শ্রী হযগ্রীব সহস্র নাম স্তোত্রম্

॥ শ্রীঃ ॥
শুক্লাংবরধরং বিষ্ণুং শশিবর্ণং চতুর্ভুজং
প্রসন্নবদনং ধ্যাযেত্সর্ববিঘ্নোপশাংতযে ।
যস্য দ্বিরদবক্রাদ্যাঃ পারিষদ্যাঃ পরশ্শতং
বিঘ্নং নিঘ্নংতি সততং বিষ্বক্সেনং তমাশ্রযে . ।

শ্রীকাশ্যপঃ ।
তাত মে শ্রীহযগ্রীবনাম্নাং সাহস্রমুত্তমম্ ।
অধ্যেতুং জাযতে কাংক্ষা তত্প্রসীদ মযি প্রভো ॥ 1 ॥
ইতিপৃষ্টস্ততোবাচ ব্রহ্মা লোক পিতামহঃ ।
শ্রেযসামপি চ শ্রেযঃ কাশ্যপেহ বিশাংপতে ॥ 2 ॥
অমত্যা বিহিতং পাপং মূলতো হি বিনশ্যতি ।
রহস্যানাং রহস্যং চ পাবনানাং চ পাবনম্ ॥ 3 ॥
প্রাযশ্চিত্তে কৃতে তস্য কর্তান নিরযী ভবেত্ ।
কামতস্তু কৃতে পাপে প্রাযশ্চিত্তশতেন চ ॥ 4 ॥
তন্ন নশ্যতি তত্কর্তা ব্যবহার্যস্তু জাযতে ।
এবং দুরপনোদানাং বুদ্ধিপূর্বমহাংহসাম্ ॥ 5 ॥
আবর্জনকরাণামপ্যংতে নিষ্কৃতিরীরিতা ।
প্রণম্য মানবতযা মংত্ররত্নানুকীর্তনম্ ॥ 6 ॥
হংসনামসহস্রস্যপঠনং শিরসান্বহম্ ।
প্রণম্য ভগবদ্ভক্তপাদোদক নিষেবণম্ ॥ 7 ॥
তদেতত্ত্ত্রিতযং সর্বপাপসংঘাতনাশনম্ ।
ইতীদং পরমং গুহ্যং হংসো হযশিরাহরিঃ ॥ 8 ॥
বেদোপদেশসমযে মাং নিবোধ্যোপদিষ্টবান ।
অনেন মংত্ররত্নেন মহাশ্বশিরসো হরেঃ ॥ 9 ॥
সহস্রনামভিস্তুল্যা নিষ্কৃতির্নেতরাংহসাম্ ।
অনন্যভগবদ্ভক্তপাদোদকনিষেবণম্ ॥ 10 ॥
এতদ্দ্বযোপদেশাংগমাদৌ স্বীকার্যমিষ্যতে ।
ইত্যুক্ত্বাঽনংতগরুডবিষ্বক্সেনপদোদকম্ ॥ 11 ॥
আদৌ মাং প্রাশযন্নংতে পরিশোষ্যেকৃতাংহসি ।
আত্মনো নামসাহস্রং সর্ষিচ্ছংদোঽধিদৈবতম্ ॥ 12 ॥
সন্যাসমুদ্রিকাভেদং মহ্যং সাংগমুপাদিশত্ ।
যথাবত্তদিদং বত্স দদ্যাং তে শৃণু তত্ত্বতঃ ॥ 13 ॥
যত্প্রাপ্যাত্যংতিকী বৃত্ত্যা নিবৃত্ত্যা মোক্ষমেষ্যতি ।
হযাস্যনামসাহস্রস্তোত্ররাজস্য বৈভবম্ ॥ 14 ॥
ঋষিশ্শ্রীমান্ হযগ্রীবো বিদ্যামূর্তিস্স্বযং হরিঃ ।
দেবতা চ স এবাস্য ছংদোনুষ্টুবিতি শ্রুতম্ ॥ 15 ॥
হংসো হংসোঽহমিত্যেতে বীজং শক্তিস্তুকীলকম্ ।
হংসীং হংসোঽহমিত্যেতে প্রাজ্ঞপ্যা মনবস্ত্রযঃ ॥ 16 ॥
একৈকস্য দশাবৃত্তিরিতিসংখ্যাবিধীযতে ।
প্রণবত্রযমংত্রং স্যাত্কবচং শ্রীশ্শ্রিযো ভবেত্ ॥ 17 ॥
শ্রীবিভূষণ ইত্যেতদ্ধৃদযং পরিকীর্তিতম্ ।
পরোরজাঃ পরং ব্রহ্মেত্যপি যোনিরুদাহৃতা ॥ 18 ॥
বিদ্যামূর্তিরিতি ধ্যানং বিশ্বাত্মেতি চ গদ্যতে ।
বিশ্বমংগলনাম্নোঽস্য বিনিযোগো যথারুচি ॥ 19 ॥
ভ্রূনেত্রাশ্রোত্রনাসাহন্বোষ্ঠতালূরদে ক্রমাত্ ।
ষোডশস্বরবিন্যাসো দক্ষিণারংভমিষ্যতে ॥ 20 ॥
জিহ্বাতলেঽপি তন্মূলে স্বরাবংত্যৌ চ বিন্যসেত্ ।
তদা তালুদ্বযন্যাসসখাযোস্তু পরিত্যজেত্ ॥ 21 ॥
অযং হি বিদ্যাকামানামাদ্যস্ত্বন্য ফলৈষিণাম্ ।
দোঃপত্সক্থ্যংগুলীশীর্ষে বর্গান্কচটতান্ন্যসেত্ ॥ 22 ॥
পার্শ্বযোস্তু বফৌ পৃষ্টোদরযোস্তু বভৌ ন্যসেত্ ।
মকারং হৃদযে ন্যস্য জীবে বা পংচবিংশকে ॥ 23 ॥
নাভিপাযূদরে গুহ্যে যরলবান্বিনিক্ষিপেত্ ।
শষৌ কুংডলযোশ্শীর্ষং হারে চ কটিসূত্রকে ॥ 24 ॥
সহৌ হৃদব্জে হর্দে চ লমাপাদশিখে ন্যসেত্ ।
ক্ষংচ শীর্ষাদি পাদাংতং মাতৃকান্যাস এষ তু ॥ 25 ॥

অস্য শ্রীহযগ্রীবসহস্রনাম স্তোত্রমহামংত্রস্য শ্রীহযগ্রীব ঋষিঃ ।
অনুষ্টুপ্ ছংদঃ . শ্রীহযগ্রীব পরমাত্মা দেবতা . হংস ইতি বীজম্ ।
হংসোহমিতি শক্তিঃ . হংসাং হংসীমিতি কীলকম্ . ওং ওং ওমিত্যস্ত্রম্ ।
শ্রীঃ শ্রিযঃ ইতি কবচম্ . শ্রীবিভূষণ ইতি হৃদযম্ ।
পরোরজাঃ পরং ব্রহ্মেতি যোনিঃ . বিদ্যামূর্তির্বিশ্বাত্মা ইতি ধ্যানম্ ।

