানুতবিবিধকাব্য়ামৃতরসান্
ন বিদ্মঃ কিং কুর্মঃ কতিপযনিমেষায়ুষি জনে ॥ 3.76 ॥

দুরারাধ্য়াশ্চামী তুরগচলচিত্তাঃ ক্ষিতিভুজো
বয়ং তু স্থূলেচ্ছাঃ সুমহতি ফলে বদ্ধমনসঃ ।
জরা দেহং মৃত্য়ুর্হরতি দয়িতং জীবিতং ইদং
সখে নান্যচ্ছ্রেয়ো জগতি বিদুষোঽন্যত্র তপসঃ ॥ 3.77 ॥

মানে ম্লায়িনি খংডিতে চ বসুনি ব্যর্থে প্রয়াতেঽর্থিনি
ক্ষীণে বংধুজনে গতে পরিজনে নষ্টে শনৈর্য়ৌবনে ।
যুক্তং কেবলং এতদেব সুধিয়াং যজ্জহ্নুকন্য়াপয়ঃপূতগ্রাব
গিরীংদ্রকংদরতটীকুংজে নিবাসঃ ক্বচিত্ ॥ 3.78 ॥

রম্য়াশ্চংদ্রমরীচযস্তৃণবতী রম্য়া বনাংতস্থলী
রম্য়ং সাধুসমাগমাগতসুখং কাব্য়েষু রম্য়াঃ কথাঃ ।
কোপোপাহিতবাষ্পবিংদুতরলং রম্য়ং প্রিয়ায়া মুখং
সর্বং রম্য়ং অনিত্যতাং উপগতে চিত্তে ন কিংচিত্পুনঃ ॥ 3.79 ॥

রম্য়ং হর্ম্যতলং ন কিং বসতয়ে শ্রাব্য়ং ন গেয়াদিকং
কিং বা প্রাণসমাসমাগমসুখং নৈবাধিকপ্রীতয়ে ।
কিংতু ভ্রাংতপতংগপক্ষপবনব্য়ালোলদীপাংকুরচ্ছায়া
চংচলং আকলয়্য় সকলং সংতো বনাংতং গতাঃ ॥ 3.80 ॥

আ সংসারাত্ত্রিভুবনং ইদং চিন্বতাং তাত তাদৃঙ্নৈবাস্মাকং
নযনপদবীং শ্রোত্রমার্গং গতো বা ।
যোঽয়ং ধত্তে বিষযকরিণো গাঢগূঢাভিমানক্ষীবস্য়াংতঃ [বিষযকরিণীগাঢগূঢাভিমানক্ষীবস্য়াংতঃ]
করণকরিণঃ সংযমালানলীলাম্ ॥ 3.81 ॥

যদেতত্স্বচ্ছংদং বিহরণং অকার্পণ্য়ং অশনং
সহার্য়ৈঃ সংবাসঃ শ্রুতং উপশমৈকব্রতফলম্ ।
মনো মংদস্পংদং বহিরপি চিরস্য়াপি বিমৃশন্ন
জানে কস্য়ৈষা পরিণতিরুদারস্য় তপসঃ ॥ 3.82 ॥

জীর্ণা এব মনোরথাশ্চ হৃদয়ে যাতং চ তদ্য়ৌবনং
হংতাংগেষু গুণাশ্চ বংধ্যফলতাং যাতা গুণজ্ঞৈর্বিনা ।
কিং যুক্তং সহসাভ্য়ুপৈতি বলবান্কালঃ কৃতাংতোঽক্ষমী
হা জ্ঞাতং মদনাংতকাংঘ্রিয়ুগলং মুক্ত্বাস্তি নান্য়া গতিঃ ॥ 3.83 ॥

মহেশ্বরে বা জগতাং অধীশ্বরে
জনার্দনে বা জগদ্​অংতরাত্মনি ।
ন বস্তুভেদপ্রতিপত্তিরস্তি মে
তথাপি ভক্তিস্তরুণেংদুশেখরে ॥ 3.84 ॥

স্ফুরত্স্ফারজ্য়োত্স্নাধবলিততলে ক্বাপি পুলিনে
সুখাসীনাঃ শাংতধ্বনিষু রজনীষু দ্য়ুসরিতঃ ।
ভবাভোগোদ্বিগ্নাঃ শিব শিব শিবেত্য়ুচ্চবচসঃ
কদা যাস্য়ামোঽংতর্গতবহুলবাষ্পাকুলদশাম্ ॥ 3.85 ॥

মহাদেবো দেবঃ সরিদপি চ সৈষা সুরসরিদ্গুহা
এবাগারং বসনং অপি তা এব হরিতঃ ।
সুহৃদা কালোঽয়ং ব্রতং ইদং অদৈন্যব্রতং ইদং
কিযদ্বা বক্ষ্য়ামো বটবিটপ এবাস্তু দয়িতা ॥ 3.85.1 ॥

