উদ্ধবগীতা – ষষ্ঠোঽধ্যাযঃ

অথ ষষ্ঠোঽধ্যাযঃ ।

শ্রীশুকঃ উবাচ ।
অথ ব্রহ্মা আত্মজৈঃ দেবৈঃ প্রজেশৈঃ আবৃতঃ অভ্যগাত্ ।
ভবঃ চ ভূতভব্যীশঃ যযৌ ভূতগণৈঃ বৃতঃ ॥ 1॥

ইংদ্রঃ মরুদ্ভিঃ ভগবান্ আদিত্যাঃ বসবঃ অশ্বিনৌ ।
ঋভবঃ অংগিরসঃ রুদ্রাঃ বিশ্বে সাধ্যাঃ চ দেবতাঃ ॥ 2॥

গংধর্বাপ্সরসঃ নাগাঃ সিদ্ধচারণগুহ্যকাঃ ।
ঋষযঃ পিতরঃ চ এব সবিদ্যাধরকিন্নরাঃ ॥ 3॥

দ্বারকাং উপসংজগ্মুঃ সর্বে কৃষ্ণাদিদৃক্ষবঃ ।
বপুষা যেন ভগবান্ নরলোকমনোরমঃ ।
যশঃ বিতেনে লোকেষু সর্বলোকমলাপহম্ ॥ 4॥

তস্যাং বিভ্রাজমানাযাং সমৃদ্ধাযাং মহর্ধিভিঃ ।
ব্যচক্ষত অবিতৃপ্তাক্ষাঃ কৃষ্ণং অদ্ভুতদর্শনম্ ॥

5॥

স্বর্গৌদ্যানৌঅপগৈঃ মাল্যৈঃ ছাদযংতঃ যদু উত্তমম্ ।
গীর্ভিঃ চিত্রপদার্থাভিঃ তুষ্টুবুঃ জগত্ ঈশ্বরম্ ॥6॥

দেবাঃ ঊচুঃ ।
নতাঃ স্ম তে নাথ পদারবিংদং
বুদ্ধীংদ্রিযপ্রাণমনোবচোভিঃ ।
যত্ চিংত্যতে অংতর্হৃদি ভাবযুক্তৈঃ
মুমুক্ষুভিঃ কর্মময ঊরুপাশাত্ ॥ 7॥

ত্বং মাযযা ত্রিগুণযা আত্মনি দুর্বিভাব্যং
ব্যক্তং সৃজসি অবসি লুংপসি তত্ গুণস্থঃ ।
ন এতৈঃ ভবান্ অজিত কর্মভিঃ অজ্যতে বৈ
যত্ স্বে সুখে অব্যবহিতে অভিরতঃ অনবদ্যঃ ॥ 8॥

শুদ্ধিঃ নৃণাং ন তু তথা ঈড্য দুরাশযানাং
বিদ্যাশ্রুতাধ্যযনদানতপক্রিযাভিঃ ।
সত্ত্বাত্মনাং ঋষভ তে যশসি প্রবৃদ্ধ
সত্ শ্রদ্ধযা শ্রবণসংভৃতযা যথা স্যাত্ ॥ 9॥

স্যাত্ নঃ তব অংঘ্রিঃ অশুভাশযধূমকেতুঃ
ক্ষেমায যঃ মুনিভিঃ আর্দ্রহৃদৌহ্যমানঃ ।
যঃ সাত্বতৈঃ সমবিভূতযঃ আত্মবদ্ভিঃ
ব্যূহে অর্চিতঃ সবনশঃ স্বঃ অতিক্রমায ॥ 10॥

যঃ চিংত্যতে প্রযতপাণিভিঃ অধ্বরাগ্নৌ
ত্রয্যা নিরুক্তবিধিনা ঈশ হবিঃ গৃহীত্বা ।
অধ্যাত্মযোগঃ উত যোগিভিঃ আত্মমাযাং
জিজ্ঞাসুভিঃ পরমভাগবতৈঃ পরীষ্টঃ ॥ 11॥

পর্যুষ্টযা তব বিভো বনমালযা ইযং
সংস্পর্ধিনী ভগবতী প্রতিপত্নিবত্ শ্রীঃ ।
যঃ সুপ্রণীতং অমুযার্হণং আদত্ অন্নঃ
ভূযাত্ সদা অংঘ্রিঃ অশুভাশযধূমকেতুঃ ॥ 12॥

কেতুঃ ত্রিবিক্রমযুতঃ ত্রিপত্ পতাকঃ
যঃ তে ভযাভযকরঃ অসুরদেবচম্বোঃ ।
স্বর্গায সাধুষু খলু এষু ইতরায ভূমন্
পাদঃ পুনাতু ভগবন্ ভজতাং অধং নঃ ॥ 13॥

নস্যোতগাবঃ ইব যস্য বশে ভবংতি
ব্রহ্মাদযঃ অনুভৃতঃ মিথুরর্দ্যমানাঃ ।
কালস্য তে প্রকৃতিপূরুষযোঃ পরস্য
শং নঃ তনোতু চরণঃ পুরুষোত্তমস্য ॥ 14॥