হংসামংগুষ্ঠাভ্যাং নমঃ . হংসীং তর্জনীভ্যাং নমঃ ।
হংসূং মধ্যমাভ্যাং নমঃ . হংসোং অনামিকাভ্যাং নমঃ ।
হংসৌং কনিষ্ঠিকাভ্যাং নমঃ . হংসঃ করতলকরপৃষ্ঠাভ্যাং নমঃ ।
এবং হৃদযাদিন্যাসঃ . ।

হংসাং জ্ঞানায হৃদযায নমঃ . হংসীং ঐশ্বর্যায শিরসে স্বাহা ।
হংসূং শক্তযৈ শিখাযৈ বষট্ . হংসোং বলায কবচায হুম্ ।
হংসৌং তেজসে নেত্রাভ্যাং বৌষট্ ।
হংসঃ বীর্যাযাস্ত্রায ফট্ ওমিতি দিগ্বংধঃ . ।

অথ মাতৃকান্যাসঃ ।
ওং অং আং ভ্রুবোঃ . ইং ঈং নেত্রযোঃ . উং ঊং শ্রোত্রযোঃ . ঋং ৠং নাসিকযোঃ ।
লৃং লৄং কপোলযোঃ . এং ঐং ওষ্ঠযোঃ . ওং ওং দংতপংক্ত্যোঃ ।
অং জিহ্বাতলে . অঃ জিহ্বামূলে ।
কবর্গং দক্ষিণে বাহূমূলে কূর্পরে মণিবংধে করতলে হস্তাগ্রে ।
চবর্গং বামে বাহূমূলে কূর্পরে মণিবংধে করতলে হস্তাগ্রে ।
টবর্গং দক্ষিণে পাদমূলে জানুনি পাদপার্ষ্ণৌ পাদতলে পাদাগ্রে ।
তবর্গং বামে পাদমূলে জানুনি পাদপার্ষ্ণৌ পাদতলে পাদাগ্রে ।
পফৌ পার্শ্বযোঃ . বভৌ পৃষ্ঠোদরযোঃ . মং হৃদি ।
যং রং লং বং নাভৌ পাযৌ উদরে গুহ্যে . শষৌ হস্তযোঃ ।
সহৌ শীর্ষে কট্যাম্ . লক্ষৌ হৃদব্জে হার্দে উতি মাতৃকান্যাসঃ . ।

অথ ধ্যানম্ . ।
বিদ্যামূর্তিমখংডচংদ্রবলযশ্বেতারবিংদস্থিতং
হৃদ্যাভং স্ফটিকাদ্রিনির্মলতনুং বিদ্যোতমানংশ্রিযা ।
বামাংকস্থিতবল্লভাং প্রতি সদাব্যাখ্যাংতমাম্নাযবা-
গর্থানাদিমপূরুষং হযমুখং ধ্যাযামি হংসাত্মকম্ ॥ 1 ॥
বিশ্বাত্মা বিশদপ্রভাপ্রতিলসদ্বাগ্দেবতামংডলো
দেবো দক্ষিণপাণিযুগ্মবিলসদ্বোধাংকচক্রাযুধঃ ।
বামোদগ্রকরে দরং তদিতরেণাশ্লিষ্য দোষ্ণা রমাং
হস্তাগ্রে ধৃতপুস্তকস্স দযতাং হংসো হিরণ্যচ্ছদঃ ॥ 2 ॥

অথ সহস্রনামস্তোত্রপ্রারংভঃ ।
ওং – শ্রীং হংসো হমৈ মোং ক্লীং শ্রীশ্শ্রিযশ্শ্রীবিভূষণঃ ।
পরোরজাঃ পরং ব্রহ্ম ভূর্ভুবস্সুবরাদিমঃ ॥ 1 ॥
ভাস্বান্ভগশ্চ ভগবান্স্বস্তিস্বাহা নমস্স্বধা ।
শ্রৌষড্বৌষঢলং হুং ফট্ হুং হ্রীং ক্রোং হ্লৌং যথা তথা ॥ 2 ॥
কর্কগ্রীবঃ কলানাথঃ কামদঃ করুণাকরঃ ।
কমলাধ্যুষিতোত্সংগঃ ক্ষযে কালীবশানুগঃ ॥ 3 ॥
নিষচ্ছোপনিষচ্চাথ নীচৈরুচ্চৈস্সমং সহ ।
শশ্বদ্যুগপদহ্বায শনৈরেকো বহুধ্রুবঃ ॥ 4 ॥
ভূতভৃদ্ভূরিদস্সাক্ষী ভূতাদিঃ পুণ্যকীর্তনঃ ।
ভূমা ভূমিরধোন্নদ্ধঃ পুরুহূতঃ পুরুষ্টুতঃ ॥ 5 ॥
প্রফুল্লপুংডরীকাক্ষঃ পরমেষ্ঠী প্রভাবনঃ ।
প্রভুর্ভগঃসতাং বংধুর্ভযধ্বংসী ভবাপনঃ ॥ 6 ॥
উদ্যন্নুরুশযাহুং কৃদুরুগায উরুক্রমঃ ।
উদারস্ত্রিযুগস্ত্র্যাত্মা নিদানং নলযো হরিঃ ॥ 7 ॥
হিরণ্যগর্ভো হেমাংগো হিরণ্যশ্মশ্রুরীশিতা ।
হিরণ্যকেশো হিমহা হেমবাসা হিতৈষণঃ ॥ 8 ॥
আদিত্যমংডলাংতস্থো মোদমানস্সমূহনঃ ।
সর্বাত্মা জগদাধারস্সন্নিধিস্সারবান্স্বভূঃ ॥ 9 ॥
গোপতির্গোহিতো গোমী কেশবঃ কিন্নরেশ্বরঃ ।
মাযী মাযাবিকৃতিকৃন্মহেশানো মহামহাঃ ॥ 10 ॥
মমা মিমী মুমূ মৃমৄং ম্লুম্লূং মেমৈং তথৈব চ ।
মোমৌং বিংদুর্বিসর্গশ্চ হ্রস্বোদীর্ঘঃ প্লুতস্স্বরঃ ॥ 11 ॥
উদাত্তশ্চানুদাত্তশ্চ স্বরিতঃ প্রচযস্তথা ।
কং খং গং ঘং ংঅং চ চং ছং জং ঝং ঞং টং ঠমেব চ ॥ 12 ॥
ডং ঢং ণং তং থং চ দং চ ধং নং পং ফং বমেব চ
ভং মং যং রং লং চ বং চ শং ষং সং হং লমেব চ ॥ 13 ॥
ক্ষং যমোং ব্যংজনো জিহ্বামূলীযোঽর্ধবিসর্গবান্ ।
উপধ্মানীয ইতি চ সংযুক্তাক্ষর এব চ ॥ 14 ॥
পদং ক্রিযা কারকশ্চ নিপাতো গতিরব্যযঃ ।
সন্নিধির্যোগ্যতাঽকাংক্ষা পরস্পরসমন্বযঃ ॥ 15 ॥
বাক্যং পদ্যং সংপ্রদাযো ভাবশ্শব্দার্থলালিতঃ ।
