শ্রী ছিন্নমস্তা অষ্টোত্তর শত নামা স্তোত্রং

শ্রী পার্বত্যুবাচ
নাম্নাং সহস্রং পরমং ছিন্নমস্তাপ্রিযং শুভম্ ।
কথিতং ভবতা শংভোস্সদ্যশ্শত্রুনিকৃংতনম্ ॥ 1 ॥

পুনঃ পৃচ্ছাম্যহং দেব কৃপাং কুরু মমোপরি ।
সহস্রনামপাঠে চ অশক্তো যঃ পুমান্ ভবেত্ ॥ 2 ॥

তেন কিং পঠ্যতে নাথ তন্মে ব্রূহি কৃপাময ।

শ্রী সদাশিব উবাচ
অষ্টোত্তরশতং নাম্নাং পঠ্যতে তেন সর্বদা ॥ 3 ॥

সহস্রনামপাঠস্য ফলং প্রাপ্নোতি নিশ্চিতম্ ।

ওং অস্য শ্রীছিন্নমস্তাদেব্যষ্টোত্তর শতনাম স্তোত্রমহামংত্রস্য সদাশিব
ঋষিঃ অনুষ্টুপ্ ছংদঃ শ্রীছিন্নমস্তা দেবতা মম সকলসিদ্ধি প্রাপ্তযে জপে বিনিযোগঃ ॥

ওং ছিন্নমস্তা মহাবিদ্যা মহাভীমা মহোদরী ।
চংডেশ্বরী চংডমাতা চংডমুংডপ্রভংজিনী ॥ 4 ॥

মহাচংডা চংডরূপা চংডিকা চংডখংডিনী ।
ক্রোধিনী ক্রোধজননী ক্রোধরূপা কুহূঃ কলা ॥ 5 ॥

কোপাতুরা কোপযুতা কোপসংহারকারিণী ।
বজ্রবৈরোচনী বজ্রা বজ্রকল্পা চ ডাকিনী ॥ 6 ॥

ডাকিনীকর্মনিরতা ডাকিনীকর্মপূজিতা ।
ডাকিনীসংগনিরতা ডাকিনীপ্রেমপূরিতা ॥ 7 ॥

খট্বাংগধারিণী খর্বা খড্গখর্পরধারিণী ।
প্রেতাসনা প্রেতযুতা প্রেতসংগবিহারিণী ॥ 8 ॥

ছিন্নমুংডধরা ছিন্নচংডবিদ্যা চ চিত্রিণী ।
ঘোররূপা ঘোরদৃষ্টিঃ ঘোররাবা ঘনোদরী ॥ 9 ॥

যোগিনী যোগনিরতা জপযজ্ঞপরাযণা ।
যোনিচক্রমযী যোনির্যোনিচক্রপ্রবর্তিনী ॥ 10 ॥

যোনিমুদ্রা যোনিগম্যা যোনিযংত্রনিবাসিনী ।
যংত্ররূপা যংত্রমযী যংত্রেশী যংত্রপূজিতা ॥ 11 ॥

কীর্ত্যা কপর্দিনী কালী কংকালী কলকারিণী ।
আরক্তা রক্তনযনা রক্তপানপরাযণা ॥ 12 ॥

ভবানী ভূতিদা ভূতির্ভূতিধাত্রী চ ভৈরবী ।
ভৈরবাচারনিরতা ভূতভৈরবসেবিতা ॥ 13 ॥

ভীমা ভীমেশ্বরী দেবী ভীমনাদপরাযণা ।
ভবারাধ্যা ভবনুতা ভবসাগরতারিণী ॥ 14 ॥

ভদ্রকালী ভদ্রতনুর্ভদ্ররূপা চ ভদ্রিকা ।
ভদ্ররূপা মহাভদ্রা সুভদ্রা ভদ্রপালিনী ॥ 15 ॥

সুভব্যা ভব্যবদনা সুমুখী সিদ্ধসেবিতা ।
সিদ্ধিদা সিদ্ধিনিবহা সিদ্ধা সিদ্ধনিষেবিতা ॥ 16 ॥

শুভদা শুভগা শুদ্ধা শুদ্ধসত্ত্বা শুভাবহা ।
শ্রেষ্ঠা দৃষ্টিমযী দেবী দৃষ্টিসংহারকারিণী ॥ 17 ॥

শর্বাণী সর্বগা সর্বা সর্বমংগলকারিণী ।
শিবা শাংতা শাংতিরূপা মৃডানী মদানতুরা ॥ 18 ॥

ইতি তে কথিতং দেবী স্তোত্রং পরমদুর্লভম্ ।
গুহ্যাদ্গুহ্যতরং গোপ্যং গোপনিযং প্রযত্নতঃ ॥ 19 ॥

কিমত্র বহুনোক্তেন ত্বদগ্রে প্রাণবল্লভে ।
মারণং মোহনং দেবি হ্যুচ্চাটনমতঃ পরম্ ॥ 20 ॥

স্তংভনাদিককর্মাণি ঋদ্ধযস্সিদ্ধযোঽপি চ ।
ত্রিকালপঠনাদস্য সর্বে সিদ্ধ্যংত্যসংশযঃ ॥ 21 ॥

মহোত্তমং স্তোত্রমিদং বরাননে
মযেরিতং নিত্যমনন্যবুদ্ধযঃ ।
পঠংতি যে ভক্তিযুতা নরোত্তমা
ভবেন্ন তেষাং রিপুভিঃ পরাজযঃ ॥ 22 ॥

ইতি শ্রীছিন্নমস্তাদেব্যষ্টোত্তরশতনাম স্তোত্রম্ ॥