শ্রী মধ্বাচার্য কৃত দ্বাদশ স্তোত্র – সপ্তমস্তোত্রম্

অথ সপ্তমস্তোত্রম্

বিশ্বস্থিতিপ্রলযসর্গমহাবিভূতি বৃত্তিপ্রকাশনিযমাবৃতি বংধমোক্ষাঃ ।
যস্যা অপাংগলবমাত্রত ঊর্জিতা সা শ্রীঃ যত্কটাক্ষবলবত্যজিতং নমামি ॥ 1॥

ব্রহ্মেশশক্ররবিধর্মশশাংকপূর্ব গীর্বাণসংততিরিযং যদপাংগলেশম্ ।
আশ্রিত্য বিশ্ববিজযং বিসৃজত্যচিংত্যা শ্রীঃ যত্কটাক্ষবলবত্যজিতং নমামি ॥ 2॥

ধর্মার্থকামসুমতিপ্রচযাদ্যশেষসন্মংগলং বিদধতে যদপাংগলেশম্ ।
আশ্রিত্য তত্প্রণতসত্প্রণতা অপীড্যা শ্রীঃ যত্কটাক্ষবলবতি অজিতং নমামি ॥ 3॥

ষড্বর্গনিগ্রহনিরস্তসমস্তদোষা ধ্যাযংতি বিষ্ণুমৃষযো যদপাংগলেশম্ ।
আশ্রিত্য যানপি সমেত্য ন যাতি দুঃখং শ্রীঃ যত্কটাক্ষবলবতি অজিতং নমামি ॥ 4॥

শেষাহিবৈরিশিবশক্রমনুপ্রধান চিত্রোরুকর্মরচনং যদপাংগলেশম্ ।
আশ্রিত্য বিশ্বমখিলং বিদধাতি ধাতা শ্রীঃ যত্কটাক্ষবলবতি অজিতং নমামি ॥ 5॥

শক্রোগ্রদীধিতিহিমাকরসূর্যসূনু পূর্বং নিহত্য নিখিলং যদপাংগলেশম্ ।
আশ্রিত্য নৃত্যতি শিবঃ প্রকটোরুশক্তিঃ শ্রীঃ যত্কটাক্ষ বলবতি অজিতং নমামি ॥ 6॥

তত্পাদপংকজমহাসনতামবাপ শর্বাদিবংদ্যচরণো যদপাংগলেশম্ ।
আশ্রিত্য নাগপতিঃ অন্যসুরৈর্দুরাপাং শ্রীঃ যত্কটাক্ষবলবতি অজিতং নমামি ॥ 7॥

নাগারিরুগ্রবলপৌরুষ আপ বিষ্ণুবাহত্বমুত্তমজবো যদপাংগলেশম্ । বর্
বিষ্ণোর্বাহ
আশ্রিত্য শক্রমুখদেবগণৈঃ অচিংত্যং শ্রীঃ যত্কটাক্ষ বলবতি অজিতং নমামি ॥ 8॥

আনংদতীর্থমুনিসন্মুখপংকজোত্থং সাক্ষাদ্রমাহরিমনঃ প্রিযং উত্তমার্থম্ ।
ভক্ত্যা পঠতি অজিতমাত্মনি সন্নিধায যঃ স্তোত্রমেতভিযাতি তযোরভীষ্টম্ ॥ 9॥

ইতি শ্রীমদানংদতীর্থভগবত্পাদাচার্য বিরচিতং
দ্বাদশস্তোত্রেষু সপ্তমস্তোত্রং সংপূর্ণম্