ব্যংজনা লক্ষণা শক্তিঃ পাকো রীতিরলংকৃতিঃ ॥ 16 ॥
শয্যা ফ্রৌঢধ্বনিস্তদ্বত্কাব্যং সর্গঃ ক্রিযা রুচিঃ ।
নানারূপপ্রবংধশ্চ যশঃ পুণ্যং মহদ্ধনম্ ॥ 17 ॥
ব্যবহারপরিজ্ঞানং শিবেতরপরিক্ষযঃ ।
সদঃ পরমনির্বাণং প্রিযপথ্যোপদেশকঃ ॥ 18 ॥
সংস্কারঃ প্রতিভা শিক্ষা গ্রহণং ধারণং শ্রমঃ ।
আসুতাস্বাদিমা চিত্রং বিস্তারশ্চিত্রসংবিধিঃ ॥ 19 ॥
পুরাণমিতিহাসশ্চ স্মৃতিসূত্রং চ সংহিতা ।
আচার আত্মনা তুষ্টিরাচার্যাজ্ঞানতিক্রমঃ ॥ 20 ॥
শ্রীমান্শ্রীগীঃশ্রিযঃ কাংতশ্শ্রীনিধিশ্শ্রীনিকেতনঃ ।
শ্রেযান্হযাননশ্রীদশ্শ্রীমযশ্শ্রিতবত্সলঃ ॥ 21 ॥
হংসশ্শুচিষদাদিত্যো বসুশ্চংদ্রোঽংতরিক্ষসত্ ।
হোতা চ বেদিষদ্যোনিরতিথির্দ্রোণসদ্ধবিঃ ॥ 22 ॥
নৃষন্মৃত্যুশ্চ বরসদমৃতং চর্তসদ্বৃষঃ ।
ব্যোমসদ্বিবিধস্কোটশব্দার্থব্যংগ্যবৈভবঃ ॥ 23 ॥
অব্জা রসস্বাদুতমো গোজা গেযো মনোহরঃ ।
ঋতজাস্সকলং ভদ্রমদ্রিজাস্থৈর্যমুত্তমম্ ॥ 24 ॥
ঋতং সমজ্ঞাত্বনৃতং বৃহত্সূক্ষ্মবশানুগঃ ।
সত্যং জ্ঞানমনংতং যত্তত্সদ্ব্রহ্মমযোঽচ্যুতঃ ॥ 25 ॥
অগ্রেভবন্নগো নিত্যঃ পরমঃ পুরুষোত্তমঃ ।
যোগনিদ্রাপরস্স্বামী নিধ্যানবরনির্বৃনঃ ॥ 26 ॥
রসো রস্যো রসযিতা রসবান্ রসিকপ্রিযঃ ।
আনংদো নংদযন্সর্বানানংদী হযকংধরঃ ॥ 27 ॥
কালঃ কাল্যশ্চ কালাত্মা কালাভ্যুত্থিতজাগরঃ ।
কলাসাচিব্যকৃত্কাংতাকথিতব্যাধিকার্যকঃ ॥ 28 ॥
দৃংন্যংচনোদংচনোদ্যল্লযসর্গো লঘুক্রিযঃ ।
বিদ্যাসহাযো বাগীশো মাতৃকামংডলীকুতঃ ॥ 29 ॥
হিরণ্যং হংসমিথুনমীশানশ্শক্তিমান্ জযী ।
গ্রহমেথী গুণী শ্রীভূনীলালীলৈকলালস ॥ 30 ॥
অংকেনোদূহ্য বাগ্দেবীমাচার্যকমুপাশ্রযঃ ।
বেদবেদাংতশাস্ত্রার্থতত্ত্বব্যাখ্যানতত্পরঃ ॥ 31 ॥
ল্হৌং হ্লং হং হং হযো হং সূং হংসাং হংসীং হসূং হসৌম্ ।
হসূং হং হরিণো হারী হরিকেশো হরেডিতঃ ॥ 32 ॥
সনাতনো নির্বীজস্সন্নব্যক্তো হৃদযেশযঃ ।
অক্ষরঃ ক্ষরজীবেশঃ ক্ষমী ক্ষযকরোঽচ্যুতঃ ॥ 33 ॥
কর্তাকারযিতাঽকার্যং কারণং প্রকৃতিঃ কৃতিঃ ।
ক্ষযক্ষযমনামার্থো বিষ্ণুর্জিষ্ণুর্জগন্মযঃ ॥ 34 ॥
সংকুচন্বিকচন্স্থাণুনির্বিকারো নিরামযঃ ।
শুদ্ধো বুদ্ধঃ প্রবুদ্ধশ্চ স্নিগ্ধো মুগ্ধস্সমুদ্ধতঃ ॥ 35 ॥
সংকল্পদো বহুভবত্সর্বাত্মা সর্বনামভৃত্ ।
সহস্রশীর্ষস্সর্বজ্ঞস্সহস্রাক্ষস্সহস্রপাত্ ॥ 36 ॥
ব্যক্তোবিরাট্স্বরাট্সম্রাড্বিষ্বগ্রূপবপুর্বিধুঃ ।
মাযাবী পরমানংদো মান্যো মাযাতিগো মহান্ ॥ 37 ॥
বটপত্রশযো বালো ললন্নাম্নাযসূচকঃ ।
মুখন্যস্তকরগ্রস্তপাদাগ্রপটলঃ প্রভুঃ ॥ 38 ॥
নৈদ্রীহাসাশ্বসংভূতজ্ঞাজ্ঞসাত্বিকতামসঃ ।
মহার্ণবাংবুপর্যংকঃ পদ্মনাভঃ পরাত্পরঃ ॥ 39 ॥
ব্রহ্মভূর্ব্রহ্মভযহৃদ্ধরিরোমুপদেশকৃত্ ।
মধুকৈটভনির্মাতা মত্তব্রহ্মমদাপহঃ ॥ 40 ॥
বেধোবিলাসবাগানির্দযাসারো মৃষার্থদঃ ।
নারাযণাস্ত্রনির্মাতামধুকৈটভমর্দনঃ ॥ 41 ॥
বেদকর্তা বেদভর্তা বেদহর্তা বিদাংবরঃ ।
পুংখানুপুংখহেষাঢ্যঃ পূর্ণষাড্গুণ্যবিগ্রহঃ ॥ 42 ॥
লালামৃতকণব্যাজবাংতনির্দোষবর্ণকঃ ।
উল্লোলস্বানধীরোদ্যদুচ্চৈর্হলহলধ্বনিঃ ॥ 43 ॥
কর্ণাদারভ্য কল্ক্যাত্মা কবিঃ ক্ষীরার্ণবোপমঃ ।
শংখ চক্রগদী খড্গী শারংগী নির্ভযমুদ্রকঃ ॥ 44 ॥
চিন্মুদ্রাচিহ্নিতো হস্ততলবিন্যস্তপুস্তকঃ ।
বিদ্যানাম্নীং শ্রিযং শিষ্যাং বেদযন্নিজবৈভবম্ ॥ 45 ॥
অষ্টার্ণ্যম্যোঽষ্টভুজোব্যষ্টিসৃষ্টিকরঃ পিতা ।
অষ্টৈশ্বর্যপ্রদোহৃষ্যদষ্টমূর্তিপিতৃস্তুতঃ ॥ 46 ॥
অনীতবেদপুরুষো বিধিবেদোপদেশকৃত্ ।
বেদবেদাংগবেদাংতপুরাণস্মৃতিমূর্তিমান্ ॥ 47 ॥
