শ্রী সুব্রহ্মণ্য কবচ স্তোত্রম্

অস্য শ্রীসুব্রহ্মণ্যকবচস্তোত্রমহামংত্রস্য, ব্রহ্মা ঋষিঃ, অনুষ্টুপ্ছংদঃ, শ্রীসুব্রহ্মণ্যো দেবতা, ওং নম ইতি বীজং, ভগবত ইতি শক্তিঃ, সুব্রহ্মণ্যাযেতি কীলকং, শ্রীসুব্রহ্মণ্য প্রসাদসিদ্ধ্যর্থে জপে বিনিযোগঃ ॥

করন্যাসঃ –
ওং সাং অংগুষ্ঠাভ্যাং নমঃ ।
ওং সীং তর্জনীভ্যাং নমঃ ।
ওং সূং মধ্যমাভ্যাং নমঃ ।
ওং সৈং অনামিকাভ্যাং নমঃ ।
ওং সৌং কনিষ্ঠিকাভ্যাং নমঃ ।
ওং সঃ করতলকরপৃষ্ঠাভ্যাং নমঃ ॥
অংগন্যাসঃ –
ওং সাং হৃদযায নমঃ ।
ওং সীং শিরসে স্বাহা ।
ওং সূং শিখাযৈ বষট্ ।
ওং সৈং কবচায হুম্ ।
ওং সৌং নেত্রত্রযায বৌষট্ ।
ওং সঃ অস্ত্রায ফট্ ।
ভূর্ভুবস্সুবরোমিতি দিগ্বংধঃ ॥

ধ্যানম্ ।
সিংদূরারুণমিংদুকাংতিবদনং কেযূরহারাদিভিঃ
দিব্যৈরাভরণৈর্বিভূষিততনুং স্বর্গাদিসৌখ্যপ্রদম্ ।
অংভোজাভযশক্তিকুক্কুটধরং রক্তাংগরাগোজ্জ্বলং
সুব্রহ্মণ্যমুপাস্মহে প্রণমতাং সর্বার্থসিদ্ধিপ্রদম্ ॥ [ভীতিপ্রণাশোদ্যতম্]

লমিত্যাদি পংচপূজা ।
ওং লং পৃথিব্যাত্মনে সুব্রহ্মণ্যায গংধং সমর্পযামি ।
ওং হং আকাশাত্মনে সুব্রহ্মণ্যায পুষ্পাণি সমর্পযামি ।
ওং যং বায্বাত্মনে সুব্রহ্মণ্যায ধূপমাঘ্রাপযামি ।
ওং রং অগ্ন্যাত্মনে সুব্রহ্মণ্যায দীপং দর্শযামি ।
ওং বং অমৃতাত্মনে সুব্রহ্মণ্যায স্বাদন্নং নিবেদযামি ।
ওং সং সর্বাত্মনে সুব্রহ্মণ্যায সর্বোপচারান্ সমর্পযামি ।

কবচম্ ।
সুব্রহ্মণ্যোঽগ্রতঃ পাতু সেনানীঃ পাতু পৃষ্ঠতঃ ।
গুহো মাং দক্ষিণে পাতু বহ্নিজঃ পাতু বামতঃ ॥ 1 ॥

শিরঃ পাতু মহাসেনঃ স্কংদো রক্ষেল্ললাটকম্ ।
নেত্রে মে দ্বাদশাক্ষশ্চ শ্রোত্রে রক্ষতু বিশ্বভৃত্ ॥ 2 ॥

মুখং মে ষণ্মুখঃ পাতু নাসিকাং শংকরাত্মজঃ ।
ওষ্ঠৌ বল্লীপতিঃ পাতু জিহ্বাং পাতু ষডাননঃ ॥ 3 ॥

দেবসেনাপতির্দংতান্ চিবুকং বহুলোদ্ভবঃ ।
কংঠং তারকজিত্পাতু বাহূ দ্বাদশবাহুকঃ ॥ 4 ॥

হস্তৌ শক্তিধরঃ পাতু বক্ষঃ পাতু শরোদ্ভবঃ ।
হৃদযং বহ্নিভূঃ পাতু কুক্ষিং পাত্বংবিকাসুতঃ ॥ 5 ॥

নাভিং শংভুসুতঃ পাতু কটিং পাতু হরাত্মজঃ ।
ঊরূ পাতু গজারূঢো জানূ মে জাহ্নবীসুতঃ ॥ 6 ॥

জংঘে বিশাখো মে পাতু পাদৌ মে শিখিবাহনঃ ।
সর্বাণ্যংগানি ভূতেশঃ সর্বধাতূংশ্চ পাবকিঃ ॥ 7 ॥

সংধ্যাকালে নিশীথিন্যাং দিবা প্রাতর্জলেঽগ্নিষু ।
দুর্গমে চ মহারণ্যে রাজদ্বারে মহাভযে ॥ 8 ॥

তুমুলে রণ্যমধ্যে চ সর্বদুষ্টমৃগাদিষু ।
চোরাদিসাধ্বসেঽভেদ্যে জ্বরাদিব্যাধিপীডনে ॥ 9 ॥

দুষ্টগ্রহাদিভীতৌ চ দুর্নিমিত্তাদিভীষণে ।
অস্ত্রশস্ত্রনিপাতে চ পাতু মাং ক্রৌংচরংধ্রকৃত্ ॥ 10 ॥

যঃ সুব্রহ্মণ্যকবচং ইষ্টসিদ্ধিপ্রদং পঠেত্ ।
তস্য তাপত্রযং নাস্তি সত্যং সত্যং বদাম্যহম্ ॥ 11 ॥

ধর্মার্থী লভতে ধর্মমর্থার্থী চার্থমাপ্নুযাত্ ।
কামার্থী লভতে কামং মোক্ষার্থী মোক্ষমাপ্নুযাত্ ॥ 12 ॥

যত্র যত্র জপেদ্ভক্ত্যা তত্র সন্নিহিতো গুহঃ ।
পূজাপ্রতিষ্ঠাকালে চ জপকালে পঠেদিদম্ ॥ 13 ॥

তেষামেব ফলাবাপ্তিঃ মহাপাতকনাশনম্ ।
যঃ পঠেচ্ছৃণুযাদ্ভক্ত্যা নিত্যং দেবস্য সন্নিধৌ ।
সর্বান্কামানিহ প্রাপ্য সোঽংতে স্কংদপুরং ব্রজেত্ ॥ 14 ॥

উত্তরন্যাসঃ ॥
করন্যাসঃ –
ওং সাং অংগুষ্ঠাভ্যাং নমঃ ।
ওং সীং তর্জনীভ্যাং নমঃ ।
ওং সূং মধ্যমাভ্যাং নমঃ ।
ওং সৈং অনামিকাভ্যাং নমঃ ।
ওং সৌং কনিষ্ঠিকাভ্যাং নমঃ ।
ওং সঃ করতলকরপৃষ্ঠাভ্যাং নমঃ ॥
অংগন্যাসঃ –
ওং সাং হৃদযায নমঃ ।
ওং সীং শিরসে স্বাহা ।
ওং সূং শিখাযৈ বষট্ ।
ওং সৈং কবচায হুম্ ।
ওং সৌং নেত্রত্রযায বৌষট্ ।
ওং সঃ অস্ত্রায ফট্ ।
ভূর্ভুবস্সুবরোমিতি দিগ্বিমোকঃ ॥

ইতি শ্রী সুব্রহ্মণ্য কবচ স্তোত্রম্ ।