শ্রী মহিষাসুর মর্দিনী স্তোত্রম্ (অযিগিরি নংদিনি)

অযি গিরিনংদিনি নংদিতমেদিনি বিশ্ববিনোদিনি নংদিনুতে
গিরিবরবিংধ্যশিরোধিনিবাসিনি বিষ্ণুবিলাসিনি জিষ্ণুনুতে ।
ভগবতি হে শিতিকংঠকুটুংবিনি ভূরিকুটুংবিনি ভূরিকৃতে
জয জয হে মহিষাসুরমর্দিনি রম্যকপর্দিনি শৈলসুতে ॥ 1 ॥

সুরবরবর্ষিণি দুর্ধরধর্ষিণি দুর্মুখমর্ষিণি হর্ষরতে
ত্রিভুবনপোষিণি শংকরতোষিণি কল্মষমোষিণি ঘোররতে । [কিল্বিষ-, ঘোষ-]
দনুজনিরোষিণি দিতিসুতরোষিণি দুর্মদশোষিণি সিংধুসুতে
জয জয হে মহিষাসুরমর্দিনি রম্যকপর্দিনি শৈলসুতে ॥ 2 ॥

অযি জগদংব মদংব কদংববনপ্রিযবাসিনি হাসরতে
শিখরি শিরোমণি তুংগহিমালয শৃংগনিজালয মধ্যগতে ।
মধুমধুরে মধুকৈটভগংজিনি কৈটভভংজিনি রাসরতে
জয জয হে মহিষাসুরমর্দিনি রম্যকপর্দিনি শৈলসুতে ॥ 3 ॥

অযি শতখংড বিখংডিতরুংড বিতুংডিতশুংড গজাধিপতে
রিপুগজগংড বিদারণচংড পরাক্রমশুংড মৃগাধিপতে ।
নিজভুজদংড নিপাতিতখংড বিপাতিতমুংড ভটাধিপতে [-চংড]
জয জয হে মহিষাসুরমর্দিনি রম্যকপর্দিনি শৈলসুতে ॥ 4 ॥

অযি রণদুর্মদ শত্রুবধোদিত দুর্ধরনির্জর শক্তিভৃতে
চতুরবিচারধুরীণ মহাশিব দূতকৃত প্রমথাধিপতে ।
দুরিতদুরীহ দুরাশয দুর্মতি দানবদূত কৃতাংতমতে
জয জয হে মহিষাসুরমর্দিনি রম্যকপর্দিনি শৈলসুতে ॥ 5 ॥

অযি শরণাগত বৈরিবধূবর বীরবরাভযদাযকরে
ত্রিভুবন মস্তক শূলবিরোধি শিরোধিকৃতামল শূলকরে ।
দুমিদুমিতামর দুংদুভিনাদ মহো মুখরীকৃত তিগ্মকরে
জয জয হে মহিষাসুরমর্দিনি রম্যকপর্দিনি শৈলসুতে ॥ 6 ॥

অযি নিজহুংকৃতিমাত্র নিরাকৃত ধূম্রবিলোচন ধূম্রশতে
সমরবিশোষিত শোণিতবীজ সমুদ্ভবশোণিত বীজলতে ।
শিব শিব শুংভ নিশুংভ মহাহব তর্পিত ভূত পিশাচরতে
জয জয হে মহিষাসুরমর্দিনি রম্যকপর্দিনি শৈলসুতে ॥ 7 ॥

ধনুরনুসংগ রণক্ষণসংগ পরিস্ফুরদংগ নটত্কটকে
কনক পিশংগ পৃষত্কনিষংগরসদ্ভট শৃংগ হতাবটুকে ।
কৃতচতুরংগ বলক্ষিতিরংগ ঘটদ্বহুরংগ রটদ্বটুকে
জয জয হে মহিষাসুরমর্দিনি রম্যকপর্দিনি শৈলসুতে ॥ 8 ॥

সুরললনা ততথেযি তথেযি কৃতাভিনযোদর নৃত্যরতে
কৃত কুকুথঃ কুকুথো গডদাদিকতাল কুতূহল গানরতে ।
ধুধুকুট ধুক্কুট ধিংধিমিত ধ্বনি ধীর মৃদংগ নিনাদরতে
জয জয হে মহিষাসুরমর্দিনি রম্যকপর্দিনি শৈলসুতে ॥ 9 ॥

জয জয জপ্য জযে জয শব্দপরস্তুতি তত্পর বিশ্বনুতে
ভণ ভণ ভিংজিমি ভিংকৃতনূপুর সিংজিতমোহিত ভূতপতে । [ঝ-, ঝিং-]
নটিতনটার্ধ নটীনটনাযক নাটিতনাট্য সুগানরতে
জয জয হে মহিষাসুরমর্দিনি রম্যকপর্দিনি শৈলসুতে ॥ 10 ॥