সর্বকর্মসমারাধ্যস্সর্ববেদমযো বিভুঃ ।
সর্বার্থতত্ত্বব্যাখ্যাতা চতুষ্ষষ্টিকলাধিপঃ ॥ 48 ॥
শুভযুক্সুমুখশ্শুদ্ধস্সুরূপস্সুগতস্সুধীঃ ।
সুব্রতিস্সংহৃতিশ্শূরস্সুতপাঃ সুষ্টুতিস্সুহৃত্ ॥ 49 ॥
সুংদরস্সুভগস্সৌম্যস্সুখদস্সুহৃদাং প্রিযঃ ।
সুচরিত্রস্সুখতরশ্শুদ্ধসত্বপ্রদাযকঃ ॥ 50 ॥
রজস্তমোহরো বীরোবিশ্বরক্ষাধুরংধরঃ ।
নরনারাযণাকৃত্যা গুরুশিষ্যত্বমাস্থিতঃ ॥ 51 ॥
পরাবরাত্মা প্রবলঃ পাবনঃ পাপনাশনঃ ।
দযাঘনঃ ক্ষমাসারো বাত্সল্যৈকবিভূষণঃ ॥ 52 ॥
আদিকূর্মো জগদ্ভর্তা মহাপোত্রী মহীধরঃ ।
স্তদ্ভিত্স্বামী হরির্যক্ষো হিরণ্যরিপুরৈচ্ছিকঃ ॥ 53 ॥
প্রহ্লাদপালকস্সর্বভযহর্তা প্রিযংবদঃ ।
শ্রীমুখালোকনস্রংসত্ক্রৌংচকঃ কুহকাংচনঃ ॥ 54 ॥
ছত্রী কমংডলুধরো বামনো বদতাং বরঃ ।
পিশুনাত্মা শনোদৃষ্টিলোপনো বলিমর্দনঃ ॥ 55 ॥
উরুক্তমো বলিশিরোন্যস্তাংঘ্রির্বলিমর্দনঃ ।
জামদগ্ন্যঃ পরশুভৃত্কৃত্তক্ষত্ত্রকুলোত্তমঃ ॥ 56 ॥
রামোঽভিরামশ্শাংতাত্মা হরকোদংডখংডনঃ ।
শরণাগতসংত্রাতা সর্বাযোধ্যকমুক্তিদঃ ॥ 57 ॥
সংকর্ষণোমদোদগ্রো বলবান্মুসলাযুধঃ ।
কৃষ্ণাক্লেশহরঃ কৃষ্ণো মহাব্যসনশাংতিদঃ ॥ 58 ॥
অংগারিতোত্তরাগর্ভপ্রাণদঃ পার্থসারথিঃ ।
গীতাচার্যো ধরাভারহারী ষট্পুরমর্দনঃ ॥ 59 ॥
কল্কী বিষ্ণুযশস্সূনুঃ কলিকালুষ্যনাশনঃ ।
সাধুদুষ্কৃত্পরিত্রাণবিনাশবিহিতোদযঃ ॥ 60 ॥
বৈকুংঠে পরমে তিষ্ঠন্ সুকুমারযুবাকৃতিঃ ।
বিশ্বোদযস্থিতিধ্বংসসংকল্পেন স্বযং প্রভুঃ ॥ 61 ॥
মদনানাং চ মদনো মণিকোটীরমানিতঃ ।
মংদারমালিকাপীডো মণিকুংডলমংডিতঃ ॥ 62 ॥
সুস্নিগ্ধনীলকুটিলকুংতলঃ কোমলাকৃতিঃ ।
সুললাটস্স্তুতিলকস্সুভ্রূকস্সুকপোলকঃ ॥ 63 ॥
সিদ্ধাসদসদালোকসুধাস্যংদীরদচ্ছদঃ ।
তারকাকোরকাকারবিনির্মিতরদচ্ছদঃ ॥ 64 ॥
সুধাবর্তিপরিস্ফূর্তিশোভমানরদচ্ছদঃ ।
বিষ্টব্ধোবিপুলগ্রীবোনিভৃতোচ্চৈশ্শ্রবস্থিতিঃ ॥ 65 ॥
সমাবৃত্তাবদাতোরুমুক্তাপ্রালংবভূষণঃ ।
রত্নাংগদী বজ্রনিষ্কী নীলরত্নাংককংকণঃ ॥ 66 ॥
হরিন্মণিগণাবদ্ধশৃংখলাকংকণোর্মিকঃ ।
সিতোপবীতসংশ্লিষ্যত্পদ্মাক্ষমণিমালিকঃ ॥ 67 ॥
শ্রীচূর্ণবদ্দ্বাদশোর্ধ্বপুংড্ররেখাপরিষ্কৃতঃ ।
পট্টতংতুগ্রথনবত্পবিত্রনরশোভিতঃ ॥ 68 ॥
পীনবক্ষামহাস্কংধো বিপুলোরুকটীতটঃ ।
কৌস্তুভী বনমালী চ কাংত্যাচংদ্রাযুতোপমঃ ॥ 69 ॥
মংদারমালিকামোদী মংজুবাগমলচ্ছবিঃ ।
দিব্যগংধো দিব্যরসো দিব্যতেজা দিবস্পতিঃ ॥ 70 ॥
বাচালো বাক্পতির্বক্তা ব্যাখ্যাতা বাদিনাং প্রিযঃ ।
ভক্তহৃন্মধুরো বাদিজিহ্বাভদ্রাননস্থিতিঃ ॥ 71 ॥
স্মৃতিসন্নিহিতস্স্নিগ্ধস্সিদ্ধিদসিদ্ধিসন্নুতঃ ।
মূলকংদোমুকুংদোগ্লৌস্স্বযংভূশংভুরৈংদবঃ ॥ 72 ॥
ইষ্টো মনুর্যমঃ কালকাল্যঃ কংবুকলানিধিঃ ।
কল্যঃ কামযিতা ভীমঃ কাতর্যহরণঃ কৃতিঃ ॥ 73 ॥
সংপ্রিযঃ পক্কণস্তর্কচর্চানির্ধারণাদযঃ ।
ব্যতিরেকো বিবেকশ্চ প্রবেকঃ প্রক্রমঃ ক্রমঃ ॥ 74 ॥
প্রমাণ প্রতিভূঃ প্রাজ্ঞঃ প্রজ্ঞাপত্থ্যাচধারণঃ ।
বিধির্বিধাতা ব্যবধিরুদ্ভবঃ প্রভবস্থিতিঃ ॥ 75 ॥
বিষযস্সংশযঃ পূর্বঃ পক্ষঃ কক্ষ্যোপপাদকঃ ।
রাদ্ধাংতো বিহিতো ন্যাযফলনিষ্পত্তিরুদ্ভবঃ ॥ 76 ॥
নানারূপাণি তংত্রাণি ব্যবহার্যো ব্যবস্থিতিঃ ।
সর্বসাধারণো দেবস্সাধ্বসাধুহিতে রতঃ ॥ 77 ॥
সংধা সনাতনো ধর্মো ধর্মৈরর্চ্যা মহাত্মভিঃ ।
ছংদোমযস্ত্রিধামাত্মা স্বচ্ছংদশ্ছাংদসেডিতঃ ॥ 78 ॥
যজ্ঞো যজ্ঞাত্মকো যষ্টা যজ্ঞাংগোঽপঘনোহবিঃ ।
সমিদাজ্যং পুরোডাশশ্শালা স্থালী স্রুবস্স্রুচা ॥ 79 ॥
প্রাগ্বংশো দেবযজনঃ পরিধিশ্চ পরিস্তরঃ ।
