শ্রী রাঘবেংদ্র মংগলাষ্টকম্

শ্রীমদ্রামপাদারবিংদমধুপঃ শ্রীমধ্ববংশাধিপঃ
সচ্চিষ্যোডুগণোডুপঃ শ্রিতজগদ্গীর্বাণসত্পাদপঃ ।
অত্যর্থং মনসা কৃতাচ্যুতজপঃ পাপাংধকারাতপঃ
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 1 ॥

কর্মংদীংদ্রসুধীংদ্রসদ্গুরুকরাংভোজোদ্ভবঃ সংততং
প্রাজ্যধ্যানবশীকৃতাখিলজগদ্বাস্তব্যলক্ষ্মীধবঃ ।
সচ্ছাস্ত্রাদি বিদূষকাখিলমৃষাবাদীভকংঠীরবঃ
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 2 ॥

সালংকারককাব্যনাটককলাকাণাদপাতংজল-
ত্রয্যর্থস্মৃতিজৈমিনীযকবিতাসংকীতপারংগতঃ ।
বিপ্রক্ষত্রবিডংঘ্রিজাতমুখরানেকপ্রজাসেবিতঃ
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 3 ॥

রংগোত্তুংগতরংগমংগলকর শ্রীতুংগভদ্রাতট-
প্রত্যক্স্থদ্বিজপুংগবালয লসন্মংত্রালযাখ্যে পুরে ।
নব্যেংদ্রোপলনীলভব্যকরসদ্বৃংদাবনাংতর্গতঃ
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 4 ॥

বিদ্বদ্রাজশিরঃকিরীটখচিতানর্ঘ্যোরুরত্নপ্রভা
রাগাঘৌঘহপাদুকাদ্বযচরঃ পদ্মাক্ষমালাধরঃ ।
ভাস্বদ্দংটকমংডলূজ্জ্বলকরো রক্তাংবরাডংবরঃ
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 5 ॥

যদ্বৃংদাবনসত্প্রদক্ষিণনমস্কারাভিষেকস্তুতি-
ধ্যানারাধনমৃদ্বিলেপনমুখানেকোপচারান্ সদা ।
কারং কারমভিপ্রযাংতি চতুরো লোকাঃ পুমর্থান্ সদা
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 6 ॥

বেদব্যাসমুনীশমধ্বযতিরাট্ টীকার্যবাক্যামৃতং
জ্ঞাত্বাঽদ্বৈতমতং হলাহলসমং ত্যক্ত্বা সমাখ্যাপ্তযে ।
সংখ্যাবত্সুখদাং দশোপনিষদাং ব্যাখ্যাং সমাখ্যন্মুদা
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 7 ॥

শ্রীমদ্বৈষ্ণবলোকজালকগুরুঃ শ্রীমত্পরিব্রাড্গুরুঃ
শাস্ত্রে দেবগুরুঃ শ্রিতামরতরুঃ প্রত্যূহগোত্রস্বরুঃ ।
চেতোঽতীতশিরুস্তথা জিতবরুস্সত্সৌখ্যসংপত্করুঃ
শ্রীমত্সদ্গুরুরাঘবেংদ্রযতিরাট্ কুর্যাদ্ধ্রুবং মংগলম্ ॥ 8 ॥

যস্সংধ্যাস্বনিশং গুরোর্যতিপতেঃ সন্মংগলস্যাষ্টকং
সদ্যঃ পাপহরং স্বসেবি বিদুষাং ভক্ত্যৈতদাভাষিতম্ ।
ভক্ত্যা বক্তি সুসংপদং শুভপদং দীর্ঘাযুরারোগ্যকং
কীর্তিং পুত্রকলত্রবাংধবসুহৃন্মূর্তিঃ প্রযাতি ধ্রুবম্ ॥

ইতি শ্রীমদপ্পণাচার্যকৃতং রাঘবেংদ্রমংগলাষ্টকং সংপূর্ণম্ ।