শ্রী বিষ্ণু পংজর স্তোত্রম্
ওং অস্য শ্রীবিষ্ণুপংজরস্তোত্র মহামংত্রস্য নারদ ঋষিঃ । অনুষ্টুপ্ ছংদঃ । শ্রীবিষ্ণুঃ পরমাত্মা দেবতা । অহং বীজম্ । সোহং শক্তিঃ । ওং হ্রীং কীলকম্ । মম সর্বদেহরক্ষণার্থং জপে বিনিযোগঃ ।
নারদ ঋষযে নমঃ মুখে । শ্রীবিষ্ণুপরমাত্মদেবতাযৈ নমঃ হৃদযে । অহং বীজং গুহ্যে । সোহং শক্তিঃ পাদযোঃ । ওং হ্রীং কীলকং পাদাগ্রে । ওং হ্রাং হ্রীং হ্রূং হ্রৈং হ্রৌং হ্রঃ ইতি মংত্রঃ ।
ওং হ্রাং অংগুষ্ঠাভ্যাং নমঃ ।
ওং হ্রীং তর্জনীভ্যাং নমঃ ।
ওং হ্রূং মধ্যমাভ্যাং নমঃ ।
ওং হ্রৈং অনামিকাভ্যাং নমঃ ।
ওং হ্রৌং কনিষ্ঠিকাভ্যাং নমঃ ।
ওং হ্রঃ করতলকরপৃষ্ঠাভ্যাং নমঃ ।
ইতি করন্যাসঃ ।
ওং হ্রাং হৃদযায নমঃ ।
ওং হ্রীং শিরসে স্বাহা ।
ওং হ্রূং শিখাযৈ বষট্ ।
ওং হ্রৈং কবচায হুম্ ।
ওং হ্রৌং নেত্রত্রযায বৌষট্ ।
ওং হ্রঃ অস্ত্রায ফট্ ।
ইতি অংগন্যাসঃ ।
অহং বীজং প্রাণাযামং মংত্রত্রযেণ কুর্যাত্ ।
ধ্যানম্ ।
পরং পরস্মাত্প্রকৃতেরনাদিমেকং নিবিষ্টং বহুধা গুহাযাম্ ।
সর্বালযং সর্বচরাচরস্থং নমামি বিষ্ণুং জগদেকনাথম্ ॥ 1 ॥
ওং বিষ্ণুপংজরকং দিব্যং সর্বদুষ্টনিবারণম্ ।
উগ্রতেজো মহাবীর্যং সর্বশত্রুনিকৃংতনম্ ॥ 2 ॥
ত্রিপুরং দহমানস্য হরস্য ব্রহ্মণো হিতম্ ।
তদহং সংপ্রবক্ষ্যামি আত্মরক্ষাকরং নৃণাম্ ॥ 3 ॥
পাদৌ রক্ষতু গোবিংদো জংঘে চৈব ত্রিবিক্রমঃ ।
ঊরূ মে কেশবঃ পাতু কটিং চৈব জনার্দনঃ ॥ 4 ॥
নাভিং চৈবাচ্যুতঃ পাতু গুহ্যং চৈব তু বামনঃ ।
উদরং পদ্মনাভশ্চ পৃষ্ঠং চৈব তু মাধবঃ ॥ 5 ॥
বামপার্শ্বং তথা বিষ্ণুর্দক্ষিণং মধুসূদনঃ ।
বাহূ বৈ বাসুদেবশ্চ হৃদি দামোদরস্তথা ॥ 6 ॥
কংঠং রক্ষতু বারাহঃ কৃষ্ণশ্চ মুখমংডলম্ ।
মাধবঃ কর্ণমূলে তু হৃষীকেশশ্চ নাসিকে ॥ 7 ॥
নেত্রে নারাযণো রক্ষেল্ললাটং গরুডধ্বজঃ ।
কপোলৌ কেশবো রক্ষেদ্বৈকুংঠঃ সর্বতোদিশম্ ॥ 8 ॥
শ্রীবত্সাংকশ্চ সর্বেষামংগানাং রক্ষকো ভবেত্ ।
পূর্বস্যাং পুংডরীকাক্ষ আগ্নেয্যাং শ্রীধরস্তথা ॥ 9 ॥
দক্ষিণে নারসিংহশ্চ নৈরৃত্যাং মাধবোঽবতু ।
পুরুষোত্তমো বারুণ্যাং বাযব্যাং চ জনার্দনঃ ॥ 10 ॥
গদাধরস্তু কৌবের্যামীশান্যাং পাতু কেশবঃ ।