বেদির্বিহরণং ত্রেতা পশুঃ পাশশ্চ সংস্কৃতিঃ ॥ 80 ॥
বিধির্মংত্রোঽর্থবাদশ্চ দ্রব্যমংগং চ দৈবতম্ ।
স্তোত্রং শস্ত্রং সাম গীতিরুদ্গীথস্সর্বসাধনম্ ॥ 81 ॥
যাজ্যা পুরোনুকাব্যা চ সামিধেনী সমূহনম্ ।
প্রযোক্তারঃ প্রযোগশ্চ প্রপংচঃ প্রাশুভা শ্রমঃ ॥ 82 ॥
শ্রদ্ধা প্রধ্বংসনা তুষ্টিঃ পুষ্টিঃ পুণ্যং প্রতির্ভবঃ ।
সদস্সদস্যসংপাতঃ প্রশ্নঃ প্রতিবচস্থিতিঃ ॥ 83 ॥
প্রাযশ্চিত্তং পরিষ্কারো ধৃতির্নির্বহণং ফলম্ ।
নিযোগো ভাবনা ভাব্যং হিরণ্যং দক্ষিণা নুতিঃ ॥ 84 ॥
আশীরভ্যুপপত্তিশ্চ তৃপ্তিস্স্বং শর্ম কেবলম ।
পুণ্যক্ষযঃ পুনঃ পাতভযং শিক্ষাশুগর্দনঃ ॥ 85 ॥
কার্পণ্যং যাতনাং চিংতা নির্বেদশ্চ বিহস্ততা ।
দেহভৃত্কর্মসংপাতঃ কিংচিত্কর্মানুকূলকঃ ॥ 86 ॥
অহেতুকতযা প্রেম সাম্মুখ্যং চাপ্যনুগ্রহঃ ।
শুচিশ্শ্রীমত্কুলজনো নেতা সত্ত্বাভিমানবান্ ॥ 87 ॥
অংতরাযহরঃ পিত্রোরদুষ্টাহারদাযকঃ ।
শুদ্ধাহারানুরূপাংগপরিণামবিধাযকঃ ॥ 88 ॥
স্রাবপাতাদিবিপদাং পরিহর্তা পরাযণঃ ।
শিরঃপাণ্যাদিসংধাতা ক্ষেমকৃত্প্রাণদঃ প্রভু ॥ 89 ॥
অনির্ঘৃণশ্চাবিষমশ্শক্তিত্রিতযদাযকঃ ।
স্বেচ্ছাপ্রসংগসংপত্তিব্যাজহর্ষবিশেষবান্ ॥ 90 ॥
সংবিত্সংধাযকস্সর্বজন্মক্লেশস্মৃতিপ্রদঃ ।
বিবকেশোকবৈরাগ্যভবভীতিবিধাযকঃ ॥ 91 ॥
গর্ভস্যাপ্যনুকূলাদিনাসাংতাধ্যবসাযদঃ ।
শুভবৈজননোপেতসদনেহোজনিপ্রদঃ ॥ 92 ॥
উত্তমাযুঃপ্রদো ব্রহ্মনিষ্ঠানুগ্রহকারকঃ ।
স্বদাসজননিস্তীর্ণতদ্বংশজপরংপরঃ ॥ 93 ॥
শ্রীবৈষ্ণবোত্পাদকৃতস্বস্তিকাবনিমংডলঃ ।
অধর্বণোক্তৈকশতমৃত্যুদূরক্রিযাপরঃ ॥ 94 ॥
দযাদ্যষ্টগুণাধাতা তত্তত্সংস্কৃতিসাধকঃ ।
মেধাবিধাতা শ্রদ্ধাকৃত্ সৌস্থ্যদো জামিতাহরঃ ॥ 95 ॥
বিঘ্ননুদ্বিজযী ধাতা দেশকালানুকূল্যকৃত্ ।
বিনেতা সত্পথানেতা দোষহৃচ্ছুভদস্সখা ॥ 96 ॥
হ্রীদো ভীদো রুচিকরো বিশ্বো বিশ্বহিতে রতঃ ।
প্রমাদহৃত্প্রাপ্তকারী প্রদ্যুম্নো বলবত্তরঃ ॥ 97 ॥
সাংগবেদসমাযোক্তা সর্বশাস্ত্রার্থবিত্তিদঃ ।
ব্রহ্মচর্যাংতরাযঘ্নঃ প্রিযকৃদ্ধিতকৃত্পরঃ ॥ 98 ॥
চিত্তশুদ্ধিপ্রদশ্ছিন্নাক্ষচাপল্যঃ ক্ষমাবহঃ ।
ইংদ্রিযার্থারতিচ্ছেত্তা বিদ্যৈকব্যসনাবহঃ ॥ 99 ॥
আত্মানুকূল্যরুচিকৃদখিলার্তিবিনাশকঃ ।
তিতীর্ষুহৃত্ত্বরাবেদী গুরুসদ্ভক্তিতেজসঃ ॥ 100 ॥
গুরুসংবংধঘটকো গুরুবিশ্বাসবর্ধনঃ ।
গুরূপাসনসংধাতা গুরুপ্রেমপ্রবর্ধনঃ ॥ 101 ॥
আচার্যাভিমতৈর্যোক্তা পংচসংস্কৃতিভাবনঃ ।
গুরূক্তবৃত্তিনৈশ্চল্যসংধাতাঽবহিতস্থিতিঃ ॥ 102 ॥
আপন্নাখিলরক্ষার্থমাচার্যকমুপাশ্রিতঃ ।
শাস্ত্রপাণিপ্রদানেন ভবমগ্নান্সমুদ্ধরন্ ॥ 103 ॥
পাংচকালিকধর্মেষু নৈশ্চল্যং প্রতিপাদযন্ ।
স্বদাসারাধনাদ্যর্থশুদ্ধদ্রব্যপ্রদাযকঃ ॥ 104 ॥
ন্যাসবিদ্যাবিনির্বোঢা ন্যস্তাত্মভররক্ষকঃ ।
স্বকৈংকর্যৈকরুচিদস্স্বদাস্যপ্রেমবর্ধনঃ ॥ 105 ॥
আচার্যার্থাখিলদ্রব্যসংভৃত্যর্পণরোচকঃ ।
আচার্যস্য স্বসচ্ছিষ্যোজ্জীবনৈকরুচিপ্রদঃ ॥ 106 ॥
আগত্যযোজযনাসহিতৈককৃতিজাগরঃ ।
ব্রহ্মবিদ্যাসমাস্বাদসুহিতঃ কৃতিসংস্কৃতিঃ ॥ 107 ॥
সত্কারে বিষধীদাতা তরুণ্যাং শববুদ্ধিদঃ ।
সভাংপ্রত্যাযযন্ব্যালীং সর্বত্র সমবুদ্ধিদঃ ॥ 108 ॥
সংভাবিতাশেষদোষহৃত্পুনর্ন্যাসরোচকঃ ।
মহাবিশ্বাসসংধাতা স্থৈর্যদাতা মদাপহঃ ॥ 109 ॥
নাদব্যাখ্যাস্বসিদ্ধাংতরক্ষাহেতুস্বমংত্রদঃ ।
স্বমংত্রজপসংসিদ্ধিজংঘালকবিতোদযঃ ॥ 110 ॥
অদুষ্টগুণবত্কাব্যবংধব্যামুগ্ধচেতনঃ ।
ব্যংগ্যপ্রধানরসবদ্গদ্যপদ্যাদিনির্মিতিঃ ॥ 111 ॥
