শ্রী সুব্রহ্মণ্য সহস্র নাম স্তোত্রম্

ঋষয ঊচুঃ ।
সর্বশাস্ত্রার্থতত্ত্বজ্ঞ সর্বলোকোপকারক ।
বযং চাতিথযঃ প্রাপ্তা আতিথেযোঽসি সুব্রত ॥ 1 ॥

জ্ঞানদানেন সংসারসাগরাত্তারযস্ব নঃ ।
কলৌ কলুষচিত্তা যে নরাঃ পাপরতাঃ সদা ॥ 2 ॥

কেন স্তোত্রেণ মুচ্যংতে সর্বপাতকবংধনাত্ ।
ইষ্টসিদ্ধিকরং পুণ্যং দুঃখদারিদ্র্যনাশনম্ ॥ 3 ॥

সর্বরোগহরং স্তোত্রং সূত নো বক্তুমর্হসি ।
শ্রীসূত উবাচ ।
শৃণুধ্বং ঋষযঃ সর্বে নৈমিশারণ্যবাসিনঃ ॥ 4 ॥

তত্ত্বজ্ঞানতপোনিষ্ঠাঃ সর্বশাস্ত্রবিশারদাঃ ।
স্বযংভুবা পুরা প্রোক্তং নারদায মহাত্মনে ॥ 5 ॥

তদহং সংপ্রবক্ষ্যামি শ্রোতুং কৌতূহলং যদি ।
ঋষয ঊচুঃ ।
কিমাহ ভগবান্ব্রহ্মা নারদায মহাত্মনে ॥ 6 ॥

সূতপুত্র মহাভাগ বক্তুমর্হসি সাংপ্রতম্ ।
শ্রীসূত উবাচ ।
দিব্যসিংহাসনাসীনং সর্বদেবৈরভিষ্টুতম্ ॥ 7 ॥

সাষ্টাংগং প্রণিপত্যৈনং ব্রহ্মাণং ভুবনেশ্বরম্ ।
নারদঃ পরিপপ্রচ্ছ কৃতাংজলিরুপস্থিতঃ ॥ 8 ॥

নারদ উবাচ ।
লোকনাথ সুরশ্রেষ্ঠ সর্বজ্ঞ করুণাকর ।
ষণ্মুখস্য পরং স্তোত্রং পাবনং পাপনাশনম্ ॥ 9 ॥

হে ধাতঃ পুত্রবাত্সল্যাত্তদ্বদ প্রণতায মে ।
উপদিশ্য তু মামেবং রক্ষ রক্ষ কৃপানিধে ॥ 10 ॥

ব্রহ্মোবাচ ।
শৃণু বক্ষ্যামি দেবর্ষে স্তবরাজমিদং পরম্ ।
মাতৃকামালিকাযুক্তং জ্ঞানমোক্ষসুখপ্রদম্ ॥ 11 ॥

সহস্রাণি চ নামানি ষণ্মুখস্য মহাত্মনঃ ।
যানি নামানি দিব্যানি দুঃখরোগহরাণি চ ॥ 12 ॥

তানি নামানি বক্ষ্যামি কৃপযা ত্বযি নারদ ।
জপমাত্রেণ সিদ্ধ্যংতি মনসা চিংতিতান্যপি ॥ 13 ॥

ইহামুত্র পরং ভোগং লভতে নাত্র সংশযঃ ।
ইদং স্তোত্রং পরং পুণ্যং কোটিযজ্ঞফলপ্রদম্ ।
সংদেহো নাত্র কর্তব্যঃ শৃণু মে নিশ্চিতং বচঃ ॥ 14 ॥

ওং অস্য শ্রীসুব্রহ্মণ্যসহস্রনামস্তোত্র মহামংত্রস্য ব্রহ্মা ঋষিঃ অনুষ্টুপ্ছংদঃ সুব্রহ্মণ্যো দেবতা শরজন্মাক্ষয ইতি বীজং শক্তিধরোঽক্ষয কার্তিকেয ইতি শক্তিঃ ক্রৌংচধর ইতি কীলকং শিখিবাহন ইতি কবচং ষণ্মুখায ইতি ধ্যানং শ্রীসুব্রহ্মণ্য প্রসাদসিদ্ধ্যর্থে জপে বিনিযোগঃ ।

করন্যাসঃ –
ওং শং ওংকারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায অংগুষ্ঠাভ্যাং নমঃ ।
ওং রং ষট্কোণমধ্যনিলযায ষট্কিরীটধরায শ্রীমতে ষডাধারায তর্জনীভ্যাং নমঃ ।
ওং বং ষণ্মুখায শরজন্মনে শুভলক্ষণায শিখিবাহনায মধ্যমাভ্যাং নমঃ ।
ওং ণং কৃশানুসংভবায কবচিনে কুক্কুটধ্বজায অনামিকাভ্যাং নমঃ ।
ওং ভং কংদর্পকোটিদীপ্যমানায দ্বিষড্বাহবে দ্বাদশাক্ষায কনিষ্ঠিকাভ্যাং নমঃ ।
ওং বং খেটধরায খড্গিনে শক্তিহস্তায করতলকরপৃষ্ঠাভ্যাং নমঃ ।