বিতীর্ণে সর্বস্বে তরুণকরুণাপূর্ণহৃদয়াঃ
স্মরংতঃ সংসারে বিগুণপরিণামাং বিধিগতিম্ ।
বয়ং পুণ্য়ারণ্য়ে পরিণতশরচ্চংদ্রকিরণাস্
ত্রিয়ামা নেষ্য়ামো হরচরণচিংতৈকশরণাঃ ॥ 3.86 ॥

কদা বারাণস্য়াং অমরতটিনীরোধসি বসন্
বসানঃ কৌপীনং শিরসি নিদধানোঽংজলিপুটম্ ।
অয়ে গৌরীনাথ ত্রিপুরহর শংভো ত্রিনযন
প্রসীদেত্য়াক্রোশন্নিমিষং ইব নেষ্য়ামি দিবসান্ ॥ 3.87 ॥

উদ্য়ানেষু বিচিত্রভোজনবিধিস্তীব্রাতিতীব্রং তপঃ
কৌপীনাবরণং সুবস্ত্রং অমিতং ভিক্ষাটনং মংডনম্ ।
আসন্নং মরণং চ মংগলসমং যস্য়াং সমুত্পদ্যতে
তাং কাশীং পরিহৃত্য় হংত বিবুধৈরন্যত্র কিং স্থীযতে ॥ 3.87.1 ॥

স্নাত্বা গাংগৈঃ পয়োভিঃ শুচিকুসুমফলৈরর্চয়িত্বা বিভো ত্বাং
ধ্য়েয়ে ধ্য়ানং নিবেশ্য় ক্ষিতিধরকুহরগ্রাবপর্য়ংকমূলে ।
আত্মারামঃ ফলাশী গুরুবচনরতস্ত্বত্প্রসাদাত্স্মরারে
দুঃখং মোক্ষ্য়ে কদাহং সমকরচরণে পুংসি সেবাসমুত্থম্ ॥ 3.88 ॥

একাকী নিঃস্পৃহঃ শাংতঃ পাণিপাত্রো দিগংবরঃ ।
কদা শংভো ভবিষ্য়ামি কর্মনির্মূলনক্ষমঃ ॥ 3.89 ॥

পাণিং পাত্রযতাং নিসর্গশুচিনা ভৈক্ষেণ সংতুষ্যতাং
যত্র ক্বাপি নিষীদতাং বহুতৃণং বিশ্বং মুহুঃ পশ্যতাম্ ।
অত্য়াগেঽপি তনোরখংডপরমানংদাববোধস্পৃশা
মধ্বা কোঽপি শিবপ্রসাদসুলভঃ সংপত্স্যতে যোগিনাম্ ॥ 3.90 ॥

কৌপীনং শতখংডজর্জরতরং কংথা পুনস্তাদৃশী
নৈশ্চিংত্য়ং নিরপেক্ষভৈক্ষ্য়ং অশনং নিদ্রা শ্মশানে বনে ।
স্বাতংত্র্য়েণ নিরংকুশং বিহরণং স্বাংতং প্রশাংতং সদা
স্থৈর্য়ং যোগমহোত্সবেঽপি চ যদি ত্রৈলোক্যরাজ্য়েন কিম্ ॥ 3.91 ॥

ব্রহ্মাংডং মংডলীমাত্রং কিং লোভায় মনস্বিনঃ ।
শফরীস্ফুরিতেনাব্ধিঃ ক্ষুব্ধো ন খলু জাযতে ॥ 3.92 ॥

মাতর্লক্ষ্মি ভজস্ব কংচিদপরং মত্কাংক্ষিণী মা স্ম ভূর্
ভোগেষু স্পৃহয়ালবস্তব বশে কা নিঃস্পৃহাণাং অসি ।
সদ্য়ঃ স্য়ূতপলাশপত্রপুটিকাপাত্রৈঃ পবিত্রীকৃতৈর্
ভিক্ষাবস্তুভিরেব সংপ্রতি বয়ং বৃত্তিং সমীহামহে ॥ 3.93 ॥

মহাশয়্য়া পৃথ্বী বিপুলং উপধানং ভুজলতা
বিতানং চাকাশং ব্যজনং অনুকূলোঽয়ং অনিলঃ ।
শরচ্চংদ্রো দীপো বিরতিবনিতাসংগমুদিতঃ
সুখী শাংতঃ শেতে মুনিরতনুভূতির্নৃপ ইব ॥ 3.94 ॥

ভিক্ষাশী জনমধ্যসংগরহিতঃ স্বাযত্তচেষ্টঃ সদা
হানাদানবিরক্তমার্গনিরতঃ কশ্চিত্তপস্বী স্থিতঃ ।
রথ্য়াকীর্ণবিশীর্ণজীর্ণবসনঃ সংপ্রাপ্তকংথাসনো
নির্মানো নিরহংকৃতিঃ শমসুখাভোগৈকবদ্ধস্পৃহঃ ॥ 3.95 ॥

