সূর্য নিত্য পূজা বিধানম্

আবশ্যকানি বস্তূনি
– আসনং
– দীপঃ
– গংধঃ
– কুংকুমং
– অক্ষতাঃ
– পুষ্পাণি
– ধূপঃ
– নৈবেদ্যং
– তাংবূলং
– আচমনীযং
– পূজা পাত্রং
– কলশঃ
– শংখঃ [optional]
– সূর্যনারাযণ স্বামি প্রতিমা বা চিত্রপটঃ বা

পূর্বাংগ পূজা
শ্রীমহাগণাধিপতযে নমঃ ।
শ্রী গুরুভ্যো নমঃ ।
হরিঃ ওম্ ।

শুচিঃ
অপবিত্রঃ পবিত্রো বা সর্বাবস্থাং গতোঽপি বা ।
যঃ স্মরেত্ পুংডরীকাক্ষং স বাহ্যাভ্যংতরঃ শুচিঃ ॥
পুংডরীকাক্ষ পুংডরীকাক্ষ পুংডরীকাক্ষায নমঃ ॥

প্রার্থনা
শুক্লাংবরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্যাযেত্ সর্ববিঘ্নোপশাংতযে ॥

অগজানন পদ্মার্কং গজাননমহর্নিশম্ ।
অনেকদং তং ভক্তানাং একদংতমুপাস্মহে ॥

তদেব লগ্নং সুদিনং তদেব
তারাবলং চংদ্রবলং তদেব ।
বিদ্যাবলং দৈববলং তদেব
লক্ষ্মীপতে তেঽংঘ্রিযুগং স্মরামি ॥

গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ ।
গুরুঃ সাক্ষাত্ পরব্রহ্ম তস্মৈ শ্রীগুরবে নমঃ ॥

সর্বমংগল মাংগল্যে শিবে সর্বার্থসাধিকে ।
শরণ্যে ত্র্যংবকে গৌরী নারাযণি নমোঽস্তু তে ॥

শ্রীলক্ষ্মীনারাযণাভ্যাং নমঃ ।
উমামহেশ্বরাভ্যাং নমঃ ।
বাণীহিরণ্যগর্ভাভ্যাং নমঃ ।
শচীপুরংদরাভ্যাং নমঃ ।
অরুংধতীবসিষ্ঠাভ্যাং নমঃ ।
শ্রীসীতারামাভ্যাং নমঃ ।
মাতাপিতৃভ্যো নমঃ ।
সর্বেভ্যো মহাজনেভ্যো নমঃ ।

আচমনং
ওং কেশবায স্বাহা ।
ওং নারাযণায স্বাহা ।
ওং মাধবায স্বাহা ।
ওং গোবিংদায নমঃ ।
ওং বিষ্ণবে নমঃ ।
ওং মধুসূদনায নমঃ ।
ওং ত্রিবিক্রমায নমঃ ।
ওং বামনায নমঃ ।
ওং শ্রীধরায নমঃ ।
ওং হৃষীকেশায নমঃ ।
ওং পদ্মনাভায নমঃ ।
ওং দামোদরায নমঃ ।
ওং সংকর্ষণায নমঃ ।
ওং বাসুদেবায নমঃ ।
ওং প্রদ্যুম্নায নমঃ ।
ওং অনিরুদ্ধায নমঃ ।
ওং পুরুষোত্তমায নমঃ ।
ওং অধোক্ষজায নমঃ ।
ওং নারসিংহায নমঃ ।
ওং অচ্যুতায নমঃ ।
ওং জনার্দনায নমঃ ।
ওং উপেংদ্রায নমঃ ।
ওং হরযে নমঃ ।
ওং শ্রীকৃষ্ণায নমঃ ।