হৃদযাদিন্যাসঃ –
ওং শং ওংকারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায হৃদযায নমঃ ।
ওং রং ষট্কোণমধ্যনিলযায ষট্কিরীটধরায শ্রীমতে ষডাধারায শিরসে স্বাহা ।
ওং বং ষণ্মুখায শরজন্মনে শুভলক্ষণায শিখিবাহনায শিখাযৈ বষট্ ।
ওং ণং কৃশানুসংভবায কবচিনে কুক্কুটধ্বজায কবচায হুম্ ।
ওং ভং কংদর্পকোটিদীপ্যমানায দ্বিষড্বাহবে দ্বাদশাক্ষায নেত্রত্রযায বৌষট্ ।
ওং বং খেটধরায খড্গিনে শক্তিহস্তায অস্ত্রায ফট্ ।
ভূর্ভুবস্সুবরোমিতি দিগ্বংধঃ ।

ধ্যানম্ ।
ধ্যাযেত্ষণ্মুখমিংদুকোটিসদৃশং রত্নপ্রভাশোভিতং
বালার্কদ্যুতিষট্কিরীটবিলসত্কেযূরহারান্বিতম্ ।
কর্ণালংবিতকুংডলপ্রবিলসদ্গংডস্থলাশোভিতং
কাংচীকংকণকিংকিণীরবযুতং শৃংগারসারোদযম্ ॥ 1 ॥

ধ্যাযেদীপ্সিতসিদ্ধিদং শিবসুতং শ্রীদ্বাদশাক্ষং গুহং
খেটং কুক্কুটমংকুশং চ বরদং পাশং ধনুশ্চক্রকম্ ।
বজ্রং শক্তিমসিং চ শূলমভযং দোর্ভির্ধৃতং ষণ্মুখং
দেবং চিত্রমযূরবাহনগতং চিত্রাংবরালংকৃতম্ ॥ 2 ॥

স্তোত্রম্ ।
অচিংত্যশক্তিরনঘস্ত্বক্ষোভ্যস্ত্বপরাজিতঃ ।
অনাথবত্সলোঽমোঘস্ত্বশোকোঽপ্যজরোঽভযঃ ॥ 1 ॥

অত্যুদারো হ্যঘহরস্ত্বগ্রগণ্যোঽদ্রিজাসুতঃ ।
অনংতমহিমাঽপারোঽনংতসৌখ্যপ্রদোঽব্যযঃ ॥ 2 ॥

অনংতমোক্ষদোঽনাদিরপ্রমেযোঽক্ষরোঽচ্যুতঃ ।
অকল্মষোঽভিরামোঽগ্রধুর্যশ্চামিতবিক্রমঃ ॥ 3 ॥

[ অতুলশ্চামৃতোঽঘোরো হ্যনংতোঽনংতবিক্রমঃ ]
অনাথনাথো হ্যমলো হ্যপ্রমত্তোঽমরপ্রভুঃ ।
অরিংদমোঽখিলাধারস্ত্বণিমাদিগুণোঽগ্রণীঃ ॥ 4 ॥

অচংচলোঽমরস্তুত্যো হ্যকলংকোঽমিতাশনঃ ।
অগ্নিভূরনবদ্যাংগো হ্যদ্ভুতোঽভীষ্টদাযকঃ ॥ 5 ॥

অতীংদ্রিযোঽপ্রমেযাত্মা হ্যদৃশ্যোঽব্যক্তলক্ষণঃ ।
আপদ্বিনাশকস্ত্বার্য আঢ্য আগমসংস্তুতঃ ॥ 6 ॥

আর্তসংরক্ষণস্ত্বাদ্য আনংদস্ত্বার্যসেবিতঃ ।
আশ্রিতেষ্টার্থবরদ আনংদ্যার্তফলপ্রদঃ ॥ 7 ॥

আশ্চর্যরূপ আনংদ আপন্নার্তিবিনাশনঃ ।
ইভবক্ত্রানুজস্ত্বিষ্ট ইভাসুরহরাত্মজঃ ॥ 8 ॥

ইতিহাসশ্রুতিস্তুত্য ইংদ্রভোগফলপ্রদঃ ।
ইষ্টাপূর্তফলপ্রাপ্তিরিষ্টেষ্টবরদাযকঃ ॥ 9 ॥

ইহামুত্রেষ্টফলদ ইষ্টদস্ত্বিংদ্রবংদিতঃ ।
ঈডনীযস্ত্বীশপুত্র ঈপ্সিতার্থপ্রদাযকঃ ॥ 10 ॥

ঈতিভীতিহরশ্চেড্য ঈষণাত্রযবর্জিতঃ ।
উদারকীর্তিরুদ্যোগী চোত্কৃষ্টোরুপরাক্রমঃ ॥ 11 ॥

উত্কৃষ্টশক্তিরুত্সাহ উদারশ্চোত্সবপ্রিযঃ ।
উজ্জৃংভ উদ্ভবশ্চোগ্র উদগ্রশ্চোগ্রলোচনঃ ॥ 12 ॥

উন্মত্ত উগ্রশমন উদ্বেগঘ্নোরগেশ্বরঃ ।
উরুপ্রভাবশ্চোদীর্ণ উমাপুত্র উদারধীঃ ॥ 13 ॥

ঊর্ধ্বরেতঃসুতস্তূর্ধ্বগতিদস্তূর্জপালকঃ ।
ঊর্জিতস্তূর্ধ্বগস্তূর্ধ্ব ঊর্ধ্বলোকৈকনাযকঃ ॥ 14 ॥