অস্য অসি হেতুঃ উদযস্থিতিসংযমানাং
অব্যক্তজীবমহতাং অপি কালং আহুঃ ।
সঃ অযং ত্রিণাভিঃ অখিল অপচযে প্রবৃত্তঃ
কালঃ গভীররযঃ উত্তমপূরুষঃ ত্বম্ ॥ 15॥

ত্বত্তঃ পুমান্ সমধিগম্য যযা স্ববীর্য
ধত্তে মহাংতং ইব গর্ভং অমোঘবীর্যঃ ।
সঃ অযং তযা অনুগতঃ আত্মনঃ আংডকোশং
হৈমং সসর্জ বহিঃ আবরণৈঃ উপেতম্ ॥ 16॥

তত্তস্থুষঃ চ জগতঃ চ ভবান্ অধীশঃ
যত্ মাযযা উত্থগুণবিক্রিযযা উপনীতান্ ।
অর্থান্ জুষন্ অপি হৃষীকপতে ন লিপ্তঃ
যে অন্যে স্বতঃ পরিহৃতাত্ অপি বিভ্যতি স্ম ॥ 17॥

স্মাযা অবলোকলবদর্শিতভাবহারি
ভ্রূমংডলপ্রহিতসৌরতমংত্রশৌংডৈঃ ।
পত্ন্যঃ তু ষোডশসহস্রং অনংগবাণৈঃ
যস্য ইংদ্রিযং বিমথিতুং করণৈঃ বিভ্ব্যঃ ॥ 18॥

বিভ্ব্যঃ তব অমৃতকথা উদবহাঃ ত্রিলোক্যাঃ
পাদৌ অনেজসরিতঃ শমলানি হংতুম্ ।
আনুশ্রবং শ্রুতিভিঃ অংঘ্রিজং অংগসংগৈঃ
তীর্থদ্বযং শুচিষদস্তঃ উপস্পৃশংতি ॥ 19॥

বাদরাযণিঃ উবাচ ।
ইতি অভিষ্টূয বিবুধৈঃ সেশঃ শতধৃতিঃ হরিম্ ।
অভ্যভাষত গোবিংদং প্রণম্য অংবরং আশ্রিতঃ ॥ 20॥

ব্রহ্ম উবাচ ।
ভূমেঃ ভার অবতারায পুরা বিজ্ঞাপিতঃ প্রভো ।
ত্বং অস্মাভিঃ অশেষাত্মন্ তত্ তথা এব উপপাদিতম্ ॥ 21॥

ধর্মঃ চ স্থাপিতঃ সত্সু সত্যসংধেষু বৈ ত্বযা ।
কীর্তিঃ চ দিক্ষু বিক্ষিপ্তা সর্বলোকমলাপহা ॥ 22॥

অবতীর্য যদোঃ বংশে বিভ্রত্ রূপং অনুত্তমম্ ।
কর্মাণি উদ্দামবৃত্তানি হিতায জগতঃ অকৃথাঃ ॥ 23॥

যানি তে চরিতানি ঈশ মনুষ্যাঃ সাধবঃ কলৌ ।
শ‍ঋণ্বংতঃ কীর্তযংতঃ চ তরিষ্যংতি অংজসা তমঃ ॥ 24॥

যদুবংশে অবতীর্ণস্য ভবতঃ পুরুষোত্তম ।
শরত্ শতং ব্যতীযায পংচবিংশ অধিকং প্রভোঃ ॥ 25॥

ন অধুনা তে অখিল আধার দেবকার্য অবশেষিতম্ ।
কুলং চ বিপ্রশাপেন নষ্টপ্রাযং অভূত্ ইদম্ ॥ 26॥

ততঃ স্বধাম পরমং বিশস্ব যদি মন্যসে ।
সলোকান্ লোকপালান্ নঃ পাহি বৈকুংঠকিংকরান্ ॥ 27॥

শ্রী ভগবান্ উবাচ ।
অবধারিতং এতত্ মে যদাত্থ বিবুধেশ্বর ।
কৃতং বঃ কার্যং অখিলং ভূমেঃ ভারঃ অবতারিতঃ ॥ 28॥

তত্ ইদং যাদবকুলং বীর্যশৌর্যশ্রিযোদ্ধতম্ ।
লোকং জিঘৃক্ষত্ রুদ্ধং মে বেলযা ইব মহার্ণবঃ ॥ 29॥

যদি অসংহৃত্য দৃপ্তানাং যদুনাং বিপুলং কুলম্ ।
গংতাস্মি অনেন লোকঃ অযং উদ্বেলেন বিনংক্ষ্যতি ॥ 30॥

ইদানীং নাশঃ আরব্ধঃ কুলস্য দ্বিজশাপতঃ ।
যাস্যামি ভবনং ব্রহ্মন্ ন এতত্ অংতে তব আনঘ ॥ 31॥

