শ্রী পুরুষোত্তম সহস্র নাম স্তোত্রম্

বিনিযোগঃ
পুরাণপুরুষো বিষ্ণুঃ পুরুষোত্তম উচ্যতে ।
নাম্নাং সহস্রং বক্ষ্যামি তস্য ভাগবতোদ্ধৃতম্ ॥ 1॥

যস্য প্রসাদাদ্বাগীশাঃ প্রজেশা বিভবোন্নতাঃ ।
ক্ষুদ্রা অপি ভবংত্যাশু শ্রীকৃষ্ণং তং নতোঽস্ম্যহম্ ॥ 2॥

অনংতা এব কৃষ্ণস্য লীলা নামপ্রবর্তিকাঃ ।
উক্তা ভাগবতে গূহাঃ প্রকটা অপি কুত্রচিত্ ॥ 3॥

অতস্তানি প্রবক্ষ্যামি নামানি মুরবৈরিণঃ ।
সহস্রং যৈস্তু পঠিতৈঃ পঠিতং স্যাচ্ছুকামৃতম্ ॥ 4॥

কৃষ্ণনামসহস্রস্য ঋষিরগ্নির্নিরূপিতঃ ।
গাযত্রী চ তথা ছংদো দেবতা পুরুষোত্তমঃ ॥ 5॥

বিনিযোগঃ সমস্তেষু পুরুষার্থেষু বৈ মতঃ ।
বীজং ভক্তপ্রিযঃ শক্তিঃ সত্যবাগুচ্যতে হরিঃ ॥ 6॥

ভক্তোদ্ধরণযত্নস্তু মংত্রোঽত্র পরমো মতঃ ।
অবতারিতভক্তাংশঃ কীলকং পরিকীর্তিতম্ ॥ 7॥

অস্ত্রং সর্বসমর্থশ্চ গোবিংদঃ কবচং মতম্ ।
পুরুষো ধ্যানমত্রোক্তঃ সিদ্ধিঃ শরণসংস্মৃতিঃ ॥ 8॥

অধিকারলীলা
শ্রীকৃষ্ণঃ সচ্চিদানংদো নিত্যলীলাবিনোদকৃত্ ।
সর্বাগমবিনোদী চ লক্ষ্মীশঃ পুরুষোত্তমঃ ॥ 9॥

আদিকালঃ সর্বকালঃ কালাত্মা মাযযাবৃতঃ ।
ভক্তোদ্ধারপ্রযত্নাত্মা জগত্কর্তা জগন্মযঃ ॥ 10॥

নামলীলাপরো বিষ্ণুর্ব্যাসাত্মা শুকমোক্ষদঃ ।
ব্যাপিবৈকুংঠদাতা চ শ্রীমদ্ভাগবতাগমঃ ॥ 11॥

শুকবাগমৃতাব্ধীংদুঃ শৌনকাদ্যখিলেষ্টদঃ ।
ভক্তিপ্রবর্তকস্ত্রাতা ব্যাসচিংতাবিনাশকঃ ॥ 12॥

সর্বসিদ্ধাংতবাগাত্মা নারদাদ্যখিলেষ্টদঃ ।
অংতরাত্মা ধ্যানগম্যো ভক্তিরত্নপ্রদাযকঃ ॥ 13॥

মুক্তোপসৃপ্যঃ পূর্ণাত্মা মুক্তানাং রতিবর্ধনঃ ।
ভক্তকার্যৈকনিরতো দ্রৌণ্যস্ত্রবিনিবারকঃ ॥ 14॥

ভক্তস্মযপ্রণেতা চ ভক্তবাক্পরিপালকঃ ।
ব্রহ্মণ্যদেবো ধর্মাত্মা ভক্তানাং চ পরীক্ষকঃ ॥ 15॥

আসন্নহিতকর্তা চ মাযাহিতকরঃ প্রভুঃ ।
উত্তরাপ্রাণদাতা চ ব্রহ্মাস্ত্রবিনিবারকঃ ॥ 16॥

সর্বতঃ পাণবপতিঃ পরীক্ষিচ্ছুদ্ধিকারণম্ ।
গূহাত্মা সর্ববেদেষু ভক্তৈকহৃদযংগমঃ ॥ 17॥

কুংতীস্তুত্যঃ প্রসন্নাত্মা পরমাদ্ভুতকার্যকৃত্ ।
ভীষ্মমুক্তিপ্রদঃ স্বামী ভক্তমোহনিবারকঃ ॥ 18॥

সর্বাবস্থাসু সংসেব্যঃ সমঃ সুখহিতপ্রদঃ ।
কৃতকৃত্যঃ সর্বসাক্ষী ভক্তস্ত্রীরতিবর্ধনঃ ॥ 19॥

সর্বসৌভাগ্যনিলযঃ পরমাশ্চর্যরূপধৃক্ ।
অনন্যপুরুষস্বামী দ্বারকাভাগ্যভাজনম্ ॥ 20॥

বীজসংস্কারকর্তা চ পরীক্ষিজ্জানপোষকঃ ।
সর্বত্রপূর্ণগুণকঃ সর্বভূষণভূষিতঃ ॥ 21॥

সর্বলক্ষণদাতা চ ধৃতরাষ্ট্রবিমুক্তিদঃ ।
সন্মার্গরক্ষকো নিত্যং বিদুরপ্রীতিপূরকঃ ॥ 22॥

লীলাব্যামোহকর্তা চ কালধর্মপ্রবর্তকঃ ।
পাণবানাং মোক্ষদাতা পরীক্ষিদ্ভাগ্যবর্ধনঃ ॥ 23॥

কলিনিগ্রহকর্তা চ ধর্মাদীনাং চ পোষকঃ ।
সত্সংগজানহেতুশ্চ শ্রীভাগবতকারণম্ ॥ 24॥

প্রাকৃতাদৃষ্টমার্গশ্চ॥॥॥॥॥॥ চোংতিনুএদ্

জ্ঞান-সাধন-লীলা
॥॥॥॥॥॥॥॥॥॥॥॥ শ্রোতব্যঃ সকলাগমৈঃ ।
কীর্তিতব্যঃ শুদ্ধভাবৈঃ স্মর্তব্যশ্চাত্মবিত্তমৈঃ ॥ 25॥