ঊর্জাবানূর্জিতোদার ঊর্জিতোর্জিতশাসনঃ ।
ঋষিদেবগণস্তুত্য ঋণত্রযবিমোচনঃ ॥ 15 ॥

ঋজুরূপো হ্যৃজুকর ঋজুমার্গপ্রদর্শনঃ ।
ঋতংভরো হ্যৃজুপ্রীত ঋষভস্ত্বৃদ্ধিদস্ত্বৃতঃ ॥ 16 ॥

লুলিতোদ্ধারকো লূতভবপাশপ্রভংজনঃ ।
এণাংকধরসত্পুত্র এক এনোবিনাশনঃ ॥ 17 ॥

ঐশ্বর্যদশ্চৈংদ্রভোগী চৈতিহ্যশ্চৈংদ্রবংদিতঃ ।
ওজস্বী চৌষধিস্থানমোজোদশ্চৌদনপ্রদঃ ॥ 18 ॥

ঔদার্যশীল ঔমেয ঔগ্র ঔন্নত্যদাযকঃ ।
ঔদার্য ঔষধকর ঔষধং চৌষধাকরঃ ॥ 19 ॥

অংশুমানংশুমালীড্য অংবিকাতনযোঽন্নদঃ ।
অংধকারিসুতোঽংধত্বহারী চাংবুজলোচনঃ ॥ 20 ॥

অস্তমাযোঽমরাধীশো হ্যস্পষ্টোঽস্তোকপুণ্যদঃ ।
অস্তামিত্রোঽস্তরূপশ্চাস্খলত্সুগতিদাযকঃ ॥ 21 ॥

কার্তিকেযঃ কামরূপঃ কুমারঃ ক্রৌংচদারণঃ ।
কামদঃ কারণং কাম্যঃ কমনীযঃ কৃপাকরঃ ॥ 22 ॥

কাংচনাভঃ কাংতিযুক্তঃ কামী কামপ্রদঃ কবিঃ ।
কীর্তিকৃত্কুক্কুটধরঃ কূটস্থঃ কুবলেক্ষণঃ ॥ 23 ॥

কুংকুমাংগঃ ক্লমহরঃ কুশলঃ কুক্কুটধ্বজঃ ।
কুশানুসংভবঃ ক্রূরঃ ক্রূরঘ্নঃ কলিতাপহৃত্ ॥ 24 ॥

কামরূপঃ কল্পতরুঃ কাংতঃ কামিতদাযকঃ ।
কল্যাণকৃত্ক্লেশনাশঃ কৃপালুঃ করুণাকরঃ ॥ 25 ॥

কলুষঘ্নঃ ক্রিযাশক্তিঃ কঠোরঃ কবচী কৃতী ।
কোমলাংগঃ কুশপ্রীতঃ কুত্সিতঘ্নঃ কলাধরঃ ॥ 26 ॥

খ্যাতঃ খেটধরঃ খড্গী খট্বাংগী খলনিগ্রহঃ ।
খ্যাতিপ্রদঃ খেচরেশঃ খ্যাতেহঃ খেচরস্তুতঃ ॥ 27 ॥

খরতাপহরঃ স্বস্থঃ খেচরঃ খেচরাশ্রযঃ ।
খংডেংদুমৌলিতনযঃ খেলঃ খেচরপালকঃ ॥ 28 ॥

খস্থলঃ খংডিতার্কশ্চ খেচরীজনপূজিতঃ ।
গাংগেযো গিরিজাপুত্রো গণনাথানুজো গুহঃ ॥ 29 ॥

গোপ্তা গীর্বাণসংসেব্যো গুণাতীতো গুহাশ্রযঃ ।
গতিপ্রদো গুণনিধিঃ গংভীরো গিরিজাত্মজঃ ॥ 30 ॥

গূঢরূপো গদহরো গুণাধীশো গুণাগ্রণীঃ ।
গোধরো গহনো গুপ্তো গর্বঘ্নো গুণবর্ধনঃ ॥ 31 ॥

গুহ্যো গুণজ্ঞো গীতিজ্ঞো গতাতংকো গুণাশ্রযঃ ।
গদ্যপদ্যপ্রিযো গুণ্যো গোস্তুতো গগনেচরঃ ॥ 32 ॥

গণনীযচরিত্রশ্চ গতক্লেশো গুণার্ণবঃ ।
ঘূর্ণিতাক্ষো ঘৃণিনিধিঃ ঘনগংভীরঘোষণঃ ॥ 33 ॥

ঘংটানাদপ্রিযো ঘোষো ঘোরাঘৌঘবিনাশনঃ ।
ঘনানংদো ঘর্মহংতা ঘৃণাবান্ ঘৃষ্টিপাতকঃ ॥ 34 ॥

ঘৃণী ঘৃণাকরো ঘোরো ঘোরদৈত্যপ্রহারকঃ ।
ঘটিতৈশ্বর্যসংদোহো ঘনার্থো ঘনসংক্রমঃ ॥ 35 ॥

চিত্রকৃচ্চিত্রবর্ণশ্চ চংচলশ্চপলদ্যুতিঃ ।
চিন্মযশ্চিত্স্বরূপশ্চ চিরানংদশ্চিরংতনঃ ॥ 36 ॥