স্বভক্তস্তুতিসংতুষ্টো ভূযোভক্তিপ্রদাযকঃ ।
সাত্বিকত্যাগসংপন্নসত্কর্মকৃদতিপ্রিযঃ ॥ 112 ॥
নিরংতরানুস্মরণনিজদাসৈবাদাস্যকৃত্ ।
নিষ্কামবত্সলো নৈচ্যভাবনেষু বিনির্বিশন্ ॥ 113 ॥
সর্বভূতভবদ্ভাবং সংপশ্যত্সুসদাস্থিতঃ ।
করণত্রযসারূপ্যকল্যাণপতিসাদরঃ ॥ 114 ॥
কদা কদেতি কৈংকর্যকামিনাং শেষিতাংভজন ।
পরব্যূহাদিনির্দোষশুভাশ্রযপরিগ্রহঃ ॥ 115 ॥
চংদ্রমংডলমধ্যস্য শ্বেতাংভোরুহবিষ্টরঃ ।
জ্যোত্স্নাযমানাংগরুচিনির্ধূতাংতর্বহিস্তমাঃ ॥ 116 ॥
ভাব্যো ভাবযিতা ভদ্রং পারিজাতবনালযঃ ।
ক্ষীরাব্ধিমধ্যমদ্বীপপালকঃ প্রপিতামহঃ ॥ 117 ॥
নিরংতরনমোবাকশুদ্ধযাজিহদাশ্রযঃ ।
মুক্তিদশ্বেতমৃদ্রূপশ্বেতদ্বীপবিভাবনঃ ॥ 118 ॥
গরুডাহারিতশ্বেতমৃত্পূতযদুভূধরঃ ।
ভদ্রাশ্ববর্ষনিলযো ভযহারী শুভাশ্রযঃ ॥ 119 ॥
ভদ্রশ্রীবত্সহারাঢ্যঃ পংচরাত্রপ্রবর্তকঃ ।
ভক্তাত্মভাবভবনো হার্দোঽংগুষ্ঠপ্রমাণবান্ ॥ 120 ॥
স্বদাসসত্কৃতাকৃত্যে তন্মিত্রারিষু যোজযন্ ।
প্রাণানুত্ক্রামযন্নূরীকৃতপ্রারব্ধলোপনঃ ॥ 121 ॥
লধ্ব্যৈব শিক্ষযাপাপমশেষমপি নির্ণুদন্ ।
ত্রিস্থূণক্ষোভতো ভূতসূক্ষ্ম্যৈস্সূক্ষ্মবপুস্সৃজন্ ॥ 122 ॥
নিরংকুশকৃপাপূরো নিত্যকল্যাণকারকঃ ।
মূর্ধন্যনাড্যা স্বাংদাসান্ব্রহ্মরংধ্রাদুদংচযন্ ॥ 123 ॥
উপাসনপরান্সর্বান্ প্রারব্ধমনুভাবযন্ ।
সর্বপ্রারব্ধদেহাংতেঽপ্যংতিমস্মরণং দিশন্ ॥ 124 ॥
প্রপেযুষাং ভেজুষাং চ যমদৃষ্টিমভাবযন্ ।
দিব্যদেহপ্রদস্সূর্যং দ্বারযন্মোক্ষমেযুষাম্ ॥ 125 ॥
আতিবাহিকসত্কারানধ্বন্যাপাদ্য মানযন্ ।
সার্বান্ক্রতুভুজশ্শশ্বত্প্রাভৃতানি প্রদাপযন্ ॥ 126 ॥
দুরংতমাযাকাংতারং দ্রুতং যোগেন্ লংঘযন্ ।
স্ফাযত্সুদর্শবিবিধবীথ্যংতেনাধ্বনা নযন্ ॥ 127 ॥
সীমাংতসিংধুবিরজাং যোগেনোত্তারযন্বশী ।
অমানবস্য দেবস্য করং শিরসি ধারযন্ ॥ 128 ॥
অনাদিবাসনাং ধূন্বন্ বৈকুংঠাপ্ত্যা সলোকযন্ ।
অহেযমংগলোদারতনুদানাত্সরূপযন ॥ 129 ॥
সূরিজুষ্টং সুখৈকাংতং পরমং পদমাপযন্ ।
অরারণ্যামৃতাংভোধী দর্শযন্ শ্রমনাশনঃ ॥ 130 ॥
দিব্যোদ্যানসরোবাপীসরিন্মণিনগান্নযন ।
ঐরম্মদামৃতসরোগমযন্সূপবৃংহণঃ ॥ 131 ॥
অশ্বত্থং সোমসবনং প্রাপযন্বিষ্টরশ্রবাঃ ।
দিব্যাপ্সরস্সমানীতব্রহ্মালংকারদাযকঃ ॥ 132 ॥
দিব্যবাসোঽংজনক্ষৌমমাল্যৈস্স্বান্বহুমানযন্ ।
স্বীযামযোধ্যাং নগরীং সাদরং সংপ্রবেশযন্ ॥ 133 ॥
দাসাংদিব্যরসালোকগংধাংসলশরীরযন্ ।
স্বদাসান্সূরিবর্গেণ সস্নেহং বহুমানযন্ ॥ 134 ॥
সূরিসেবোদিতানংদনৈচ্যান্স্বানতিশাযযন্ ।
বাচযন্স্বাং নমোবীপ্সাং কুর্বন্প্রহ্বান্কৃতাংজলীন্ ॥ 135 ॥
প্রাকারগোপুরারামপ্রাসাদেভ্যঃ প্রণামযন্ ।
ইংদ্রপ্রজাপতিদ্বারপালসম্মানমাপযন্ ॥ 136 ॥
মালিকাংচন্মহারাজবীথীমধ্যং নিবাসযন্ ।
শ্রীবৈকুংঠপুরংধ্রীভির্নানাসত্কারকারকঃ ॥ 137 ॥
দিব্যং বিমানং গমযন্ ব্রহ্মকাংত্যাভিপূরযন্ ।
মহানংদাত্মকশ্রীমন্মণিমংডপমাপযন্ ॥ 138 ॥
হৃষ্যত্কুমুদচংডাদ্যৈর্বিষ্বক্সেনাংতিকং নযন্ ।
সেনেশচোদিতাস্থাননাযকো হেতিনাযকঃ ॥ 139 ॥
প্রাপযংদিব্যমাস্থানং বৈনতেযং প্রণামযন্ ।
শ্রীমত্সুংদরসূরীংদ্রদিব্যপংক্তিং প্রণামযন্ ॥ 140 ॥
ভাস্বরাসনপর্যংকপ্রাপণেন কৃতার্থযন্ ।
পর্যংকবিদ্যাসংসিদ্ধসর্ববৈভবসংগতঃ ॥ 141 ॥
স্বাত্মানমেব শ্রীকাংতং সাদরং ভূরি দর্শযন্ ।
শেষতৈকরতিং শেষং শয্যাত্মানং প্রণামযন্ ॥ 142 ॥
অনংতাক্ষিদ্বিসাহস্রসাদরালোকপাত্রযন্ ।
অকুমারযুবাকারং শ্রীকাংতং সংপ্রণামযন্ ॥ 143 ॥