অনেকমার্গকর্তা চ নানাবিধগতিপ্রদঃ ।
পুরুষঃ সকলাধারঃ সত্ত্বৈকনিলযাত্মভূঃ ॥ 26॥

সর্বধ্যেযো যোগগম্যো ভক্ত্যা গ্রাহ্যঃ সুরপ্রিযঃ ।
জন্মাদিসার্থককৃতির্লীলাকর্তা পতিঃ সতাম্ ॥ 27॥

আদিকর্তা তত্ত্বকর্তা সর্বকর্তা বিশারদঃ ।
নানাবতারকর্তা চ ব্রহ্মাবির্ভাবকারণম্ ॥ 28॥

দশলীলাবিনোদী চ নানাসৃষ্টিপ্রবর্তকঃ ।
অনেককল্পকর্তা চ সর্বদোষবিবর্জিতঃ ॥ 29॥

সর্গলীলা
বৈরাগ্যহেতুস্তীর্থাত্মা সর্বতীর্থফলপ্রদঃ ।
তীর্থশুদ্ধৈকনিলযঃ স্বমার্গপরিপোষকঃ ॥ 30॥

তীর্থকীর্তির্ভক্তগম্যো ভক্তানুশযকার্যকৃত্ ।
ভক্ততুল্যঃ সর্বতুল্যঃ স্বেচ্ছাসর্বপ্রবর্তকঃ ॥ 31॥

গুণাতীতোঽনবদ্যাত্মা সর্গলীলাপ্রবর্তকঃ ।
সাক্ষাত্সর্বজগত্কর্তা মহদাদিপ্রবর্তকঃ ॥ 32॥

মাযাপ্রবর্তকঃ সাক্ষী মাযারতিবিবর্ধনঃ ।
আকাশাত্মা চতুর্মূর্তিশ্চতুর্ধা ভূতভাবনঃ ॥ 33॥

রজঃপ্রবর্তকো ব্রহ্মা মরীচ্যাদিপিতামহঃ ।
বেদকর্তা যজ্ঞকর্তা সর্বকর্তাঽমিতাত্মকঃ ॥ 34॥

অনেকসৃষ্টিকর্তা চ দশধাসৃষ্টিকারকঃ ।
যজ্ঞাংগো যজ্ঞবারাহো ভূধরো ভূমিপালকঃ ॥ 35॥

সেতুর্বিধরণো জৈত্রো হিরণ্যাক্ষাংতকঃ সুরঃ ।
দিতিকশ্যপকামৈকহেতুসৃষ্টিপ্রবর্তকঃ ॥ 36॥

দেবাভযপ্রদাতা চ বৈকুংঠাধিপতির্মহান্ ।
সর্বগর্বপ্রহারী চ সনকাদ্যখিলার্থদঃ ॥ 37॥

সর্বাশ্বাসনকর্তা চ ভক্ততুল্যাহবপ্রদঃ ।
কাললক্ষণহেতুশ্চ সর্বার্থজ্ঞাপকঃ পরঃ ॥ 38॥

ভক্তোন্নতিকরঃ সর্বপ্রকারসুখদাযকঃ ।
নানাযুদ্ধপ্রহরণো ব্রহ্মশাপবিমোচকঃ ॥ 39॥

পুষ্টিসর্গপ্রণেতা চ গুণসৃষ্টিপ্রবর্তকঃ ।
কর্দমেষ্টপ্রদাতা চ দেবহূত্যখিলার্থদঃ ॥ 40॥

শুক্লনারাযণঃ সত্যকালধর্মপ্রবর্তকঃ ।
জ্ঞানাবতারঃ শাংতাত্মা কপিলঃ কালনাশকঃ ॥ 41॥

ত্রিগুণাধিপতিঃ সাংখ্যশাস্ত্রকর্তা বিশারদঃ ।
সর্গদূষণহারী চ পুষ্টিমোক্ষপ্রবর্তকঃ ॥ 42॥

লৌকিকানংদদাতা চ ব্রহ্মানংদপ্রবর্তকঃ ।
ভক্তিসিদ্ধাংতবক্তা চ সগুণজ্ঞানদীপকঃ ॥ 43॥

আত্মপ্রদঃ পূর্ণকামো যোগাত্মা যোগভাবিতঃ ।
জীবন্মুক্তিপ্রদঃ শ্রীমানন্যভক্তিপ্রবর্তকঃ ॥ 44॥

কালসামর্থ্যদাতা চ কালদোষনিবারকঃ ।
গর্ভোত্তমজ্ঞানদাতা কর্মমার্গনিযামকঃ ॥ 45॥

সর্বমার্গনিরাকর্তা ভক্তিমার্গৈকপোষকঃ ।
সিদ্ধিহেতুঃ সর্বহেতুঃ সর্বাশ্চর্যৈককারণম্ ॥ 46॥

চেতনাচেতনপতিঃ সমুদ্রপরিপূজিতঃ ।
সাংখ্যাচার্যস্তুতঃ সিদ্ধপূজিতঃ সর্বপূজিতঃ ॥ 47॥

বিসর্গলীলা
বিসর্গকর্তা সর্বেশঃ কোটিসূর্যসমপ্রভঃ ।
অনংতগুণগংভীরো মহাপুরুষপূজিতঃ ॥ 48॥

অনংতসুখদাতা চ ব্রহ্মকোটিপ্রজাপতিঃ ।
সুধাকোটিস্বাস্থ্যহেতুঃ কামধুক্কোটিকামদঃ ॥ 49॥

সমুদ্রকোটিগংভীরস্তীর্থকোটিসমাহ্বযঃ ।
সুমেরুকোটিনিষ্কংপঃ কোটিব্রহ্মাংডবিগ্রহঃ ॥ 50॥

কোট্যশ্বমেধপাপঘ্নো বাযুকোটিমহাবলঃ ।
কোটীংদুজগদানংদী শিবকোটিপ্রসাদকৃত্ ॥ 51॥

সর্বসদ্গুণমাহাত্ম্যঃ সর্বসদ্গুণভাজনম্ ।
মন্বাদিপ্রেরকো ধর্মো যজ্ঞনারাযণঃ পরঃ ॥ 52॥

আকূতিসূনুর্দেবেংদ্রো রুচিজন্মাঽভযপ্রদঃ ।
দক্ষিণাপতিরোজস্বী ক্রিযাশক্তিঃ পরাযণঃ ॥ 53॥