দীপারাধনম্
দীপস্ত্বং ব্রহ্মরূপোঽসি জ্যোতিষাং প্রভুরব্যযঃ ।
সৌভাগ্যং দেহি পুত্রাংশ্চ সর্বান্কামাংশ্চ দেহি মে ॥
ভো দীপ দেবি রূপস্ত্বং কর্মসাক্ষী হ্যবিঘ্নকৃত্ ।
যাবত্পূজাং করিষ্যামি তাবত্ত্বং সুস্থিরো ভব ॥
দীপারাধন মুহূর্তঃ সুমুহূর্তোঽস্তু ॥

ভূতোচ্চাটনম্
উত্তিষ্ঠংতু ভূতপিশাচাঃ য এতে ভূমিভারকাঃ ।
এতেষামবিরোধেন ব্রহ্মকর্ম সমারভে ॥
অপসর্পংতু তে ভূতা যে ভূতা ভূমিসংস্থিতাঃ ।
যে ভূতা বিঘ্নকর্তারস্তে গচ্ছংতু শিবাঽজ্ঞযা ॥

প্রাণাযামঃ

ওং ভূঃ । ওং ভুবঃ॑ । ওগ্​ম্ সুবঃ॑ । ওং মহঃ॑ । ওং জনঃ॑ । ওং তপঃ॑ । ওগ্​ম্ সত্যম্ ।
ওং তত্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি ।
ধিযো॒ যো নঃ॑ প্রচো॒দযা᳚ত্ ॥
ওমাপো॒ জ্যোতী॒ রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ॥

সংকল্পঃ
মম উপাত্ত সমস্ত দুরিতক্ষয দ্বারা শ্রীপরমেশ্বর প্রীত্যর্থং, মম/অস্মাকং সহকুটুংবস্য ক্ষেম-স্থৈর্য-ধৈর্য-বীর্য-বিজয-অভয-আযুঃ-আরোগ্য-ঐশ্বর্য-অভিবৃদ্ধ্যর্থং, আরোগ্য-তেজস্-বল-প্রাপ্ত্যর্থং, ধর্মার্থ-কাম-মোক্ষ-চতুর্বিধ-পুরুষার্থ-ফল-সিদ্ধ্যর্থং, শ্রীসূর্যনারাযণ স্বামি-প্রীত্যর্থং, যাবচ্ছক্তি ধ্যান-আবাহনাদি-ষোডশোপচার-পূজাং করিষ্যে ॥

তদংগ কলশারাধনং করিষ্যে ॥

কলশারাধনম্
কলশে গংধ পুষ্পাক্ষতৈরভ্যর্চ্য ।
কলশে উদকং পূরযিত্বা ।
কলশস্যোপরি হস্তং নিধায ।

কলশস্য মুখে বিষ্ণুঃ কংঠে রুদ্রঃ সমাশ্রিতঃ ।
মূলে ত্বস্য স্থিতো ব্রহ্মা মধ্যে মাতৃগণাঃ স্মৃতাঃ ॥
কুক্ষৌ তু সাগরাঃ সর্বে সপ্তদ্বীপা বসুংধরা ।
ঋগ্বেদোঽথ যজুর্বেদো সামবেদো হ্যথর্বণঃ ॥
অংগৈশ্চ সহিতাঃ সর্বে কলশাংবু সমাশ্রিতাঃ ॥

গংগে চ যমুনে চৈব গোদাবরী সরস্বতী ।
নর্মদে সিংধু কাবেরী জলেঽস্মিন্ সন্নিধিং কুরু ॥
কাবেরী তুংগভদ্রা চ কৃষ্ণবেণী চ গৌতমী ।
ভাগীরথীতি বিখ্যাতাঃ পংচগংগাঃ প্রকীর্তিতাঃ ॥

আযাংতু দেবপূজার্থং মম দুরিতক্ষযকারকাঃ ।
কলশোদকেন পূজা দ্রব্যাণি সংপ্রোক্ষ্য, দেবং সংপ্রোক্ষ্য, আত্মানং চ সংপ্রোক্ষ্য ॥