চিত্রকেলিশ্চিত্রতরশ্চিংতনীযশ্চমত্কৃতিঃ ।
চোরঘ্নশ্চতুরশ্চারুশ্চামীকরবিভূষণঃ ॥ 37 ॥

চংদ্রার্ককোটিসদৃশশ্চংদ্রমৌলিতনূভবঃ ।
ছাদিতাংগশ্ছদ্মহংতা ছেদিতাখিলপাতকঃ ॥ 38 ॥

ছেদীকৃততমঃক্লেশশ্ছত্রীকৃতমহাযশাঃ ।
ছাদিতাশেষসংতাপশ্ছুরিতামৃতসাগরঃ ॥ 39 ॥

ছন্নত্রৈগুণ্যরূপশ্চ ছাতেহশ্ছিন্নসংশযঃ ।
ছংদোমযশ্ছংদগামী ছিন্নপাশশ্ছবিশ্ছদঃ ॥ 40 ॥

জগদ্ধিতো জগত্পূজ্যো জগজ্জ্যেষ্ঠো জগন্মযঃ ।
জনকো জাহ্নবীসূনুর্জিতামিত্রো জগদ্গুরুঃ ॥ 41 ॥

জযী জিতেংদ্রিযো জৈত্রো জরামরণবর্জিতঃ ।
জ্যোতির্মযো জগন্নাথো জগজ্জীবো জনাশ্রযঃ ॥ 42 ॥

জগত্সেব্যো জগত্কর্তা জগত্সাক্ষী জগত্প্রিযঃ ।
জংভারিবংদ্যো জযদো জগজ্জনমনোহরঃ ॥ 43 ॥

জগদানংদজনকো জনজাড্যাপহারকঃ ।
জপাকুসুমসংকাশো জনলোচনশোভনঃ ॥ 44 ॥

জনেশ্বরো জিতক্রোধো জনজন্মনিবর্হণঃ ।
জযদো জংতুতাপঘ্নো জিতদৈত্যমহাব্রজঃ ॥ 45 ॥

জিতমাযো জিতক্রোধো জিতসংগো জনপ্রিযঃ ।
ঝংঝানিলমহাবেগো ঝরিতাশেষপাতকঃ ॥ 46 ॥

ঝর্ঝরীকৃতদৈত্যৌঘো ঝল্লরীবাদ্যসংপ্রিযঃ ।
জ্ঞানমূর্তির্জ্ঞানগম্যো জ্ঞানী জ্ঞানমহানিধিঃ ॥ 47 ॥

টংকারনৃত্তবিভবঃ টংকবজ্রধ্বজাংকিতঃ ।
টংকিতাখিললোকশ্চ টংকিতৈনস্তমোরবিঃ ॥ 48 ॥

ডংবরপ্রভবো ডংভো ডংবো ডমরুকপ্রিযঃ । [ডমড্ড]
ডমরোত্কটসন্নাদো ডিংভরূপস্বরূপকঃ ॥ 49 ॥

ঢক্কানাদপ্রীতিকরো ঢালিতাসুরসংকুলঃ ।
ঢৌকিতামরসংদোহো ঢুংঢিবিঘ্নেশ্বরানুজঃ ॥ 50 ॥

তত্ত্বজ্ঞস্তত্বগস্তীব্রস্তপোরূপস্তপোমযঃ ।
ত্রযীমযস্ত্রিকালজ্ঞস্ত্রিমূর্তিস্ত্রিগুণাত্মকঃ ॥ 51 ॥

ত্রিদশেশস্তারকারিস্তাপঘ্নস্তাপসপ্রিযঃ ।
তুষ্টিদস্তুষ্টিকৃত্তীক্ষ্ণস্তপোরূপস্ত্রিকালবিত্ ॥ 52 ॥

স্তোতা স্তব্যঃ স্তবপ্রীতঃ স্তুতিঃ স্তোত্রং স্তুতিপ্রিযঃ ।
স্থিতঃ স্থাযী স্থাপকশ্চ স্থূলসূক্ষ্মপ্রদর্শকঃ ॥ 53 ॥

স্থবিষ্ঠঃ স্থবিরঃ স্থূলঃ স্থানদঃ স্থৈর্যদঃ স্থিরঃ ।
দাংতো দযাপরো দাতা দুরিতঘ্নো দুরাসদঃ ॥ 54 ॥

দর্শনীযো দযাসারো দেবদেবো দযানিধিঃ ।
দুরাধর্ষো দুর্বিগাহ্যো দক্ষো দর্পণশোভিতঃ ॥ 55 ॥

দুর্ধরো দানশীলশ্চ দ্বাদশাক্ষো দ্বিষড্ভুজঃ ।
দ্বিষট্কর্ণো দ্বিষড্বাহুর্দীনসংতাপনাশনঃ ॥ 56 ॥

দংদশূকেশ্বরো দেবো দিব্যো দিব্যাকৃতির্দমঃ ।
দীর্ঘবৃত্তো দীর্ঘবাহুর্দীর্ঘদৃষ্টির্দিবস্পতিঃ ॥ 57 ॥