দত্তাত্রেযো যোগপতির্যোগমার্গপ্রবর্তকঃ ।
অনসূযাগর্ভরত্নমৃষিবংশবিবর্ধনঃ ॥ 54॥

গুণত্রযবিভাগজ্ঞশ্চতুর্বর্গবিশারদঃ ।
নারাযণো ধর্মসূনুর্মূর্তিপুণ্যযশস্করঃ ॥ 55॥

সহস্রকবচচ্ছেদী তপঃসারো নরপ্রিযঃ ।
বিশ্বানংদপ্রদঃ কর্মসাক্ষী ভারতপূজিতঃ ॥ 56॥

অনংতাদ্ভুতমাহাত্ম্যো বদরীস্থানভূষণম্ ।
জিতকামো জিতক্রোধো জিতসংগো জিতেংদ্রিযঃ ॥ 57॥

উর্বশীপ্রভবঃ স্বর্গসুখদাযী স্থিতিপ্রদঃ ।
অমানী মানদো গোপ্তা ভগবচ্ছাস্ত্রবোধকঃ ॥ 58॥

ব্রহ্মাদিবংদ্যো হংসশ্রীর্মাযাবৈভবকারণম্ ।
বিবিধানংতসর্গাত্মা বিশ্বপূরণতত্পরঃ ॥ 59॥

যজ্ঞজীবনহেতুশ্চ যজ্ঞস্বামীষ্টবোধকঃ ।
নানাসিদ্ধাংতগম্যশ্চ সপ্ততংতুশ্চ ষড্গুণঃ ॥ 60॥

প্রতিসর্গজগত্কর্তা নানালীলাবিশারদঃ ।
ধ্রুবপ্রিযো ধ্রুবস্বামী চিংতিতাধিকদাযকঃ ॥ 61॥

দুর্লভানংতফলদো দযানিধিরমিত্রহা ।
অংগস্বামী কৃপাসারো বৈন্যো ভূমিনিযামকঃ ॥ 62॥

ভূমিদোগ্ধা প্রজাপ্রাণপালনৈকপরাযণঃ ।
যশোদাতা জ্ঞানদাতা সর্বধর্মপ্রদর্শকঃ ॥ 63॥

পুরংজনো জগন্মিত্রং বিসর্গাংতপ্রদর্শকঃ ।
প্রচেতসাং পতিশ্চিত্রভক্তিহেতুর্জনার্দনঃ ॥ 64॥

স্মৃতিহেতুব্রহ্মভাবসাযুজ্যাদিপ্রদঃ শুভঃ ।
বিজযী ॥॥॥॥॥॥॥॥॥॥ চোংতিনুএদ্

স্থানলীলা
॥॥ স্থিতিলীলাব্ধিরচ্যুতো বিজযপ্রদঃ ॥ 65॥

স্বসামর্থ্যপ্রদো ভক্তকীর্তিহেতুরধোক্ষজঃ ।
প্রিযব্রতপ্রিযস্বামী স্বেচ্ছাবাদবিশারদঃ ॥ 66॥

সংগ্যগম্যঃ স্বপ্রকাশঃ সর্বসংগবিবর্জিতঃ ।
ইচ্ছাযাং চ সমর্যাদস্ত্যাগমাত্রোপলংভনঃ ॥ 67॥

অচিংত্যকার্যকর্তা চ তর্কাগোচরকার্যকৃত্ ।
শ‍ঋংগাররসমর্যাদা আগ্নীধ্ররসভাজনম্ ॥ 68॥

নাভীষ্টপূরকঃ কর্মমর্যাদাদর্শনোত্সুকঃ ।
সর্বরূপোঽদ্ভুততমো মর্যাদাপুরুষোত্তমঃ ॥ 69॥

সর্বরূপেষু সত্যাত্মা কালসাক্ষী শশিপ্রভঃ ।
মেরুদেবীব্রতফলমৃষভো ভগলক্ষণঃ ॥ 70॥

জগত্সংতর্পকো মেঘরূপী দেবেংদ্রদর্পহা ।
জযংতীপতিরত্যংতপ্রমাণাশেষলৌকিকঃ ॥ 71॥

শতধান্যস্তভূতাত্মা শতানংদো গুণপ্রসূঃ ।
বৈষ্ণবোত্পাদনপরঃ সর্বধর্মোপদেশকঃ ॥ 72॥

পরহংসক্রিযাগোপ্তা যোগচর্যাপ্রদর্শকঃ ।
চতুর্থাশ্রমনির্ণেতা সদানংদশরীরবান্ ॥ 73॥

প্রদর্শিতান্যধর্মশ্চ ভরতস্বাম্যপারকৃত্ ।
যথাবত্কর্মকর্তা চ সংগানিষ্টপ্রদর্শকঃ ॥ 74॥

আবশ্যকপুনর্জন্মকর্মমার্গপ্রদর্শকঃ ।
যজ্ঞরূপমৃগঃ শাংতঃ সহিষ্ণুঃ সত্পরাক্রমঃ ॥ 75॥

রহূগণগতিজ্ঞশ্চ রহূগণবিমোচকঃ ।
ভবাটবীতত্ত্ববক্তা বহির্মুখহিতে রতঃ ॥ 76॥

গযস্বামী স্থানবংশকর্তা স্থানবিভেদকৃত্ ।
পুরুষাবযবো ভূমিবিশেষবিনিরূপকঃ ॥ 77॥

জংবূদ্বীপপতির্মেরুনাভিপদ্মরুহাশ্রযঃ ।
নানাবিভূতিলীলাঢ্যো গংগোত্পত্তিনিদানকৃত্ ॥ 78॥

গংগামাহাত্ম্যহেতুশ্চ গংগারূপোঽতিগূঢকৃত্ ।
বৈকুংঠদেহহেত্বংবুজন্মকৃত্ সর্বপাবনঃ ॥ 79॥

শিবস্বামী শিবোপাস্যো গূঢঃ সংকর্ষণাত্মকঃ ।
স্থানরক্ষার্থমত্স্যাদিরূপঃ সর্বৈকপূজিতঃ ॥ 80॥

উপাস্যনানারূপাত্মা জ্যোতীরূপো গতিপ্রদঃ ।
সূর্যনারাযণো বেদকাংতিরুজ্জ্বলবেষধৃক্ ॥ 81॥