অযি সুমনঃ সুমনঃ সুমনঃ সুমনঃ সুমনোহর কাংতিযুতে
শ্রিত রজনী রজনী রজনী রজনী রজনীকর বক্ত্রবৃতে ।
সুনযন বিভ্রমর ভ্রমর ভ্রমর ভ্রমর ভ্রমরাধিপতে
জয জয হে মহিষাসুরমর্দিনি রম্যকপর্দিনি শৈলসুতে ॥ 11 ॥

সহিত মহাহব মল্লম তল্লিক মল্লিত রল্লক মল্লরতে
বিরচিত বল্লিক পল্লিক মল্লিক ভিল্লিক ভিল্লিক বর্গ বৃতে । [ঝিল্লিক ভিল্লিক]
সিতকৃত ফুল্লসমুল্লসিতারুণ তল্লজ পল্লব সল্ললিতে
জয জয হে মহিষাসুরমর্দিনি রম্যকপর্দিনি শৈলসুতে ॥ 12 ॥

অবিরলগংডগলন্মদমেদুর মত্তমতংগজ রাজপতে
ত্রিভুবনভূষণ ভূতকলানিধি রূপপযোনিধি রাজসুতে ।
অযি সুদতীজন লালসমানস মোহনমন্মথ রাজসুতে
জয জয হে মহিষাসুরমর্দিনি রম্যকপর্দিনি শৈলসুতে ॥ 13 ॥

কমলদলামল কোমলকাংতি কলাকলিতামল ভাললতে
সকলবিলাস কলানিলয ক্রমকেলিচলত্কলহংসকুলে ।
অলিকুল সংকুল কুবলয মংডল মৌলিমিলদ্বকুলালি কুলে
জয জয হে মহিষাসুরমর্দিনি রম্যকপর্দিনি শৈলসুতে ॥ 14 ॥

করমুরলীরব বীজিত কূজিত লজ্জিতকোকিল মংজুমতে
মিলিত পুলিংদ মনোহর গুংজিত রংজিতশৈল নিকুংজগতে ।
নিজগুণভূত মহাশবরীগণ সদ্গুণসংভৃত কেলিতলে
জয জয হে মহিষাসুরমর্দিনি রম্যকপর্দিনি শৈলসুতে ॥ 15 ॥

কটিতটপীত দুকূলবিচিত্র মযূখতিরস্কৃত চংদ্ররুচে
প্রণতসুরাসুর মৌলিমণিস্ফুর দংশুলসন্নখ চংদ্ররুচে ।
জিতকনকাচল মৌলিপদোর্জিত নির্ভরকুংজর কুংভকুচে
জয জয হে মহিষাসুরমর্দিনি রম্যকপর্দিনি শৈলসুতে ॥ 16 ॥

বিজিত সহস্রকরৈক সহস্রকরৈক সহস্রকরৈকনুতে
কৃত সুরতারক সংগরতারক সংগরতারক সূনুসুতে ।
সুরথসমাধি সমানসমাধি সমাধি সমাধি সুজাতরতে
জয জয হে মহিষাসুরমর্দিনি রম্যকপর্দিনি শৈলসুতে ॥ 17 ॥

পদকমলং করুণানিলযে বরিবস্যতি যোঽনুদিনং স শিবে
অযি কমলে কমলানিলযে কমলানিলযঃ স কথং ন ভবেত্ ।
তব পদমেব পরংপদমিত্যনুশীলযতো মম কিং ন শিবে
জয জয হে মহিষাসুরমর্দিনি রম্যকপর্দিনি শৈলসুতে ॥ 18 ॥

কনকলসত্কল সিংধুজলৈরনুসিংচিনুতে গুণরংগভুবং
ভজতি স কিং ন শচীকুচকুংভ তটীপরিরংভ সুখানুভবম্ ।
তব চরণং শরণং করবাণি নতামরবাণি নিবাসি শিবং
জয জয হে মহিষাসুরমর্দিনি রম্যকপর্দিনি শৈলসুতে ॥ 19 ॥

তব বিমলেংদুকুলং বদনেংদুমলং সকলং ননু কূলযতে
কিমু পুরুহূত পুরীংদুমুখী সুমুখীভিরসৌ বিমুখীক্রিযতে ।
মম তু মতং শিবনামধনে ভবতী কৃপযা কিমুত ক্রিযতে
জয জয হে মহিষাসুরমর্দিনি রম্যকপর্দিনি শৈলসুতে ॥ 20 ॥

অযি মযি দীনদযালুতযা কৃপযৈব ত্বযা ভবিতব্যমুমে
অযি জগতো জননী কৃপযাসি যথাসি তথাঽনুমিতাসিরতে ।
যদুচিতমত্র ভবত্যুররী কুরুতাদুরুতাপমপাকুরু তে [মে]
জয জয হে মহিষাসুরমর্দিনি রম্যকপর্দিনি শৈলসুতে ॥ 21 ॥

ইতি শ্রী মহিষাসুরমর্দিনি স্তোত্রম্ ॥