দংডো দমযিতা দর্পো দেবসিংহো দৃঢব্রতঃ ।
দুর্লভো দুর্গমো দীপ্তো দুষ্প্রেক্ষ্যো দিব্যমংডনঃ ॥ 58 ॥

দুরোদরঘ্নো দুঃখঘ্নো দুরারিঘ্নো দিশাং পতিঃ ।
দুর্জযো দেবসেনেশো দুর্জ্ঞেযো দুরতিক্রমঃ ॥ 59 ॥

দংভো দৃপ্তশ্চ দেবর্ষির্দৈবজ্ঞো দৈবচিংতকঃ ।
ধুরংধরো ধর্মপরো ধনদো ধৃতিবর্ধনঃ ॥ 60 ॥

ধর্মেশো ধর্মশাস্ত্রজ্ঞো ধন্বী ধর্মপরাযণঃ ।
ধনাধ্যক্ষো ধনপতির্ধৃতিমাংধূতকিল্বিষঃ ॥ 61 ॥

ধর্মহেতুর্ধর্মশূরো ধর্মকৃদ্ধর্মবিদ্ধ্রুবঃ ।
ধাতা ধীমাংধর্মচারী ধন্যো ধুর্যো ধৃতব্রতঃ ॥ 62 ॥

নিত্যোত্সবো নিত্যতৃপ্তো নির্লেপো নিশ্চলাত্মকঃ ।
নিরবদ্যো নিরাধারো নিষ্কলংকো নিরংজনঃ ॥ 63 ॥

নির্মমো নিরহংকারো নির্মোহো নিরুপদ্রবঃ ।
নিত্যানংদো নিরাতংকো নিষ্প্রপংচো নিরামযঃ ॥ 64 ॥

নিরবদ্যো নিরীহশ্চ নির্দর্শো নির্মলাত্মকঃ ।
নিত্যানংদো নির্জরেশো নিঃসংগো নিগমস্তুতঃ ॥ 65 ॥

নিষ্কংটকো নিরালংবো নিষ্প্রত্যূহো নিরুদ্ভবঃ ।
নিত্যো নিযতকল্যাণো নির্বিকল্পো নিরাশ্রযঃ ॥ 66 ॥

নেতা নিধির্নৈকরূপো নিরাকারো নদীসুতঃ ।
পুলিংদকন্যারমণঃ পুরুজিত্পরমপ্রিযঃ ॥ 67 ॥

প্রত্যক্ষমূর্তিঃ প্রত্যক্ষঃ পরেশঃ পূর্ণপুণ্যদঃ ।
পুণ্যাকরঃ পুণ্যরূপঃ পুণ্যঃ পুণ্যপরাযণঃ ॥ 68 ॥

পুণ্যোদযঃ পরং জ্যোতিঃ পুণ্যকৃত্পুণ্যবর্ধনঃ ।
পরানংদঃ পরতরঃ পুণ্যকীর্তিঃ পুরাতনঃ ॥ 69 ॥

প্রসন্নরূপঃ প্রাণেশঃ পন্নগঃ পাপনাশনঃ ।
প্রণতার্তিহরঃ পূর্ণঃ পার্বতীনংদনঃ প্রভুঃ ॥ 70 ॥

পূতাত্মা পুরুষঃ প্রাণঃ প্রভবঃ পুরুষোত্তমঃ ।
প্রসন্নঃ পরমস্পষ্টঃ পরঃ পরিবৃঢঃ পরঃ ॥ 71 ॥

পরমাত্মা পরব্রহ্ম পরার্থঃ প্রিযদর্শনঃ ।
পবিত্রঃ পুষ্টিদঃ পূর্তিঃ পিংগলঃ পুষ্টিবর্ধনঃ ॥ 72 ॥

পাপহারী পাশধরঃ প্রমত্তাসুরশিক্ষকঃ ।
পাবনঃ পাবকঃ পূজ্যঃ পূর্ণানংদঃ পরাত্পরঃ ॥ 73 ॥

পুষ্কলঃ প্রবরঃ পূর্বঃ পিতৃভক্তঃ পুরোগমঃ ।
প্রাণদঃ প্রাণিজনকঃ প্রদিষ্টঃ পাবকোদ্ভবঃ ॥ 74 ॥

পরব্রহ্মস্বরূপশ্চ পরমৈশ্বর্যকারণম্ ।
পরর্ধিদঃ পুষ্টিকরঃ প্রকাশাত্মা প্রতাপবান্ ॥ 75 ॥

প্রজ্ঞাপরঃ প্রকৃষ্টার্থঃ পৃথুঃ পৃথুপরাক্রমঃ ।
ফণীশ্বরঃ ফণিবরঃ ফণামণিবিভূষণঃ ॥ 76 ॥

ফলদঃ ফলহস্তশ্চ ফুল্লাংবুজবিলোচনঃ ।
ফডুচ্চাটিতপাপৌঘঃ ফণিলোকবিভূষণঃ ॥ 77 ॥

বাহুলেযো বৃহদ্রূপো বলিষ্ঠো বলবান্ বলী ।
ব্রহ্মেশবিষ্ণুরূপশ্চ বুদ্ধো বুদ্ধিমতাং বরঃ ॥ 78 ॥