শ্রী শুকঃ উবাচ ।
ইতি উক্তঃ লোকনাথেন স্বযংভূঃ প্রণিপত্য তম্ ।
সহ দেবগণৈঃ দেবঃ স্বধাম সমপদ্যত ॥ 32॥

অথ তস্যাং মহোত্পাতান্ দ্বারবত্যাং সমুত্থিতান্ ।
বিলোক্য ভগবান্ আহ যদুবৃদ্ধান্ সমাগতান্ ॥ 33॥

শ্রী ভগবান্ উবাচ ।
এতে বৈ সুমহোত্পাতাঃ ব্যুত্তিষ্ঠংতি ইহ সর্বতঃ ।
শাপঃ চ নঃ কুলস্য আসীত্ ব্রাহ্মণেভ্যঃ দুরত্যযঃ ॥ 34॥

ন বস্তব্যং ইহ অস্মাভিঃ জিজীবিষুভিঃ আর্যকাঃ ।
প্রভাসং সুমহত্ পুণ্যং যাস্যামঃ অদ্য এব মা চিরম্ ॥ 35॥

যত্র স্নাত্বা দক্ষশাপাত্ গৃহীতঃ যক্ষ্মণৌডুরাট্ ।
বিমুক্তঃ কিল্বিষাত্ সদ্যঃ ভেজে ভূযঃ কলোদযম্ ॥ 36॥

বযং চ তস্মিন্ আপ্লুত্য তর্পযিত্বা পিতৄন্সুরান্ ।
ভোজযিত্বা উশিজঃ বিপ্রান্ নানাগুণবতা অংধসা ॥ 37॥

তেষু দানানি পাত্রেষু শ্রদ্ধযা উপ্ত্বা মহাংতি বৈ ।
বৃজিনানি তরিষ্যামঃ দানৈঃ নৌভিঃ ইব অর্ণবম্ ॥ 38॥

শ্রী শুকঃ উবাচ ।
এবং ভগবতা আদিষ্টাঃ যাদবাঃ কুলনংদন ।
গংতুং কৃতধিযঃ তীর্থং স্যংদনান্ সমযূযুজন্ ॥ 39॥

তত্ নিরীক্ষ্য উদ্ধবঃ রাজন্ শ্রুত্বা ভগবতা উদিতম্ ।
দৃষ্ট্বা অরিষ্টানি ঘোরাণি নিত্যং কৃষ্ণং অনুব্রতঃ ॥ 40॥

বিবিক্তঃ উপসংগম্য জগতাং ঈশ্বরেশ্বরম্ ।
প্রণম্য শিরসা পাদৌ প্রাংজলিঃ তং অভাষত ॥ 41॥

উদ্ধবঃ উবাচ ।
দেবদেবেশ যোগেশ পুণ্যশ্রবণকীর্তন ।
সংহৃত্য এতত্ কুলং নূনং লোকং সংত্যক্ষ্যতে ভবান্ ।
বিপ্রশাপং সমর্থঃ অপি প্রত্যহন্ ন যদি ঈশ্বরঃ ॥ 42॥

ন অহং তব অংঘ্রিকমলং ক্ষণার্ধং অপি কেশব ।
ত্যক্তুং সমুত্সহে নাথ স্বধাম নয মাং অপি ॥ 43॥

তব বিক্রীডিতং কৃষ্ণ নৃণাং পরমমংগলম্ ।
কর্ণপীযূষং আস্বাদ্য ত্যজতি অন্যস্পৃহাং জনঃ ॥ 44॥

শয্যাসনাটনস্থানস্নানক্রীডাশনাদিষু ।
কথং ত্বাং প্রিযং আত্মানং বযং ভক্তাঃ ত্যজেমহি ॥ 45॥

ত্বযা উপভুক্তস্রক্গংধবাসঃ অলংকারচর্চিতাঃ ।
উচ্ছিষ্টভোজিনঃ দাসাঃ তব মাযাং জযেমহি ॥ 46॥

বাতাশনাঃ যঃ ঋষযঃ শ্রমণা ঊর্ধ্বমংথিনঃ ।
ব্রহ্মাখ্যং ধাম তে যাংতি শাংতাঃ সংন্যাসিনঃ অমলাঃ ॥

47॥

বযং তু ইহ মহাযোগিন্ ভ্রমংতঃ কর্মবর্ত্মসু ।
ত্বত্ বার্তযা তরিষ্যামঃ তাবকৈঃ দুস্তরং তমঃ ॥ 48॥

স্মরংতঃ কীর্তযংতঃ তে কৃতানি গদিতানি চ ।
গতিউত্স্মিতীক্ষণক্ষ্বেলি যত্ নৃলোকবিডংবনম্ ॥ 49॥

শ্রী শুকঃ উবাচ ।
এবং বিজ্ঞাপিতঃ রাজন্ ভগবান্ দেবকীসুতঃ ।
একাংতিনং প্রিযং ভৃত্যং উদ্ধবং সমভাষত ॥ 50॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে দেবস্তুত্যুদ্ধ্ববিজ্ঞাপনং নাম
ষষ্ঠোঽধ্যাযঃ ॥