শংখপূজা
শংখং চংদ্রার্ক দৈবতং মধ্যে বরুণ দেবতাম্ ।
পৃষ্ঠে প্রজাপতিং বিংদ্যাদগ্রে গংগা সরস্বতীম্ ॥
ত্রৈলোক্যে যানি তীর্থানি বাসুদেবস্য আজ্ঞযা ।
শংখে তিষ্ঠংতু বিপ্রেংদ্রাঃ তস্মাত্ শংখং প্রপূজযেত্ ॥

ওং শংখায নমঃ ।
ওং ধবলায নমঃ ।
ওং পাংচজন্যায নমঃ ।
ওং শংখদেবতাভ্যো নমঃ ।
সকলপূজার্থে অক্ষতান্ সমর্পযামি ॥

ঘংটানাদঃ
আগমার্থং তু দেবানাং গমনার্থং তু রাক্ষসাম্ ।
ঘংটারবং করোম্যাদৌ দেবতাহ্বান লাংছনম্ ॥
ওং ঘংটাদেবতাভ্যো নমঃ ।
সকলোপচার পূজার্থে অক্ষতান্ সমর্পযামি ॥

শ্রী মহাগণপতি পূজা

ওং গ॒ণানাং᳚ ত্বা গ॒ণপ॑তিগ্​ম্ হবামহে ক॒বিং ক॑বী॒নাং উপ॒মশ্র॑বস্তবম্ ।
জ্যে॒ষ্ঠ॒রাজং॒ ব্রহ্ম॑ণাং ব্রহ্মণস্পত॒ আ নঃ॑ শৃ॒ণ্বন্নূ॒তিভি॑স্সীদ॒ সাদ॑নম্ ॥

সুমুখশ্চৈকদংতশ্চ কপিলো গজকর্ণকঃ ।
লংবোদরশ্চ বিকটো বিঘ্নরাজো গণাধিপঃ ॥
ধূমকেতুর্গণাধ্যক্ষঃ ফালচংদ্রো গজাননঃ ।
বক্রতুংডঃ শূর্পকর্ণো হেরংবঃ স্কংদপূর্বজঃ ॥

ওং শ্রীমহাগণপতযে নমঃ ।
ধ্যাযামি । আবাহযামি । আসনং সমর্পযামি ।
পাদ্যং সমর্পযামি । অর্ঘ্যং সমর্পযামি । আচমনীযং সমর্পযামি ।
স্নানং সমর্পযামি । বস্ত্রং সমর্পযামি । যজ্ঞোপবীতং সমর্পযামি ।
গংধং সমর্পযামি । পুষ্পাণি সমর্পযামি ।
ধূপমাঘ্রাপযামি । দীপং দর্শযামি ।
নৈবেদ্যং সমর্পযামি । তাংবূলং সমর্পযামি ।
নীরাজনং সমর্পযামি । মংত্রপুষ্পং সমর্পযামি ।
প্রদক্ষিণ নমস্কারান্ সমর্পযামি ॥

ষোডশোপচার পূজা
সূর্যনারাযণ ধ্যানম্
ধ্যেযঃ সদা সবিতৃমংডলমধ্যবর্তী
নারাযণঃ সরসিজাসন সন্নিবিষ্টঃ ।
কেযূরবান্ মকরকুংডলবান্ কিরীটী
হারী হিরণ্মযবপুঃ ধৃতশংখচক্রঃ ॥

অরুণোঽরুণপংকজে নিষণ্ণঃ
কমলেঽভীতিবরৌ করৈর্দধানঃ ।
স্বরুচাহিত মংডলস্ত্রিনেত্রো
রবিরাকল্প শতাকুলোঽবতান্নঃ ॥

ওং শ্রীসূর্যনারাযণায নমঃ ।
ধ্যাযামি । ধ্যানং সমর্পযামি ॥

আবাহনম্

স॒হস্র॑শীর্​ষা॒ পুরু॑ষঃ । স॒হ॒স্রা॒ক্ষঃ স॒হস্র॑পাত্ ।
স ভূমিং॑-বিঁ॒শ্বতো॑ বৃ॒ত্বা । অত্য॑তিষ্ঠদ্দশাংগু॒লম্ ॥