হংসোঽংতরিক্ষগমনঃ সর্বপ্রসবকারণম্ ।
আনংদকর্তা বসুদো বুধো বাক্পতিরুজ্জ্বলঃ ॥ 82॥

কালাত্মা কালকালশ্চ কালচ্ছেদকৃদুত্তমঃ ।
শিশুমারঃ সর্বমূর্তিরাধিদৈবিকরূপধৃক্ ॥ 83॥

অনংতসুখভোগাঢ্যো বিবরৈশ্বর্যভাজনম্ ।
সংকর্ষণো দৈত্যপতিঃ সর্বাধারো বৃহদ্বপুঃ ॥ 84॥

অনংতনরকচ্ছেদী স্মৃতিমাত্রার্তিনাশনঃ ।
সর্বানুগ্রহকর্তা চ ॥॥॥॥॥॥॥॥॥॥ চোংতিনুএদ্

পোষণ-পুষ্টি-লীলা
॥॥॥॥॥॥॥॥ মর্যাদাভিন্নশাস্ত্রকৃত্ ॥ 85 ॥

কালাংতকভযচ্ছেদী নামসামর্থ্যরূপধৃক্ ।
উদ্ধারানর্হগোপ্ত্রাত্মা নামাদিপ্রেরকোত্তমঃ ॥ 86॥

অজামিলমহাদুষ্টমোচকোঽঘবিমোচকঃ ।
ধর্মবক্তাঽক্লিষ্টবক্তা বিষ্ণুধর্মস্বরূপধৃক্ ॥ 87॥

সন্মার্গপ্রেরকো ধর্তা ত্যাগহেতুরধোক্ষজঃ ।
বৈকুংঠপুরনেতা চ দাসসংবৃদ্ধিকারকঃ ॥ 88॥

দক্ষপ্রসাদকৃদ্ধংসগুহ্যস্তুতিবিভাবনঃ ।
স্বাভিপ্রাযপ্রবক্তা চ মুক্তজীবপ্রসূতিকৃত্ ॥ 89॥

নারদপ্রেরণাত্মা চ হর্যশ্বব্রহ্মভাবনঃ ।
শবলাশ্বহিতো গূঢবাক্যার্থজ্ঞাপনক্ষমঃ ॥ 90॥

গূঢার্থজ্ঞাপনঃ সর্বমোক্ষানংদপ্রতিষ্ঠিতঃ ।
পুষ্টিপ্ররোহহেতুশ্চ দাসৈকজ্ঞাতহৃদ্গতঃ ॥ 91॥

শাংতিকর্তা সুহিতকৃত্ স্ত্রীপ্রসূঃ সর্বকামধুক্ ।
পুষ্টিবংশপ্রণেতা চ বিশ্বরূপেষ্টদেবতা ॥ 92॥

কবচাত্মা পালনাত্মা বর্মোপচিতিকারণম্ ।
বিশ্বরূপশিরশ্ছেদী ত্বাষ্ট্রযজ্ঞবিনাশকঃ ॥ 93॥

বৃত্রস্বামী বৃত্রগম্যো বৃত্রব্রতপরাযণঃ ।
বৃত্রকীর্তির্বৃত্রমোক্ষো মঘবত্প্রাণরক্ষকঃ ॥ 94॥

অশ্বমেধহবির্ভোক্তা দেবেংদ্রামীবনাশকঃ ।
সংসারমোচকশ্চিত্রকেতুবোধনতত্পরঃ ॥ 95॥

মংত্রসিদ্ধিঃ সিদ্ধিহেতুঃ সুসিদ্ধিফলদাযকঃ ।
মহাদেবতিরস্কর্তা ভক্ত্যৈ পূর্বার্থনাশকঃ ॥ 96॥

দেবব্রাহ্মণবিদ্বেষবৈমুখ্যজ্ঞাপকঃ শিবঃ ।
আদিত্যো দৈত্যরাজশ্চ মহত্পতিরচিংত্যকৃত্ ॥ 97॥

মরুতাং ভেদকস্ত্রাতা ব্রতাত্মা পুংপ্রসূতিকৃত্ ।

ঊতিলীলা
কর্মাত্মা বাসনাত্মা চ ঊতিলীলাপরাযণঃ ॥ 98॥

সমদৈত্যসুরঃ স্বাত্মা বৈষম্যজ্ঞানসংশ্রযঃ ।
দেহাদ্যুপাধিরহিতঃ সর্বজ্ঞঃ সর্বহেতুবিদ্ ॥ 99॥

ব্রহ্মবাক্স্থাপনপরঃ স্বজন্মাবধিকার্যকৃত্ ।
সদসদ্বাসনাহেতুস্ত্রিসত্যো ভক্তমোচকঃ ॥ 100॥

হিরণ্যকশিপুদ্বেষী প্রবিষ্টাত্মাঽতিভীষণঃ ।
শাংতিজ্ঞানাদিহেতুশ্চ প্রহ্লাদোত্পত্তিকারণম্ ॥ 101॥

দৈত্যসিদ্ধাংতসদ্বক্তা তপঃসার উদারধীঃ ।
দৈত্যহেতুপ্রকটনো ভক্তিচিহ্নপ্রকাশকঃ ॥ 102॥

সদ্দ্বেষহেতুঃ সদ্দ্বেষবাসনাত্মা নিরংতরঃ ।
নৈষ্ঠুর্যসীমা প্রহ্লাদবত্সলঃ সংগদোষহা ॥ 103॥

মহানুভাবঃ সাকারঃ সর্বাকারঃ প্রমাণভূঃ ।
স্তংভপ্রসূতির্নৃহরির্নৃসিংহো ভীমবিক্রমঃ ॥ 104॥

বিকটাস্যো ললজ্জিহ্বো নখশস্ত্রো জবোত্কটঃ ।
হিরণ্যকশিপুচ্ছেদী ক্রূরদৈত্যনিবারকঃ ॥ 105॥

সিংহাসনস্থঃ ক্রোধাত্মা লক্ষ্মীভযবিবর্ধনঃ ।
ব্রহ্মাদ্যত্যংতভযভূরপূর্বাচিংত্যরূপধৃক্ ॥ 106॥

ভক্তৈকশাংতহৃদযো ভক্তস্তুত্যঃ স্তুতিপ্রিযঃ ।
ভক্তাংগলেহনোদ্ধূতক্রোধপুঙ্জঃ প্রশাংতধীঃ ॥ 107॥

