শ্রী রামাষ্টোত্তর শতনাম স্তোত্রম্

শ্রীরামো রামভদ্রশ্চ রামচংদ্রশ্চ শাশ্বতঃ ।
রাজীবলোচনঃ শ্রীমান্রাজেংদ্রো রঘুপুংগবঃ ॥ 1 ॥

জানকীবল্লভো জৈত্রো জিতামিত্রো জনার্দনঃ ।
বিশ্বামিত্রপ্রিযো দাংতঃ শরণত্রাণতত্পরঃ ॥ 2 ॥

বালিপ্রমথনো বাগ্মী সত্যবাক্সত্যবিক্রমঃ ।
সত্যব্রতো ব্রতধরঃ সদাহনুমদাশ্রিতঃ ॥ 3 ॥

কৌসলেযঃ খরধ্বংসী বিরাধবধপংডিতঃ ।
বিভীষণপরিত্রাতা হরকোদংডখংডনঃ ॥ 4 ॥

সপ্ততালপ্রভেত্তা চ দশগ্রীবশিরোহরঃ ।
জামদগ্ন্যমহাদর্পদলনস্তাটকাংতকঃ ॥ 5 ॥

বেদাংতসারো বেদাত্মা ভবরোগস্য ভেষজম্ ।
দূষণত্রিশিরোহংতা ত্রিমূর্তিস্ত্রিগুণাত্মকঃ ॥ 6 ॥

ত্রিবিক্রমস্ত্রিলোকাত্মা পুণ্যচারিত্রকীর্তনঃ ।
ত্রিলোকরক্ষকো ধন্বী দংডকারণ্যকর্তনঃ ॥ 7 ॥

অহল্যাশাপশমনঃ পিতৃভক্তো বরপ্রদঃ ।
জিতেংদ্রিযো জিতক্রোধো জিতামিত্রো জগদ্গুরুঃ ॥ 8 ॥

ঋক্ষবানরসংঘাতী চিত্রকূটসমাশ্রযঃ ।
জযংতত্রাণবরদঃ সুমিত্রাপুত্রসেবিতঃ ॥ 9 ॥

সর্বদেবাদিদেবশ্চ মৃতবানরজীবনঃ ।
মাযামারীচহংতা চ মহাদেবো মহাভুজঃ ॥ 10 ॥

সর্বদেবস্তুতঃ সৌম্যো ব্রহ্মণ্যো মুনিসংস্তুতঃ ।
মহাযোগী মহোদারঃ সুগ্রীবেপ্সিতরাজ্যদঃ ॥ 11 ॥

সর্বপুণ্যাধিকফলঃ স্মৃতসর্বাঘনাশনঃ ।
আদিপুরুষঃ পরমপুরুষো মহাপূরুষ এব চ ॥ 12 ॥

পুণ্যোদযো দযাসারঃ পুরাণপুরুষোত্তমঃ ।
স্মিতবক্ত্রো মিতাভাষী পূর্বভাষী চ রাঘবঃ ॥ 13 ॥

অনংতগুণগংভীরো ধীরোদাত্তগুণোত্তমঃ ।
মাযামানুষচারিত্রো মহাদেবাদিপূজিতঃ ॥ 14 ॥

সেতুকৃজ্জিতবারাশিঃ সর্বতীর্থমযো হরিঃ ।
শ্যামাংগঃ সুংদরঃ শূরঃ পীতবাসা ধনুর্ধরঃ ॥ 15 ॥

সর্বযজ্ঞাধিপো যজ্বা জরামরণবর্জিতঃ ।
শিবলিংগপ্রতিষ্ঠাতা সর্বাবগুণবর্জিতঃ ॥ 16 ॥

পরমাত্মা পরং ব্রহ্ম সচ্চিদানংদবিগ্রহঃ ।
পরংজ্যোতিঃ পরংধাম পরাকাশঃ পরাত্পরঃ ॥ 17 ॥

পরেশঃ পারগঃ পারঃ সর্বদেবাত্মকঃ পরঃ ॥

এবং শ্রীরামচংদ্রস্য নাম্নামষ্টোত্তরং শতম্

ইতি শ্রী রামাষ্টোত্তর শতনামস্তোত্রং সংপূর্ণম্