আগচ্ছ ভগবন্ সূর্য মংডপে চ স্থিরো ভব ।
যাবত্পূজা সমাপ্যেত তাবত্ত্বং সন্নিধৌ ভব ॥
ওং শ্রীসূর্যনারাযণায নমঃ ।
আবাহযামি । স্থাপযামি । পূজযামি ॥

আসনম্

পুরু॑ষ এ॒বেদগ্​ম্ সর্বম্᳚ । যদ্ভূ॒তং-যঁচ্চ॒ ভব্যম্᳚ ।
উ॒তামৃ॑ত॒ত্ব স্যেশা॑নঃ । যদন্নে॑নাতি॒রোহ॑তি ॥

হেমাসন মহদ্দিব্যং নানারত্নবিভূষিতম্ ।
দত্তং মে গৃহ্যতাং দেব দিবাকর নমোঽস্তু তে ॥
ওং শ্রীসূর্যনারাযণায নমঃ ।
আসনং সমর্পযামি ॥

পাদ্যম্
গংগাজল সমানীতং পরমং পাবনং মহত্ ।
পাদ্যং গৃহাণ দেবেশ ধামরূপ নমোঽস্তু তে ॥
ওং শ্রীসূর্যনারাযণায নমঃ ।
পাদযোঃ পাদ্যং সমর্পযামি ॥

অর্ঘ্যম্
ভো সূর্য মহাদ্ভুত ব্রহ্মবিষ্ণু স্বরূপদৃক্ ।
অর্ঘ্যং অংজলিনা দত্তং গৃহাণ পরমেশ্বর ॥
ওং শ্রীসূর্যনারাযণায নমঃ ।
হস্তযোঃ অর্ঘ্যং সমর্পযামি ॥

আচমনীযম্
গংগাদি তীর্থজং তোযং জাতীপুষ্পৈশ্চ বাসিতম্ ।
তাম্রপাত্রে স্থিতং দিব্যং গৃহাণাচমনীযকম্ ॥
ওং শ্রীসূর্যনারাযণায নমঃ ।
মুখে আচমনীযং সমর্পযামি ॥

স্নানম্

আপো॒ হিষ্ঠা ম॑যো॒ভুব॒স্তা ন॑ ঊ॒র্জে দ॑ধাতন ।
ম॒হে রণা॑য॒ চক্ষ॑সে ॥
যো বঃ॑ শি॒বত॑মো রস॒স্তস্য॑ ভাজযতে॒হ নঃ॑ ।
উ॒শ॒তীরি॑ব মা॒ত॑রঃ ॥
তস্মা॒ অরং॑ গমাম বো॒ যস্য॒ ক্ষযা॑য॒ জিন্ব॑থ ।
আপো॑ জ॒নয॑থা চ নঃ ॥

ওং শ্রীসূর্যনারাযণায নমঃ ।
শুদ্ধোদক স্নানং সমর্পযামি ॥
স্নানানংতরং আচমনীযং সমর্পযামি ॥

বস্ত্রম্
রক্তপট্টযুগং দেব সূক্ষ্মতংতুবিনির্মিতম্ ।
শুদ্ধং চৈব মযা দত্তং গৃহাণ কমলাকর ॥
ওং শ্রীসূর্যনারাযণায নমঃ ।
বস্ত্রং সমর্পযামি ॥

যজ্ঞোপবীতম্
নমঃ কমলহস্তায বিশ্বরূপায তে নমঃ ।
উপবীতং মযা দত্তং তদ্গৃহাণ দিবাকর ॥
ওং শ্রীসূর্যনারাযণায নমঃ ।
যজ্ঞোপবীতং সমর্পযামি ॥