স্মৃতিমাত্রভযত্রাতা ব্রহ্মবুদ্ধিপ্রদাযকঃ ।
গোরূপধার্যমৃতপাঃ শিবকীর্তিবিবর্ধনঃ ॥ 108॥

ধর্মাত্মা সর্বকর্মাত্মা বিশেষাত্মাঽঽশ্রমপ্রভুঃ ।
সংসারমগ্নস্বোদ্ধর্তা সন্মার্গাখিলতত্ত্ববাক্ ॥ 109॥

আচারাত্মা সদাচারঃ ॥॥॥॥॥॥॥॥॥ চোংতিনুএদ্

মন্বংতরলীলা
॥॥॥॥॥॥॥॥॥॥মন্বংতরবিভাবনঃ ।
স্মৃত্যাঽশেষাশুভহরো গজেংদ্রস্মৃতিকারণম্ ॥ 110॥

জাতিস্মরণহেত্বৈকপূজাভক্তিস্বরূপদঃ ।
যজ্ঞো ভযান্মনুত্রাতা বিভুর্ব্রহ্মব্রতাশ্রযঃ ॥ 111॥

সত্যসেনো দুষ্টঘাতী হরির্গজবিমোচকঃ ।
বৈকুংঠো লোককর্তা চ অজিতোঽমৃতকারণম্ ॥ 112॥

উরুক্রমো ভূমিহর্তা সার্বভৌমো বলিপ্রিযঃ ।
বিভুঃ সর্বহিতৈকাত্মা বিষ্বক্সেনঃ শিবপ্রিযঃ ॥ 113॥

ধর্মসেতুর্লোকধৃতিঃ সুধামাংতরপালকঃ ।
উপহর্তা যোগপতির্বৃহদ্ভানুঃ ক্রিযাপতিঃ ॥ 114॥

চতুর্দশপ্রমাণাত্মা ধর্মো মন্বাদিবোধকঃ ।
লক্ষ্মীভোগৈকনিলযো দেবমংত্রপ্রদাযকঃ ॥ 115॥

দৈত্যব্যামোহকঃ সাক্ষাদ্গরুডস্কংধসংশ্রযঃ ।
লীলামংদরধারী চ দৈত্যবাসুকিপূজিতঃ ॥ 116॥

সমুদ্রোন্মথনাযত্তোঽবিঘ্নকর্তা স্ববাক্যকৃত্ ।
আদিকূর্মঃ পবিত্রাত্মা মংদরাঘর্ষণোত্সুকঃ ॥ 117॥

শ্বাসৈজদব্ধিবার্বীচিঃ কল্পাংতাবধিকার্যকৃত্ ।
চতুর্দশমহারত্নো লক্ষ্মীসৌভাগ্যবর্ধনঃ ॥ 118॥

ধন্বংতরিঃ সুধাহস্তো যজ্ঞভোক্তাঽঽর্তিনাশনঃ ।
আযুর্বেদপ্রণেতা চ দেবদৈত্যাখিলার্চিতঃ ॥ 119॥

বুদ্ধিব্যামোহকো দেবকার্যসাধনতত্পরঃ ।
স্ত্রীরূপো মাযযা বক্তা দৈত্যাংতঃকরণপ্রিযঃ ॥ 120॥

পাযিতামৃতদেবাংশো যুদ্ধহেতুস্মৃতিপ্রদঃ ।
সুমালিমালিবধকৃন্মাল্যবত্প্রাণহারকঃ ॥ 121॥

কালনেমিশিরশ্ছেদী দৈত্যযজ্ঞবিনাশকঃ ।
ইংদ্রসামর্থ্যদাতা চ দৈত্যশেষস্থিতিপ্রিযঃ ॥ 122॥

শিবব্যামোহকো মাযী ভৃগুমংত্রস্বশক্তিদঃ ।
বলিজীবনকর্তা চ স্বর্গহেতুর্ব্রতার্চিতঃ ॥ 123॥

অদিত্যানংদকর্তা চ কশ্যপাদিতিসংভবঃ ।
উপেংদ্র ইংদ্রাবরজো বামনব্রহ্মরূপধৃক্ ॥ 124॥

ব্রহ্মাদিসেবিতবপুর্যজ্ঞপাবনতত্পরঃ ।
যাচ্ঞোপদেশকর্তা চ জ্ঞাপিতাশেষসংস্থিতিঃ ॥ 125॥

সত্যার্থপ্রেরকঃ সর্বহর্তা গর্ববিনাশকঃ ।
ত্রিবিক্রমস্ত্রিলোকাত্মা বিশ্বমূর্তিঃ পৃথুশ্রবাঃ ॥ 126॥

পাশবদ্ধবলিঃ সর্বদৈত্যপক্ষোপমর্দকঃ ।
সুতলস্থাপিতবলিঃ স্বর্গাধিকসুখপ্রদঃ ॥ 127॥

কর্মসংপূর্তিকর্তা চ স্বর্গসংস্থাপিতামরঃ ।
জ্ঞাতত্রিবিধধর্মাত্মা মহামীনোঽব্ধিসংশ্রযঃ ॥ 128॥

সত্যব্রতপ্রিযো গোপ্তা মত্স্যমূর্তিধৃতশ্রুতিঃ ।
শ‍ঋংগবদ্ধধৃতক্ষোণিঃ সর্বার্থজ্ঞাপকো গুরুঃ ॥ 129॥

ঈশানুকথালীলা
ঈশসেবকলীলাত্মা সূর্যবংশপ্রবর্তকঃ ।
সোমবংশোদ্ভবকরো মনুপুত্রগতিপ্রদঃ ॥ 130॥

অংবরীষপ্রিযঃ সাধুর্দুর্বাসোগর্বনাশকঃ ।
ব্রহ্মশাপোপসংহর্তা ভক্তকীর্তিবিবর্ধনঃ ॥ 131॥

ইক্ষ্বাকুবংশজনকঃ সগরাদ্যখিলার্থদঃ ।
ভগীরথমহাযত্নো গংগাধৌতাংঘ্রিপংকজঃ ॥ 132॥

ব্রহ্মস্বামী শিবস্বামী সগরাত্মজমুক্তিদঃ ।
খট্বাংগমোক্ষহেতুশ্চ রঘুবংশবিবর্ধনঃ ॥ 133॥

রঘুনাথো রামচংদ্রো রামভদ্রো রঘুপ্রিযঃ ।
অনংতকীর্তিঃ পুণ্যাত্মা পুণ্যশ্লোকৈকভাস্করঃ ॥ 134॥