অতটানংদতো হেতো রংচযন্কিলিকিংচিতম্ ।
দাসানত্যুত্থিতমুহুঃকৃতিসৃষ্টিপ্রসন্নহৃত্ ॥ 144 ॥
শ্রীযাং প্রাপস্বযং তাতং জীবং পুত্রং প্রহর্ষযন্ ।
মজ্জযন্ স্বমুখাংভোধৌ স্বকাং কীর্তিরুচিং দিশন্ ॥ 145 ॥
দযার্দ্রগংগাবলনাকৃতহ্লাদৈঃ কৃতার্থযন্ ।
পর্যংকারোহণপ্রহ্বং সমং লক্ষ্ম্যোপপাদযন্ ॥ 146 ॥
কস্ত্বমিত্যনুযুংজানো দাসোঽস্মীত্যুক্তিবিস্মিতঃ ।
অপৃথক্ত্বপ্রকারোঽস্মি বাচাস্বাশ্রিতবদ্ভবন্ ॥ 147 ॥
বিদুষাং তত্ক্রতুনযাদ্ধযাস্যবপুষাভবন্ ।
বাসুদেবাত্মনা ভূযো ভবন্বৈকুংঠনাযকঃ ॥ 148 ॥
যথা তথৈব স্বং রূপং জগন্মোহনমূর্তিমান্ ।
দ্বিমূর্তী বহুমূর্তীশ্চ আত্মনশ্চ প্রকাশযন্ ॥ 149 ॥
যুগপত্সকলং সাক্ষাত্স্বতঃ কর্তুং সমর্থযন্ ।
কবীনামাদিশন্নিত্যং মুক্তানামাদিমঃ কবিঃ ॥ 150 ॥
ষডর্ণমনুনিষ্ঠানাং শ্বেতদ্বীপস্থিতিং দিশন্ ।
দ্বাদশাক্ষরনিষ্ঠানাং লোকং সাংতানিকং দিশন্ ॥ 151 ॥
অষ্টাক্ষরৈকনিষ্ঠানাং কার্যং বৈকুংঠমর্পযন্ ।
শরণাগতিনিষ্ঠানাং সাক্ষাদ্বৈকুংঠমর্পযন্ ॥ 152 ॥
স্বমংত্ররাজনিষ্ঠানাং স্বস্মার্দাতেশযং দিশন্ ।
শ্রিযা গাঢোপগূঢাত্মা ভূতধাত্রীরুচিং দিশন্ ॥ 153 ॥
নীলাবিভূতিব্যামুগ্ধো মহাশ্বেতাশ্বমস্তকঃ ।
ত্র্যক্ষস্ত্রিপুরসংহারী রুদ্রস্স্কংদো বিনাযকঃ ॥ 154 ॥
অজো বিরিংচো দ্রুহিণো ব্যাপ্তমূর্তিরমূর্তিকঃ ।
অসংগোঽনন্যধীসংগবিহংগোবৈরিভংগদঃ ॥ 155 ॥
স্বামী স্বং স্বেন সংতুপ্যন্ শক্রস্সর্বাধিকস্যদঃ ।
স্বযংজ্যোতিস্স্বযংবৈদ্যশ্শূরশ্শূরকুলোদ্ভবঃ ॥ 156 ॥
বাসবো বসুরণ্যোগ্নির্বাসুদেবস্সুহৃদ্বসুঃ ।
ভূতো ভাবী ভবন্ভব্যো বিষ্ণুস্থানস্সনাতনঃ ॥ 157 ॥
নিত্যানুভাবো নেদীযাংদবীযাংদুর্বিভাবনঃ ।
সনত্কুমারস্সংধাতা সুগংধিস্সুখদর্শনঃ ॥ 158 ॥
তীর্থং তিতিক্ষুস্তীর্থাংঘ্রিস্তীর্থস্বাদুশুভশ্শুচিঃ ।
তীর্থবদ্দীধিতিস্তিগ্মতেজাস্তীব্রমনামযঃ ॥ 159 ॥
ঈশাদ্যুপনিষদ্বেদ্যঃ পংচোপনিষদাত্মকঃ ।
ঈডংতঃস্থোঽপি দূরস্থঃ কল্যাণতমরূপবান্ ॥ 160 ॥
প্রাণানাং প্রাণনঃ পূর্ণজ্ঞানৈরপি সুদুর্গ্রহঃ ।
নাচিকেতোপাসনার্চ্যস্ত্রিমাত্রপ্রণবোদিতঃ ॥ 161 ॥
ভূতযোনিশ্চ সর্বজ্ঞোঽক্ষরোঽক্ষরপরাত্পরঃ ।
অকারাদিপদজ্ঞেযব্যূহতারার্থপূরুষঃ ॥ 162 ॥
মনোমযামৃতো নংদমযো দহররূপদৃত্ ।
ন্যাসবিদ্যাবেদ্যরূপঃ আদিত্যাংতর্হিরণ্মযঃ ॥ 163 ॥
ইদংদ্র আত্মোদ্গীথাদি প্রতীকো পাসনান্বযী ।
মধুবিদ্যোপাসনীযো গাযত্রীধ্যানগোচরঃ ॥ 164 ॥
দিব্যকৌক্ষেযসজ্জ্যোতিঃ শাংডিল্যোপাস্তিবীক্ষিতঃ ।
সংবর্গবিদ্যাবেদ্যাত্মা তত্ ষোডশকলং পরম্ ॥ 165 ॥
উপকোসলবিদ্যেক্ষ্যঃ পংচাগ্ন্যাত্মশরীরকঃ ।
বৈশ্বানরঃ সদখেভূমা চ জগত্কর্মাঽদিপূরুষঃ ॥ 166 ॥
মূর্তামূর্তব্রহ্ম সর্বপ্রেষ্ঠোঽন্যপ্রিযতাকরঃ ।
সর্বাংতরশ্চাপরোক্ষশ্চাংতর্যাম্যমৃতোঽনঘঃ ॥ 167 ॥
অহর্নামাদিত্যরূপশ্চাহন্নামাক্ষিসংশ্রিতঃ ।
সতুর্যগাযত্র্যর্থশ্চ যথোপাস্ত্যাপ্যসদ্বপুঃ ॥ 168 ॥
চংদ্রাদিসাযুজ্যপূর্বমোক্ষদন্যাসগোচরঃ ।
ন্যাসনাশ্যানভ্যুপেতপ্রারব্ধাংশো মহাদযঃ ॥ 169 ॥
অবতাররহস্যাদিজ্ঞানিপ্রারব্ধনাশনঃ ।
স্বেন স্বার্থং পরেণাপি কৃতে ন্যাসে ফলপ্রদঃ ॥ 170 ॥
অসাহসোঽনপাযশ্রীস্সহাযস্স শ্রিযৈ বসন্ ।
শ্রীমান্নারাযণো বাসুদেবোঽব্যাদ্বিষ্ণুরুত্তমঃ ॥ 171 ॥

॥ ওম্ ॥
ইতীদং পরমং গুহ্যং সর্বপাপপ্রণাশনম্ ।
বাগীশনামসাহস্রং বত্স তেঽভিহিতং মযা ॥ 1 ॥
য ইদং শৃণুযাদ্ভক্ত্যা শ্রাবযেদ্বা স্বযং পঠত্ ।
নাসৌ প্রাপ্নোতি দুরিতমিহামুত্র চ কিংচন ॥ 2 ॥
তদিদং প্রজপন্ স্বামী বিদ্যাধীশো হযাননঃ ।