গংধম্
কুংকুমাগরু কস্তূরী সুগংধৈশ্চংদনাদিভিঃ ।
রক্তচংদন সংযুক্তং গংধং গৃহ্ণীষ্ব ভাস্কর ॥
ওং শ্রীসূর্যনারাযণায নমঃ ।
গংধং সমর্পযামি ॥

অর্চন
জপাকদংব কুসুমৈঃ রক্তোত্পল যুতানি চ ।
পুষ্পাণি গৃহ্যতাং দেব সর্বকামপ্রদো ভব ॥

অংগ পূজা
ওং মিত্রায নমঃ – পাদৌ পূজযামি ।
ওং রবযে নমঃ – জংঘে পূজযামি ।
ওং সূর্যায নমঃ – জানুনী পূজযামি ।
ওং খগায নমঃ – ঊরূ পূজযামি ।
ওং হিরণ্যগর্ভায নমঃ – কটিং পূজযামি ।
ওং পূষ্ণে নমঃ – গুহ্যং পূজযামি ।
ওং মরীচযে নমঃ – নাভিং পূজযামি ।
ওং আদিত্যায নমঃ – জঠরং পূজযামি ।
ওং সবিত্রে নমঃ – হৃদযং পূজযামি ।
ওং অর্কায নমঃ – স্তনৌ পূজযামি ।
ওং ভাস্করায নমঃ – কংঠং পূজযামি ।
ওং অর্যম্ণে নমঃ – স্কংধৌ পূজযামি ।
ওং হংসায নমঃ – হস্তৌ পূজযামি ।
ওং অহস্করায নমঃ – মুখং পূজযামি ।
ওং ব্রধ্নায নমঃ – নাসিকাং পূজযামি ।
ওং জগদেকচক্ষুষে নমঃ – নেত্রাণি পূজযামি ।
ওং ভানবে নমঃ – কর্ণৌ পূজযামি ।
ওং ত্রিগুণাত্মধারিণে নমঃ – ললাটং পূজযামি ।
ওং বিরিংচিনারাযণায নমঃ – শিরঃ পূজযামি ।
ওং তিমিরনাশিনে নমঃ – সর্বাণ্যংগানি পূজযামি ॥

[Recite the sUrya aShTOttara Sata nAmAvaLI, or at least the dvAdaSa nAmAni of Surya. Offer flowers or akshatas with each name.]

অথবা সূর্য দ্বাদশ নাম পূজা ॥

ওং আদিত্যায নমঃ ।
ওং দিবাকরায নমঃ ।
ওং ভাস্করায নমঃ ।
ওং প্রভাকরায নমঃ ।
ওং সহস্রাংশবে নমঃ ।
ওং ত্রিলোচনায নমঃ ।
ওং হরিদশ্বায নমঃ ।
ওং বিভাবসবে নমঃ ।
ওং দিনকরায নমঃ ।
ওং দ্বাদশাত্মকায নমঃ ।
ওং ত্রিমূর্তযে নমঃ ।
ওং সূর্যায নমঃ ॥

ওং শ্রীসূর্যনারাযণায নমঃ ।
অষ্টোত্তর শত নামাবলী পূজাং সমর্পযামি ।
অক্ষতান্ পুষ্পাণি চ সমর্পযামি ॥

ধূপম্
দশাংগোগুগ্গুলোদ্ভূতঃ কালাগরু সমন্বিতঃ ।
আঘ্রেযঃ সর্বদেবানাং ধূপোঽযং প্রতিগৃহ্যতাম্ ॥
ওং শ্রীসূর্যনারাযণায নমঃ ।
ধূপমাঘ্রাপযামি ॥

দীপম্
কার্পাসবর্তিকাযুক্তং গোঘৃতেন সমন্বিতম্ ।
দীপং গৃহাণ দেবেশ ত্রৈলোক্য তিমিরাপহ ॥
ওং শ্রীসূর্যনারাযণায নমঃ ।
দীপং দর্শযামি ॥