আকাশে চ গদা পাতু পাতালে চ সুদর্শনম্ ॥ 11 ॥
সন্নদ্ধঃ সর্বগাত্রেষু প্রবিষ্টো বিষ্ণুপংজরঃ ।
বিষ্ণুপংজরবিষ্টোঽহং বিচরামি মহীতলে ॥ 12 ॥
রাজদ্বারেঽপথে ঘোরে সংগ্রামে শত্রুসংকটে ।
নদীষু চ রণে চৈব চোরব্যাঘ্রভযেষু চ ॥ 13 ॥
ডাকিনীপ্রেতভূতেষু ভযং তস্য ন জাযতে ।
রক্ষ রক্ষ মহাদেব রক্ষ রক্ষ জনেশ্বর ॥ 14 ॥
রক্ষংতু দেবতাঃ সর্বা ব্রহ্মবিষ্ণুমহেশ্বরাঃ ।
জলে রক্ষতু বারাহঃ স্থলে রক্ষতু বামনঃ ॥ 15 ॥
অটব্যাং নারসিংহশ্চ সর্বতঃ পাতু কেশবঃ ॥
দিবা রক্ষতু মাং সূর্যো রাত্রৌ রক্ষতু চংদ্রমাঃ ॥ 16 ॥
পংথানং দুর্গমং রক্ষেত্সর্বমেব জনার্দনঃ ।
রোগবিঘ্নহতশ্চৈব ব্রহ্মহা গুরুতল্পগঃ ॥ 17 ॥
স্ত্রীহংতা বালঘাতী চ সুরাপো বৃষলীপতিঃ ।
মুচ্যতে সর্বপাপেভ্যো যঃ পঠেন্নাত্র সংশযঃ ॥ 18 ॥
অপুত্রো লভতে পুত্রং ধনার্থী লভতে ধনম্ ।
বিদ্যার্থী লভতে বিদ্যাং মোক্ষার্থী লভতে গতিম্ ॥ 19 ॥
আপদো হরতে নিত্যং বিষ্ণুস্তোত্রার্থসংপদা ।
যস্ত্বিদং পঠতে স্তোত্রং বিষ্ণুপংজরমুত্তমম্ ॥ 20 ॥
মুচ্যতে সর্বপাপেভ্যো বিষ্ণুলোকং স গচ্ছতি ।
গোসহস্রফলং তস্য বাজপেযশতস্য চ ॥ 21 ॥
অশ্বমেধসহস্রস্য ফলং প্রাপ্নোতি মানবঃ ।
সর্বকামং লভেদস্য পঠনান্নাত্র সংশযঃ ॥ 22 ॥
জলে বিষ্ণুঃ স্থলে বিষ্ণুর্বিষ্ণুঃ পর্বতমস্তকে ।
জ্বালামালাকুলে বিষ্ণুঃ সর্বং বিষ্ণুমযং জগত্ ॥ 23 ॥
ইতি শ্রীব্রহ্মাংডপুরাণে ইংদ্রনারদসংবাদে শ্রীবিষ্ণুপংজরস্তোত্রম্ ॥
সঘনাই সোধা প্ৰশ্ন
What is শ্রী বিষ্ণু পংজর স্তোত্রম্?
শ্রী বিষ্ণু পংজর স্তোত্রম্ is a Vishnu Stotrams available on Bhakti Granth in the selected language or script.
Which language or script is this version in?
This edition is published in Assamese. Use the language selector to view another available edition.
Can I read শ্রী বিষ্ণু পংজর স্তোত্রম্ online?
Yes. The imported text is available directly on this page for online reading and recitation.
Can I download শ্রী বিষ্ণু পংজর স্তোত্রম্ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.