কোশলেংদ্রঃ প্রমাণাত্মা সেব্যো দশরথাত্মজঃ ।
লক্ষ্মণো ভরতশ্চৈব শত্রুঘ্নো ব্যূহবিগ্রহঃ ॥ 135॥

বিশ্বামিত্রপ্রিযো দাংতস্তাডকাবধমোক্ষদঃ ।
বাযব্যাস্ত্রাব্ধিনিক্ষিপ্তমারীচশ্চ সুবাহুহা ॥ 136॥

বৃষধ্বজধনুর্ভংগপ্রাপ্তসীতামহোত্সবঃ ।
সীতাপতির্ভৃগুপতিগর্বপর্বতনাশকঃ ॥ 137॥

অযোধ্যাস্থমহাভোগযুক্তলক্ষ্মীবিনোদবান্ ।
কৈকেযীবাক্যকর্তা চ পিতৃবাক্পরিপালকঃ ॥ 138॥

বৈরাগ্যবোধকোঽনন্যসাত্ত্বিকস্থানবোধকঃ ।
অহল্যাদুঃখহারী চ গুহস্বামী সলক্ষ্মণঃ ॥ 139॥

চিত্রকূটপ্রিযস্থানো দংডকারণ্যপাবনঃ ।
শরভংগসুতীক্ষ্ণাদিপূজিতোঽগস্ত্যভাগ্যভূঃ ॥ 140॥

ঋষিসংপ্রার্থিতকৃতির্বিরাধবধপংডিতঃ ।
ছিন্নশূর্পণখানাসঃ খরদূষণঘাতকঃ ॥ 141॥

একবাণহতানেকসহস্রবলরাক্ষসঃ ।
মারীচঘাতী নিযতসীতাসংবংধশোভিতঃ ॥ 142॥

সীতাবিযোগনাট্যশ্চ জটাযুর্বধমোক্ষদঃ ।
শবরীপূজিতো ভক্তহনুমত্প্রমুখাবৃতঃ ॥ 143॥

দুংদুভ্যস্থিপ্রহরণঃ সপ্ততালবিভেদনঃ ।
সুগ্রীবরাজ্যদো বালিঘাতী সাগরশোষণঃ ॥ 144॥

সেতুবংধনকর্তা চ বিভীষণহিতপ্রদঃ ।
রাবণাদিশিরশ্ছেদী রাক্ষসাঘৌঘনাশকঃ ॥ 145॥

সীতাঽভযপ্রদাতা চ পুষ্পকাগমনোত্সুকঃ ।
অযোধ্যাপতিরত্যংতসর্বলোকসুখপ্রদঃ ॥ 146॥

মথুরাপুরনির্মাতা সুকৃতজ্ঞস্বরূপদঃ ।
জনকজ্ঞানগম্যশ্চ ঐলাংতপ্রকটশ্রুতিঃ ॥ 147॥

হৈহযাংতকরো রামো দুষ্টক্ষত্রবিনাশকঃ ।
সোমবংশহিতৈকাত্মা যদুবংশবিবর্ধনঃ ॥ 148॥

নিরোধলীলা
পরব্রহ্মাবতরণঃ কেশবঃ ক্লেশনাশনঃ ।
ভূমিভারাবতরণো ভক্তার্থাখিলমানসঃ ॥ 149॥

সর্বভক্তনিরোধাত্মা লীলানংতনিরোধকৃত্ ।
ভূমিষ্ঠপরমানংদো দেবকীশুদ্ধিকারণম্ ॥ 150॥

বসুদেবজ্ঞাননিষ্ঠসমজীবনিবারকঃ ।
সর্ববৈরাগ্যকরণস্বলীলাধারশোধকঃ ॥ 151॥

মাযাজ্ঞাপনকর্তা চ শেষসংভারসংভৃতিঃ ।
ভক্তক্লেশপরিজ্ঞাতা তন্নিবারণতত্পরঃ ॥ 152॥

আবিষ্টবসুদেবাংশো দেবকীগর্ভভূষণম্ ।
পূর্ণতেজোমযঃ পূর্ণঃ কংসাধৃষ্যপ্রতাপবান্ ॥ 153॥

বিবেকজ্ঞানদাতা চ ব্রহ্মাদ্যখিলসংস্তুতঃ ।
সত্যো জগত্কল্পতরুর্নানারূপবিমোহনঃ ॥ 154॥

ভক্তিমার্গপ্রতিষ্ঠাতা বিদ্বন্মোহপ্রবর্তকঃ ।
মূলকালগুণদ্রষ্টা নযনানংদভাজনম্ ॥ 155॥

বসুদেবসুখাব্ধিশ্চ দেবকীনযনামৃতম্ ।
পিতৃমাতৃস্তুতঃ পূর্বসর্ববৃত্তাংতবোধকঃ ॥ 156॥

গোকুলাগতিলীলাপ্তবসুদেবকরস্থিতিঃ ।
সর্বেশত্বপ্রকটনো মাযাব্যত্যযকারকঃ ॥ 157॥

জ্ঞানমোহিতদুষ্টেশঃ প্রপংচাস্মৃতিকারণম্ ।
যশোদানংদনো নংদভাগ্যভূগোকুলোত্সবঃ ॥ 158॥

নংদপ্রিযো নংদসূনুর্যশোদাযাঃ স্তনংধযঃ ।
পূতনাসুপযঃপাতা মুগ্ধভাবাতিসুংদরঃ ॥ 159॥

সুংদরীহৃদযানংদো গোপীমংত্রাভিমংত্রিতঃ ।
গোপালাশ্চর্যরসকৃত্ শকটাসুরখংডনঃ ॥ 160॥

নংদব্রজজনানংদী নংদভাগ্যমহোদযঃ ।
তৃণাবর্তবধোত্সাহো যশোদাজ্ঞানবিগ্রহঃ ॥ 161॥

বলভদ্রপ্রিযঃ কৃষ্ণঃ সংকর্ষণসহাযবান্ ।
রামানুজো বাসুদেবো গোষ্ঠাংগণগতিপ্রিযঃ ॥ 162॥

কিংকিণীরবভাবজ্ঞো বত্সপুচ্ছাবলংবনঃ ।
নবনীতপ্রিযো গোপীমোহসংসারনাশকঃ ॥ 163॥

গোপবালকভাবজ্ঞশ্চৌর্যবিদ্যাবিশারদঃ ।
মৃত্স্নাভক্ষণলীলাস্যমাহাত্ম্যজ্ঞানদাযকঃ ॥ 164॥