নৈবেদ্যম্
পাযসং ঘৃতসংযুক্তং নানা পক্বান্ন সংযুতম্ ।
নৈবেদ্যং চ মযা দত্তং শাংতিং কুরু জগত্পতে ॥

ওং ভূর্ভুব॒স্সুবঃ॒ । তত্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি ।
ধি॒যো যো নঃ॑ প্রচো॒দযা᳚ত্ ॥

সত্যং ত্বা ঋতেন পরিষিংচামি ।
অমৃতমস্তু । অমৃতোপস্তরণমসি ।
ওং প্রাণায স্বাহা । ওং অপানায স্বাহা । ওং ব্যানায স্বাহা ।
ওং উদানায স্বাহা । ওং সমানায স্বাহা ।
মধ্যে মধ্যে পানীযং সমর্পযামি ।
অমৃতাপিধানমসি ।
উত্তরাপোশনং সমর্পযামি ।
হস্তৌ প্রক্ষালযামি । পাদৌ প্রক্ষালযামি ।
শুদ্ধাচমনীযং সমর্পযামি ॥

ওং শ্রীসূর্যনারাযণায নমঃ ।
নৈবেদ্যং সমর্পযামি ॥

তাংবূলম্
এলালবংগ কর্পূর খদিরৈশ্চ সপূগকৈঃ ।
নাগবল্লীদলৈর্যুক্তং তাংবূলং প্রতিগৃহ্যতাম্ ॥
ওং শ্রীসূর্যনারাযণায নমঃ ।
তাংবূলং সমর্পযামি ॥

নীরাজনম্

বেদা॒হমে॒তং পুরু॑ষং ম॒হাংতম্᳚ । আ॒দি॒ত্যব॑র্ণং॒ তম॑স॒স্তু পা॒রে ।
সর্বা॑ণি রূ॒পাণি॑ বি॒চিত্য॒ ধীরঃ॑ । নামা॑নি কৃ॒ত্বাঽভি॒বদ॒ন্॒, যদাঽঽস্তে᳚ ॥

পংচবর্তি সমাযুক্তং সর্বমংগলদাযকম্ ।
নীরাজনং গৃহাণেদং সর্বসৌখ্যকরো ভব ॥
ওং শ্রীসূর্যনারাযণায নমঃ ।
নীরাজনং সমর্পযামি ॥

মংত্রপুষ্পম্

ধা॒তা পু॒রস্তা॒দ্যমু॑দাজ॒হার॑ । শ॒ক্রঃ প্রবি॒দ্বা-ন্প্র॒দিশ॒শ্চত॑স্রঃ ।
তমে॒বং-বিঁ॒দ্বান॒মৃত॑ ই॒হ ভ॑বতি । নান্যঃ পংথা॒ অয॑নায বিদ্যতে ॥

ওং ভাস্করায বিদ্মহে মহাদ্যুতিকরায ধীমহি ।
তন্নো আদিত্যঃ প্রচোদযাত্ ॥
চংপকৈঃ শতপত্রৈশ্চ কল্হারৈঃ করবীরকৈঃ ।
পাটলৈর্বকুলৈর্যুক্তং গৃহাণ কুসুমাংজলিম্ ॥
ওং শ্রীসূর্যনারাযণায নমঃ ।
মংত্রপুষ্পং সমর্পযামি ॥

প্রদক্ষিণম্
যানি কানি চ পাপানি জন্মাংতর কৃতানি চ ।
তানি তানি বিনশ্যংতি প্রদক্ষিণ পদে পদে ॥
পাপোঽহং পাপকর্মাঽহং পাপাত্মা পাপসংভব ।
ত্রাহি মাং কৃপযা দেব শরণাগতবত্সল ॥
অন্যথা শরণং নাস্তি ত্বমেব শরণং মম ।
তস্মাত্কারুণ্য ভাবেন রক্ষ রক্ষ জনার্দন ॥
ওং শ্রীসূর্যনারাযণায নমঃ ।
প্রদক্ষিণ নমস্কারান্ সমর্পযামি ॥