ক্ষত্রিযশ্চেন্মহারুদ্রো বিক্রমাক্রাংতসর্বভূঃ ॥ 3 ॥
মহোদারো মহাকীর্তির্মহিতো বিজযী ভবেত্ ।
ঊরুজশ্চেদুরুযশোধনধান্যসমৃদ্ধিমান্ ॥ 4 ॥
অশেষভোগসংভূতো ধনাধিপসমো ভবেত্ ।
শৃণুযাদেব বৃষলস্স্বযং বিপ্রাত্সুপূজিতাত্ ॥ 5 ॥
মহিমানমবাপ্নোতি মহিতৈশ্বর্যভাজনম্ ।
শ্রীমতো হযশীর্ষস্য নাম্নাং সাহস্রমুত্তমম্ ॥ 6 ॥
শৃণ্বন্পঠন্নপি নরস্সর্বান্কামানবাপ্নুযাত্ ।
ধর্মার্থকামসংতানভাগ্যারোগ্যোত্তমাযুষাম্ ॥ 7 ॥
প্রাপণে পরমো হেতুঃ স্তবরাজোঽযমদ্ভুতঃ ।
হযগ্রীবে পরা ভক্তিমুদ্বহন্ য ইমং পঠেত্ ॥ 8 ॥
ত্রিসংধ্যং নিযতশ্শুদ্ধস্সোঽপবর্গায কল্পতে ।
ত্রিঃ পঠন্নামসাহস্রং প্রত্যহং বাগধীশিতুঃ ॥ 9 ॥
মহতীং কীর্তিমাপ্নোতি নিস্সীমাং প্রেযসীং প্রিযাম্ ।
বীর্যং বলং পতিত্বং চ মেধাশ্রদ্ধাবলোন্নতীঃ ॥ 10 ॥
সারস্বতসমৃদ্ধিং চ ভব্যান্ভোগ্যান্নতান্সুতান্ ।
অভিরূপাং বধূং সাধ্বীং সুহৃদশ্চ হিতৈষিণঃ ॥ 11 ॥
ব্রহ্মবিদ্যাপ্রবচনৈঃ কালক্ষেপং চ সংততম্ ।
হযগ্রীবপদাংভোজ সলিলস্যানুকূলতঃ ॥ 12 ॥
লভেত নির্মলং শাংতো হংসোপাসনতত্পরঃ ।
শ্রীমত্পরমহংসস্য চিত্তোল্লাসনসদ্বিধৌ ॥ 13 ॥
ইদং তু নাম্নাং সাহস্রমিষ্টসাধনমুত্তমম্ ।
পাপী পাপাদ্বিমুক্তস্স্যাদ্রোগী রোগাদ্বিমুচ্যতে ॥ 14 ॥
বদ্ধো বংধাদ্বিমুচ্যেত ভীতে ভীতির্বিমুচ্যতে ।
মুক্তো দরিদ্রো দারিদ্র্যাদ্ভবেত্পূর্ণমনোরথঃ ॥ 15 ॥
আপন্ন আপদা মুক্তো ভবত্যেব ন সংশযঃ ।
হংসার্চনপরো নিত্যং হংসার্চনপরাযণঃ ॥ 16 ॥
নির্ধূতকল্মষো নিত্যং ব্রহ্মসাযুজ্যমাপ্নুযাত্ ।
যে ভক্ত্যা পরমে হংসে শ্রিযা মিথুনিতাংগিতে ॥ 17 ॥
জন্মব্যাধিজরানাশভযভাজো ন তে জনাঃ ।
আচার্যাত্তদিদং স্তোত্রমধিগত্য পঠেন্নরঃ ॥ 18 ॥
তস্যেদং কল্পতে সিদ্ধ্যৈ নান্যথা বত্স কাশ্যপ ।
আচার্যং লক্ষণৈর্যুক্তমন্যং বাঽত্মবিদুত্তমম্ ॥ 19 ॥
বৃত্বাচার্যং সদা ভক্ত্যা সিদ্ধ্যৈ তদিদমশ্নুযাত্ ।
স যাতি পরমাং বিদ্যাং শকুনিব্রহ্মহর্ষণীম্ ॥ 20 ॥
হযাস্যনামসাহস্রস্তুতিরংহোবিনাশিনী ।
পরমো হংস এবাদৌ প্রণবং ব্রহ্মণে দিশত্ ॥ 21 ॥
উপাদিশত্ততো বেদান্ শ্রীমান হযশিরো হরিঃ ।
তেনাসৌ স্তবরাজো হি হংসাখ্যহযগোচরঃ ॥ 22 ॥
বিদ্যাসাম্রাজ্যসংপত্তিমোক্ষৈকফলসাধনম্ ।
সর্ববিত্স্বাত্মভাবেন পরমং পদমাপ্নুযাত্ ॥ 23 ॥
ন তত্র সংশযঃ কশ্চিন্নিপুণং পরিপশ্যতি ।
তথাপি স্বাত্মনি প্রেমসিংধুসংধুক্ষণক্ষমঃ. ॥ 24 ॥
ইতীদং নামসাহস্রং সংগৃহীতং তথোত্তরম্ ।
এবং সংগৃহ্য দেবেন হযগ্রীবেণ পালনম্ ॥ 25 ॥
স্তোত্ররত্নমিদং দত্তং মহ্যং তত্ কথিতং তব ।
হংসনামসহস্রস্য বৈভবং পরমাদ্ভুতম্ ॥ 26 ॥
বক্তুং যথাবত্কশ্শক্তো বর্ষকোটিশতৈরপি ।
হযাস্যঃ পরমো হংসো হরির্নারাযণোঽব্যযঃ ॥ 27 ॥
কারণং শরণং মৃত্যুরমৃতং চাখিলাত্মনাম্ ।
সত্যং সত্যং পুনস্সত্যং ধ্যেযো নারাযণো হরিঃ ॥ 28 ॥
সমানমধিকং বেদান্ন দৈবং কেশবাত্পরম্ ।
তত্ত্বং বিজ্ঞাতুকামানাং প্রমাণৈস্সর্বতোমুখৈঃ ॥ 29 ॥
তত্ত্বং স পরমো হংস এক এব জনার্দনঃ ।
ইদং রহস্যং পরমং মহাপাতকনাশনম্ ॥ 30 ॥
ন চাশুশ্রূষবে বাচ্যং নাভক্তায কদাচন ।
নাপ্যন্যদেবতাযাপি ন বাচ্যং নাস্তিকায চ ॥ 31 ॥
অধীত্যৈতদ্গুরুমুখাদন্বহং যঃ পঠেন্নরঃ ।
তদ্বংশ্যা অপি সর্বে স্যুস্সংপত্সারস্বতোন্নতাঃ ॥ 32 ॥
ইতি হযবদনাননারবিংদান্মধুলহরীব নিরর্গলা গলংতী ।
জগতি দশশতীতদীযনাম্নাং জযতি জডানপি গীর্ষু যোজযংতী ॥ 33 ॥

॥ ইতি শ্রীহযগ্রীবসহস্রনামস্তোত্রং সংপূর্ণম্ ॥