বালরূপো ব্রহ্মগর্ভো ব্রহ্মচারী বুধপ্রিযঃ ।
বহুশ্রুতো বহুমতো ব্রহ্মণ্যো ব্রাহ্মণপ্রিযঃ ॥ 79 ॥

বলপ্রমথনো ব্রহ্মা বহুরূপো বহুপ্রদঃ ।
বৃহদ্ভানুতনূদ্ভূতো বৃহত্সেনো বিলেশযঃ ॥ 80 ॥

বহুবাহুর্বলশ্রীমান্ বহুদৈত্যবিনাশকঃ ।
বিলদ্বারাংতরালস্থো বৃহচ্ছক্তিধনুর্ধরঃ ॥ 81 ॥

বালার্কদ্যুতিমান্ বালো বৃহদ্বক্ষা বৃহদ্ধনুঃ ।
ভব্যো ভোগীশ্বরো ভাব্যো ভবনাশো ভবপ্রিযঃ ॥ 82 ॥

ভক্তিগম্যো ভযহরো ভাবজ্ঞো ভক্তসুপ্রিযঃ ।
ভুক্তিমুক্তিপ্রদো ভোগী ভগবান্ ভাগ্যবর্ধনঃ ॥ 83 ॥

ভ্রাজিষ্ণুর্ভাবনো ভর্তা ভীমো ভীমপরাক্রমঃ ।
ভূতিদো ভূতিকৃদ্ভোক্তা ভূতাত্মা ভুবনেশ্বরঃ ॥ 84 ॥

ভাবকো ভীকরো ভীষ্মো ভাবকেষ্টো ভবোদ্ভবঃ ।
ভবতাপপ্রশমনো ভোগবান্ ভূতভাবনঃ ॥ 85 ॥

ভোজ্যপ্রদো ভ্রাংতিনাশো ভানুমান্ ভুবনাশ্রযঃ ।
ভূরিভোগপ্রদো ভদ্রো ভজনীযো ভিষগ্বরঃ ॥ 86 ॥

মহাসেনো মহোদারো মহাশক্তির্মহাদ্যুতিঃ ।
মহাবুদ্ধির্মহাবীর্যো মহোত্সাহো মহাবলঃ ॥ 87 ॥

মহাভোগী মহামাযী মেধাবী মেখলী মহান্ ।
মুনিস্তুতো মহামান্যো মহানংদো মহাযশাঃ ॥ 88 ॥

মহোর্জিতো মাননিধির্মনোরথফলপ্রদঃ ।
মহোদযো মহাপুণ্যো মহাবলপরাক্রমঃ ॥ 89 ॥

মানদো মতিদো মালী মুক্তামালাবিভূষণঃ ।
মনোহরো মহামুখ্যো মহর্ধির্মূর্তিমান্মুনিঃ ॥ 90 ॥

মহোত্তমো মহোপাযো মোক্ষদো মংগলপ্রদঃ ।
মুদাকরো মুক্তিদাতা মহাভোগো মহোরগঃ ॥ 91 ॥

যশস্করো যোগযোনির্যোগিষ্ঠো যমিনাং বরঃ ।
যশস্বী যোগপুরুষো যোগ্যো যোগনিধির্যমী ॥ 92 ॥

যতিসেব্যো যোগযুক্তো যোগবিদ্যোগসিদ্ধিদঃ ।
যংত্রো যংত্রী চ যংত্রজ্ঞো যংত্রবান্যংত্রবাহকঃ ॥ 93 ॥

যাতনারহিতো যোগী যোগীশো যোগিনাং বরঃ ।
রমণীযো রম্যরূপো রসজ্ঞো রসভাবনঃ ॥ 94 ॥

রংজনো রংজিতো রাগী রুচিরো রুদ্রসংভবঃ ।
রণপ্রিযো রণোদারো রাগদ্বেষবিনাশনঃ ॥ 95 ॥

রত্নার্চী রুচিরো রম্যো রূপলাবণ্যবিগ্রহঃ ।
রত্নাংগদধরো রত্নভূষণো রমণীযকঃ ॥ 96 ॥

রুচিকৃদ্রোচমানশ্চ রংজিতো রোগনাশনঃ ।
রাজীবাক্ষো রাজরাজো রক্তমাল্যানুলেপনঃ ॥ 97 ॥

রাজদ্বেদাগমস্তুত্যো রজঃসত্ত্বগুণান্বিতঃ ।
রজনীশকলারম্যো রত্নকুংডলমংডিতঃ ॥ 98 ॥

রত্নসন্মৌলিশোভাঢ্যো রণন্মংজীরভূষণঃ ।
লোকৈকনাথো লোকেশো ললিতো লোকনাযকঃ ॥ 99 ॥

লোকরক্ষো লোকশিক্ষো লোকলোচনরংজিতঃ ।
লোকবংধুর্লোকধাতা লোকত্রযমহাহিতঃ ॥ 100 ॥

লোকচূডামণির্লোকবংদ্যো লাবণ্যবিগ্রহঃ ।
লোকাধ্যক্ষস্তু লীলাবান্লোকোত্তরগুণান্বিতঃ ॥ 101 ॥