নমস্কারঃ
উদ্যন্নদ্য বিবস্বানারোহন্নুত্তরাং দিবম্ ।
দেবঃ হৃদ্রোগং মম সূর্যো হরিমাণং চাশু নাশযতু ॥
ওং শ্রীসূর্যনারাযণায নমঃ ।
নমস্কারান্ সমর্পযামি ॥

দ্বাদশার্ঘ্যাণি
দিবাকর নমস্তুভ্যং পাপং নাশয ভাস্কর ।
ত্রযীমযায বিশ্বাত্মন্ গৃহাণার্ঘ্যং নমোঽস্তু তে ॥
ওং মিত্রায নমঃ – ইদমর্ঘ্যং সমর্পযামি ।
ওং রবযে নমঃ – ইদমর্ঘ্যং সমর্পযামি ।
ওং সূর্যায নমঃ – ইদমর্ঘ্যং সমর্পযামি ।
ওং ভানবে নমঃ – ইদমর্ঘ্যং সমর্পযামি ।
ওং খগায নমঃ – ইদমর্ঘ্যং সমর্পযামি ।
ওং পূষ্ণে নমঃ – ইদমর্ঘ্যং সমর্পযামি ।
ওং হিরণ্যগর্ভায নমঃ – ইদমর্ঘ্যং সমর্পযামি ।
ওং মরীচযে নমঃ – ইদমর্ঘ্যং সমর্পযামি ।
ওং আদিত্যায নমঃ – ইদমর্ঘ্যং সমর্পযামি ।
ওং সবিত্রে নমঃ – ইদমর্ঘ্যং সমর্পযামি ।
ওং অর্কায নমঃ – ইদমর্ঘ্যং সমর্পযামি ।
ওং ভাস্করায নমঃ – ইদমর্ঘ্যং সমর্পযামি ॥

সর্বোপচারাঃ
ওং শ্রীসূর্যনারাযণায নমঃ ।
ছত্রং সমর্পযামি ।
চামরং সমর্পযামি ।
গীতং শ্রাবযামি ।
নৃত্যং দর্শযামি ।
সমস্ত রাজোপচারান্ দেবোপচারান্ সমর্পযামি ॥

স্তোত্র/সূক্ত পঠনম্

ক্ষমাপ্রার্থনা
মংত্রহীনং ক্রিযাহীনং ভক্তিহীনং জনার্দন ।
যত্পূজিতং মযা দেব পরিপূর্ণং তদস্তু তে ॥
অজ্ঞানাদ্বা প্রমাদাদ্বা বৈকল্যাত্সাধনস্য বা ।
যন্ন্যূনমতিরিক্তং চ তত্সর্বং ক্ষংতুমর্হসি ॥

কাযেন বাচা মনসেংদ্রিযৈর্বা
বুদ্ধ্যাত্মনা বা প্রকৃতেঃ স্বভাবাত্ ।
করোমি যদ্যত্ সকলং পরস্মৈ
নারাযণাযেতি সমর্পযামি ॥

অনযা ধ্যান-আবাহনাদি-ষোডশোপচার পূজযা শ্রীসূর্যনারাযণ স্বামী সুপ্রীতঃ সুপ্রসন্নঃ বরদো ভবতু ॥

উদ্বাসনম্
ওং শ্রীসূর্যনারাযণায নমঃ ।
যথাস্থানং উদ্বাসযামি ।
শোভনার্থে ক্ষেমায পুনরাগমনায চ ॥

প্রসাদ গ্রহণম্
অকালমৃত্যুহরণং সর্বব্যাধিনিবারণম্ ।
সমস্তপাপক্ষযকরং দেবতা পাদোদকং শুভম্ ॥

শ্রীসূর্যনারাযণ স্বামি প্রসাদং শিরসা গৃহ্ণামি ॥

ওং শাংতিঃ শাংতিঃ শাংতিঃ ॥

ওং তত্সত্ ব্রহ্মার্পণমস্তু ॥