ধরাদ্রোণপ্রীতিকর্তা দধিভাংডবিভেদনঃ ।
দামোদরো ভক্তবশ্যো যমলার্জুনভংজনঃ ॥ 165॥

বৃহদ্বনমহাশ্চর্যো বৃংদাবনগতিপ্রিযঃ ।
বত্সঘাতী বালকেলির্বকাসুরনিষূদনঃ ॥ 166॥

অরণ্যভোক্তাঽপ্যথবা বাললীলাপরাযণঃ ।
প্রোত্সাহজনকশ্চৈবমঘাসুরনিষূদনঃ ॥ 167॥

ব্যালমোক্ষপ্রদঃ পুষ্টো ব্রহ্মমোহপ্রবর্ধনঃ ।
অনংতমূর্তিঃ সর্বাত্মা জংগমস্থাবরাকৃতিঃ ॥ 168॥

ব্রহ্মমোহনকর্তা চ স্তুত্য আত্মা সদাপ্রিযঃ ।
পৌগংডলীলাভিরতির্গোচারণপরাযণঃ ॥ 169॥

বৃংদাবনলতাগুল্মবৃক্ষরূপনিরূপকঃ ।
নাদব্রহ্মপ্রকটনো বযঃপ্রতিকৃতিস্বনঃ ॥ 170॥

বর্হিনৃত্যানুকরণো গোপালানুকৃতিস্বনঃ ।
সদাচারপ্রতিষ্ঠাতা বলশ্রমনিরাকৃতিঃ ॥ 171॥

তরুমূলকৃতাশেষতল্পশাযী সখিস্তুতঃ ।
গোপালসেবিতপদঃ শ্রীলালিতপদাংবুজঃ ॥ 172॥

গোপসংপ্রার্থিতফলদাননাশিতধেনুকঃ ।
কালীযফণিমাণিক্যরংজিতশ্রীপদাংবুজঃ ॥ 173॥

দৃষ্টিসঙ্জীবিতাশেষগোপগোগোপিকাপ্রিযঃ ।
লীলাসংপীতদাবাগ্নিঃ প্রলংববধপংডিতঃ ॥ 174॥

দাবাগ্ন্যাবৃতগোপালদৃষ্ট্যাচ্ছাদনবহ্নিপঃ ।
বর্ষাশরদ্বিভূতিশ্রীর্গোপীকামপ্রবোধকঃ ॥ 175॥

গোপীরত্নস্তুতাশেষবেণুবাদ্যবিশারদঃ ।
কাত্যাযনীব্রতব্যাজসর্বভাবাশ্রিতাংগনঃ ॥ 176॥

সত্সংগতিস্তুতিব্যাজস্তুতবৃংদাবনাংঘ্রিপঃ ।
গোপক্ষুচ্ছাংতিসংব্যাজবিপ্রভার্যাপ্রসাদকৃত্ ॥ 177॥

হেতুপ্রাপ্তেংদ্রযাগস্বকার্যগোসববোধকঃ ।
শৈলরূপকৃতাশেষরসভোগসুখাবহঃ ॥ 178॥

লীলাগোবর্ধনোদ্ধারপালিতস্বব্রজপ্রিযঃ ।
গোপস্বচ্ছংদলীলার্থগর্গবাক্যার্থবোধকঃ ॥ 179॥

ইংদ্রধেনুস্তুতিপ্রাপ্তগোবিংদেংদ্রাভিধানবান্ ।
ব্রতাদিধর্মসংসক্তনংদক্লেশবিনাশকঃ ॥ 180॥

নংদাদিগোপমাত্রেষ্টবৈকুংঠগতিদাযকঃ ।
বেণুবাদস্মরক্ষোভমত্তগোপীবিমুক্তিদঃ ॥ 181॥

সর্বভাবপ্রাপ্তগোপীসুখসংবর্ধনক্ষমঃ ।
গোপীগর্বপ্রণাশার্থতিরোধানসুখপ্রদঃ ॥ 182॥

কৃষ্ণভাবব্যাপ্তবিশ্বগোপীভাবিতবেষধৃক্ ।
রাধাবিশেষসংভোগপ্রাপ্তদোষনিবারকঃ ॥ 183॥

পরমপ্রীতিসংগীতসর্বাদ্ভুতমহাগুণঃ ।
মানাপনোদনাক্রংদগোপীদৃষ্টিমহোত্সবঃ ॥ 184॥

গোপিকাব্যাপ্তসর্বাংগঃ স্ত্রীসংভাষাবিশারদঃ ।
রাসোত্সবমহাসৌখ্যগোপীসংভোগসাগরঃ ॥ 185॥

জলস্থলরতিব্যাপ্তগোপীদৃষ্ট্যভিপূজিতঃ ।
শাস্ত্রানপেক্ষকামৈকমুক্তিদ্বারবিবর্ধনঃ ॥ 186॥