বরিষ্ঠো বরদো বৈদ্যো বিশিষ্টো বিক্রমো বিভুঃ ।
বিবুধাগ্রচরো বশ্যো বিকল্পপরিবর্জিতঃ ॥ 102 ॥

বিপাশো বিগতাতংকো বিচিত্রাংগো বিরোচনঃ ।
বিদ্যাধরো বিশুদ্ধাত্মা বেদাংগো বিবুধপ্রিযঃ ॥ 103 ॥

বচস্করো ব্যাপকশ্চ বিজ্ঞানী বিনযান্বিতঃ ।
বিদ্বত্তমো বিরোধিঘ্নো বীরো বিগতরাগবান্ ॥ 104 ॥

বীতভাবো বিনীতাত্মা বেদগর্ভো বসুপ্রদঃ ।
বিশ্বদীপ্তির্বিশালাক্ষো বিজিতাত্মা বিভাবনঃ ॥ 105 ॥

বেদবেদ্যো বিধেযাত্মা বীতদোষশ্চ বেদবিত্ ।
বিশ্বকর্মা বীতভযো বাগীশো বাসবার্চিতঃ ॥ 106 ॥

বীরধ্বংসো বিশ্বমূর্তির্বিশ্বরূপো বরাসনঃ ।
বিশাখো বিমলো বাগ্মী বিদ্বান্বেদধরো বটুঃ ॥ 107 ॥

বীরচূডামণির্বীরো বিদ্যেশো বিবুধাশ্রযঃ ।
বিজযী বিনযী বেত্তা বরীযান্বিরজা বসুঃ ॥ 108 ॥

বীরঘ্নো বিজ্বরো বেদ্যো বেগবান্বীর্যবান্বশী ।
বরশীলো বরগুণো বিশোকো বজ্রধারকঃ ॥ 109 ॥

শরজন্মা শক্তিধরঃ শত্রুঘ্নঃ শিখিবাহনঃ ।
শ্রীমান্ শিষ্টঃ শুচিঃ শুদ্ধঃ শাশ্বতঃ শ্রুতিসাগরঃ ॥ 110 ॥

শরণ্যঃ শুভদঃ শর্ম শিষ্টেষ্টঃ শুভলক্ষণঃ ।
শাংতঃ শূলধরঃ শ্রেষ্ঠঃ শুদ্ধাত্মা শংকরঃ শিবঃ ॥ 111 ॥

শিতিকংঠাত্মজঃ শূরঃ শাংতিদঃ শোকনাশনঃ ।
ষাণ্মাতুরঃ ষণ্মুখশ্চ ষড্গুণৈশ্বর্যসংযুতঃ ॥ 112 ॥

ষট্চক্রস্থঃ ষডূর্মিঘ্নঃ ষডংগশ্রুতিপারগঃ ।
ষড্ভাবরহিতঃ ষট্কঃ ষট্ছাস্ত্রস্মৃতিপারগঃ ॥ 113 ॥

ষড্বর্গদাতা ষড্গ্রীবঃ ষডরিঘ্নঃ ষডাশ্রযঃ ।
ষট্কিরীটধরঃ শ্রীমান্ ষডাধারশ্চ ষট্ক্রমঃ ॥ 114 ॥

ষট্কোণমধ্যনিলযঃ ষংডত্বপরিহারকঃ ।
সেনানীঃ সুভগঃ স্কংদঃ সুরানংদঃ সতাং গতিঃ ॥ 115 ॥

সুব্রহ্মণ্যঃ সুরাধ্যক্ষঃ সর্বজ্ঞঃ সর্বদঃ সুখী ।
সুলভঃ সিদ্ধিদঃ সৌম্যঃ সিদ্ধেশঃ সিদ্ধিসাধনঃ ॥ 116 ॥

সিদ্ধার্থঃ সিদ্ধসংকল্পঃ সিদ্ধসাধুঃ সুরেশ্বরঃ ।
সুভুজঃ সর্বদৃক্সাক্ষী সুপ্রসাদঃ সনাতনঃ ॥ 117 ॥

সুধাপতিঃ স্বযংজ্যোতিঃ স্বযংভূঃ সর্বতোমুখঃ ।
সমর্থঃ সত্কৃতিঃ সূক্ষ্মঃ সুঘোষঃ সুখদঃ সুহৃত্ ॥ 118 ॥

সুপ্রসন্নঃ সুরশ্রেষ্ঠঃ সুশীলঃ সত্যসাধকঃ ।
সংভাব্যঃ সুমনাঃ সেব্যঃ সকলাগমপারগঃ ॥ 119 ॥

সুব্যক্তঃ সচ্চিদানংদঃ সুবীরঃ সুজনাশ্রযঃ ।
সর্বলক্ষণসংপন্নঃ সত্যধর্মপরাযণঃ ॥ 120 ॥

সর্বদেবমযঃ সত্যঃ সদা মৃষ্টান্নদাযকঃ ।
সুধাপী সুমতিঃ সত্যঃ সর্ববিঘ্নবিনাশনঃ ॥ 121 ॥

সর্বদুঃখপ্রশমনঃ সুকুমারঃ সুলোচনঃ ।
সুগ্রীবঃ সুধৃতিঃ সারঃ সুরারাধ্যঃ সুবিক্রমঃ ॥ 122 ॥