চংডালঃ কিং অয়ং দ্বিজাতিরথবা শূদ্রোঽথ কিং তাপসঃ
কিং বা তত্ত্ববিবেকপেশলমতির্য়োগীশ্বরঃ কোঽপি কিম্ ।
ইত্য়ুত্পন্নবিকল্পজল্পমুখরৈরাভাষ্যমাণা জনৈর্
ন ক্রুদ্ধাঃ পথি নৈব তুষ্টমনসো যাংতি স্বয়ং যোগিনঃ ॥ 3.96 ॥

হিংসাশূন্য়ং অযত্নলভ্য়ং অশনং ধাত্রা মরুত্কল্পিতং
ব্য়ালানাং পশবস্তৃণাংকুরভুজস্তুষ্টাঃ স্থলীশায়িনঃ ।
সংসারার্ণবলংঘনক্ষমধিয়াং বৃত্তিঃ কৃতা সা নৃণাং
তাং অন্বেষযতাং প্রয়াংতি সততং সর্বং সমাপ্তিং গুণাঃ ॥ 3.97 ॥

গংগাতীরে হিমগিরিশিলাবদ্ধপদ্মাসনস্য়
ব্রহ্মধ্য়ানাভ্যসনবিধিনা যোগনিদ্রাং গতস্য় ।
কিং তৈর্ভাব্য়ং মম সুদিবসৈর্যত্র তে নির্বিশংকাঃ
কংডূয়ংতে জরঠহরিণাঃ স্বাংগং অংগে মদীয়ে ॥ 3.98 ॥

জীর্ণা কংথা ততঃ কিং সিতং অমলপটং পট্টসূত্রং ততঃ কিং
একা ভার্য়া ততঃ কিং হযকরিসুগণৈরাবৃতো বা ততঃ কিম্ ।
ভক্তং ভুক্তং ততঃ কিং কদশনং অথবা বাসরাংতে ততঃ কিং
ব্যক্তজ্য়োতির্ন বাংতর্মথিতভবভয়ং বৈভবং বা ততঃ কিম্ ॥ 3.98.1 ॥

পাণিঃ পাত্রং পবিত্রং ভ্রমণপরিগতং ভৈক্ষ্য়ং অক্ষয়্য়ং অন্নং
বিস্তীর্ণং বস্ত্রং আশাদশকং অচপলং তল্পং অস্বল্পং উর্বী ।
যেষাং নিঃসংগতাংগীকরণপরিণতস্বাংতসংতোষিণস্তে
ধন্য়াঃ সংন্যস্তদৈন্যব্যতিকরনিকরাঃ কর্ম নির্মূলয়ংতি ॥ 3.99 ॥

ত্রৈলোক্য়াধিপতিত্বং এব বিরসং যস্মিন্মহাশাসনে
তল্লব্ধ্বাসনবস্ত্রমানঘটনে ভোগে রতিং মা কৃথাঃ ।
ভোগঃ কোঽপি স এক এব পরমো নিত্য়োদিতো জৃংভতে
যত্স্বাদাদ্বিরসা ভবংতি বিষয়াস্ত্রৈলোক্যরাজ্য়াদয়ঃ ॥ 3.99.1 ॥

মাতর্মেদিনি তাত মারুত সখে তেজঃ সুবংধো জল
ভ্রাতর্ব্য়োম নিবদ্ধ এষ ভবতাং অংত্য়ঃ প্রণামাংজলিঃ ।
যুষ্মত্সংগবশোপজাতসুকৃতস্ফারস্ফুরন্নির্মলজ্ঞানাপাস্ত
সমস্তমোহমহিমা লীয়ে পরব্রহ্মণি ॥ 3.100 ॥

শয়্য়া শৈলশিলা গৃহং গিরিগুহা বস্ত্রং তরূণাং ত্বচঃ
সারংগাঃ সুহৃদো ননু ক্ষিতিরুহাং বৃত্তিঃ ফলৈঃ কোমলৈঃ ।
যেষাং নির্ঝরং অংবুপানং উচিতং রত্য়ৈ তু বিদ্য়াংগনা
মন্য়ে তে পরমেশ্বরাঃ শিরসি যৈর্ বদ্ধো ন সেবাংজলিঃ ॥ 3.101 ॥

ধৈর্য়ং যস্য় পিতা ক্ষমা চ জননী শাংতিশ্চিরং গেহিনী
সত্য়ং মিত্রং ইদং দয়া চ ভগিনী ভ্রাতা মনঃসংযমঃ ।
শয়্য়া ভূমিতলং দিশোঽপি বসনং জ্ঞানামৃতং ভোজনং
হ্য়েতে যস্য় কুটুংবিনো বদ সখে কস্মাদ্ভয়ং যোগিনঃ ॥ 3.102 ॥

অহৌ বা হারে বা বলবতি রিপৌ বা সুহৃদি বা
মণৌ বা লোষ্ঠে বা কুসুমশযনে বা দৃষদি বা ।
তৃণে বা স্ত্রৈণে বা মম সমদৃশো যাংতি দিবসাঃ
ক্বচিত্পুণ্য়ারণ্য়ে শিব শিব শিবেতি প্রলপতঃ ॥ 3.103 ॥