সুরারিঘ্নঃ স্বর্ণবর্ণঃ সর্পরাজঃ সদা শুচিঃ ।
সপ্তার্চির্ভূঃ সুরবরঃ সর্বাযুধবিশারদঃ ॥ 123 ॥

হস্তিচর্মাংবরসুতো হস্তিবাহনসেবিতঃ ।
হস্তচিত্রাযুধধরো হৃতাঘো হসিতাননঃ ॥ 124 ॥

হেমভূষো হরিদ্বর্ণো হৃষ্টিদো হৃষ্টিবর্ধনঃ ।
হেমাদ্রিভিদ্ধংসরূপো হুংকারহতকিল্বিষঃ ॥ 125 ॥

হিমাদ্রিজাতাতনুজো হরিকেশো হিরণ্মযঃ ।
হৃদ্যো হৃষ্টো হরিসখো হংসো হংসগতির্হবিঃ ॥ 126 ॥

হিরণ্যবর্ণো হিতকৃদ্ধর্ষদো হেমভূষণঃ ।
হরপ্রিযো হিতকরো হতপাপো হরোদ্ভবঃ ॥ 127 ॥

ক্ষেমদঃ ক্ষেমকৃত্ক্ষেম্যঃ ক্ষেত্রজ্ঞঃ ক্ষামবর্জিতঃ ।
ক্ষেত্রপালঃ ক্ষমাধারঃ ক্ষেমক্ষেত্রঃ ক্ষমাকরঃ ॥ 128 ॥

ক্ষুদ্রঘ্নঃ ক্ষাংতিদঃ ক্ষেমঃ ক্ষিতিভূষঃ ক্ষমাশ্রযঃ ।
ক্ষালিতাঘঃ ক্ষিতিধরঃ ক্ষীণসংরক্ষণক্ষমঃ ॥ 129 ॥

ক্ষণভংগুরসন্নদ্ধঘনশোভিকপর্দকঃ ।
ক্ষিতিভৃন্নাথতনযামুখপংকজভাস্করঃ ॥ 130 ॥

ক্ষতাহিতঃ ক্ষরঃ ক্ষংতা ক্ষতদোষঃ ক্ষমানিধিঃ ।
ক্ষপিতাখিলসংতাপঃ ক্ষপানাথসমাননঃ ॥ 131 ॥

উত্তর ন্যাসঃ ।
করন্যাসঃ –
ওং শং ওংকারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায অংগুষ্ঠাভ্যাং নমঃ ।
ওং রং ষট্কোণমধ্যনিলযায ষট্কিরীটধরায শ্রীমতে ষডাধারায তর্জনীভ্যাং নমঃ ।
ওং বং ষণ্মুখায শরজন্মনে শুভলক্ষণায শিখিবাহনায মধ্যমাভ্যাং নমঃ ।
ওং ণং কৃশানুসংভবায কবচিনে কুক্কুটধ্বজায অনামিকাভ্যাং নমঃ ।
ওং ভং কংদর্পকোটিদীপ্যমানায দ্বিষড্বাহবে দ্বাদশাক্ষায কনিষ্ঠিকাভ্যাং নমঃ ।
ওং বং খেটধরায খড্গিনে শক্তিহস্তায করতলকরপৃষ্ঠাভ্যাং নমঃ ।

হৃদযাদিন্যাসঃ –
ওং শং ওংকারস্বরূপায ওজোধরায ওজস্বিনে সুহৃদযায হৃষ্টচিত্তাত্মনে ভাস্বররূপায হৃদযায নমঃ ।
ওং রং ষট্কোণমধ্যনিলযায ষট্কিরীটধরায শ্রীমতে ষডাধারায শিরসে স্বাহা ।
ওং বং ষণ্মুখায শরজন্মনে শুভলক্ষণায শিখিবাহনায শিখাযৈ বষট্ ।
ওং ণং কৃশানুসংভবায কবচিনে কুক্কুটধ্বজায কবচায হুম্ ।
ওং ভং কংদর্পকোটিদীপ্যমানায দ্বিষড্বাহবে দ্বাদশাক্ষায নেত্রত্রযায বৌষট্ ।
ওং বং খেটধরায খড্গিনে শক্তিহস্তায অস্ত্রায ফট্ ।
ভূর্ভুবস্সুবরোমিতি দিগ্বিমোকঃ ।

ফলশ্রুতি ।
ইতি নাম্নাং সহস্রাণি ষণ্মুখস্য চ নারদ ।
যঃ পঠেচ্ছৃণুযাদ্বাপি ভক্তিযুক্তেন চেতসা ॥ 1 ॥

স সদ্যো মুচ্যতে পাপৈর্মনোবাক্কাযসংভবৈঃ ।
আযুর্বৃদ্ধিকরং পুংসাং স্থৈর্যবীর্যবিবর্ধনম্ ॥ 2 ॥

বাক্যেনৈকেন বক্ষ্যামি বাংছিতার্থং প্রযচ্ছতি ।
তস্মাত্সর্বাত্মনা ব্রহ্মন্নিযমেন জপেত্সুধীঃ ॥ 3 ॥

ইতি স্কংদপুরাণে ঈশ্বরপ্রোক্তে ব্রহ্মনারদসংবাদে শ্রী সুব্রহ্মণ্য সহস্রনাম স্তোত্রম্ ।