সুদর্শনমহাসর্পগ্রস্তনংদবিমোচকঃ ।
গীতমোহিতগোপীধৃক্ষংখচূডবিনাশকঃ ॥ 187॥

গুণসংগীতসংতুষ্টির্গোপীসংসারবিস্মৃতিঃ ।
অরিষ্টমথনো দৈত্যবুদ্ধিব্যামোহকারকঃ ॥ 188॥

কেশিঘাতী নারদেষ্টো ব্যোমাসুরবিনাশকঃ ।
অক্রূরভক্তিসংরাদ্ধপাদরেণুমহানিধিঃ ॥ 189॥

রথাবরোহশুদ্ধাত্মা গোপীমানসহারকঃ ।
হ্রদসংদর্শিতাশেষবৈকুংঠাক্রূরসংস্তুতঃ ॥ 190॥

মথুরাগমনোত্সাহো মথুরাভাগ্যভাজনম্ ।
মথুরানগরীশোভাদর্শনোত্সুকমানসঃ ॥ 191॥

দুষ্টরংজকঘাতী চ বাযকার্চিতবিগ্রহঃ ।
বস্ত্রমালাসুশোভাংগঃ কুব্জালেপনভূষিতঃ ॥ 192॥

কুব্জাসুরূপকর্তা চ কুব্জারতিবরপ্রদঃ ।
প্রসাদরূপসংতুষ্টহরকোদংডখংডনঃ ॥ 193॥

শকলাহতকংসাপ্তধনূরক্ষকসৈনিকঃ ।
জাগ্রত্স্বপ্নভযব্যাপ্তমৃত্যুলক্ষণবোধকঃ ॥ 194॥

মথুরামল্ল ওজস্বী মল্লযুদ্ধবিশারদঃ ।
সদ্যঃ কুবলযাপীডঘাতী চাণূরমর্দনঃ ॥ 195॥

লীলাহতমহামল্লঃ শলতোশলঘাতকঃ ।
কংসাংতকো জিতামিত্রো বসুদেববিমোচকঃ ॥ 196॥

জ্ঞাততত্ত্বপিতৃজ্ঞানমোহনামৃতবাঙ্মযঃ ।
উগ্রসেনপ্রতিষ্ঠাতা যাদবাধিবিনাশকঃ ॥ 197॥

নংদাদিসাংত্বনকরো ব্রহ্মচর্যব্রতে স্থিতঃ ।
গুরুশুশ্রূষণপরো বিদ্যাপারমিতেশ্বরঃ ॥ 198॥

সাংদীপনিমৃতাপত্যদাতা কালাংতকাদিজিত্ ।
গোকুলাশ্বাসনপরো যশোদানংদপোষকঃ ॥ 199॥

গোপিকাবিরহব্যাজমনোগতিরতিপ্রদঃ ।
সমোদ্ধবভ্রমরবাক্ গোপিকামোহনাশকঃ ॥ 200॥

কুব্জারতিপ্রদোঽক্রূরপবিত্রীকৃতভূগৃহঃ ।
পৃথাদুঃখপ্রণেতা চ পাংডবানাং সুখপ্রদঃ ॥ 201॥

দশমস্কংধোত্তরার্ধনামানি নিরোধলীলা
জরাসংধসমানীতসৈন্যঘাতী বিচারকঃ ।
যবনব্যাপ্তমথুরাজনদত্তকুশস্থলিঃ ॥ 202॥

দ্বারকাদ্ভুতনির্মাণবিস্মাপিতসুরাসুরঃ ।
মনুষ্যমাত্রভোগার্থভূম্যানীতেংদ্রবৈভবঃ ॥ 203॥

যবনব্যাপ্তমথুরানির্গমানংদবিগ্রহঃ ।
মুচুকুংদমহাবোধযবনপ্রাণদর্পহা ॥ 204॥

মুচুকুংদস্তুতাশেষগুণকর্মমহোদযঃ ।
ফলপ্রদানসংতুষ্টির্জন্মাংতরিতমোক্ষদঃ ॥ 205॥

শিবব্রাহ্মণবাক্যাপ্তজযভীতিবিভাবনঃ ।
প্রবর্ষণপ্রার্থিতাগ্নিদানপুণ্যমহোত্সবঃ ॥ 206॥

রুক্মিণীরমণঃ কামপিতা প্রদ্যুম্নভাবনঃ ।
স্যমংতকমণিব্যাজপ্রাপ্তজাংববতীপতিঃ ॥ 207॥

সত্যভামাপ্রাণপতিঃ কালিংদীরতিবর্ধনঃ ।
মিত্রবিংদাপতিঃ সত্যাপতির্বৃষনিষূদনঃ ॥ 208॥

ভদ্রাবাংছিতভর্তা চ লক্ষ্মণাবরণক্ষমঃ ।
ইংদ্রাদিপ্রার্থিতবধনরকাসুরসূদনঃ ॥ 209॥

মুরারিঃ পীঠহংতা চ তাম্রাদিপ্রাণহারকঃ ।
ষোডশস্ত্রীসহস্রেশঃ ছত্রকুংডলদানকৃত্ ॥ 210॥

পারিজাতাপহরণো দেবেংদ্রমদনাশকঃ ।
রুক্মিণীসমসর্বস্ত্রীসাধ্যভোগরতিপ্রদঃ ॥ 211॥

রুক্মিণীপরিহাসোক্তিবাক্তিরোধানকারকঃ ।
পুত্রপৌত্রমহাভাগ্যগৃহধর্মপ্রবর্তকঃ ॥ 212॥

শংবরাংতকসত্পুত্রবিবাহহতরুক্মিকঃ ।
উষাপহৃতপৌত্রশ্রীর্বাণবাহুনিবারকঃ ॥ 213॥

শীতজ্বরভযব্যাপ্তজ্বরসংস্তুতষড্গুণঃ ।
শংকরপ্রতিযোদ্ধা চ দ্বংদ্বযুদ্ধবিশারদঃ ॥ 214॥

নৃগপাপপ্রভেত্তা চ ব্রহ্মস্বগুণদোষদৃক্ ।
বিষ্ণুভক্তিবিরোধৈকব্রহ্মস্ববিনিবারকঃ ॥ 215॥

বলভদ্রাহিতগুণো গোকুলপ্রীতিদাযকঃ ।
গোপীস্নেহৈকনিলযো গোপীপ্রাণস্থিতিপ্রদঃ ॥ 216॥

বাক্যাতিগামিযমুনাহলাকর্ষণবৈভবঃ ।
পৌংড্রকত্যাজিতস্পর্ধঃ কাশীরাজবিভেদনঃ ॥ 217॥

কাশীনিদাহকরণঃ শিবভস্মপ্রদাযকঃ ।
দ্বিবিদপ্রাণঘাতী চ কৌরবাখর্বগর্বনুত্ ॥ 218॥

লাংগলাকৃষ্টনগরীসংবিগ্নাখিলনাগরঃ ।
প্রপন্নাভযদঃ সাংবপ্রাপ্তসন্মানভাজনম্ ॥ 219॥

নারদান্বিষ্টচরণো ভক্তবিক্ষেপনাশকঃ ।
সদাচারৈকনিলযঃ সুধর্মাধ্যাসিতাসনঃ ॥ 220॥

জরাসংধাবরুদ্ধেন বিজ্ঞাপিতনিজক্লমঃ ।
মংত্র্যুদ্ধবাদিবাক্যোক্তপ্রকারৈকপরাযণঃ ॥ 221॥

রাজসূযাদিমখকৃত্ সংপ্রার্থিতসহাযকৃত্ ।
ইংদ্রপ্রস্থপ্রযাণার্থমহত্সংভারসংভৃতিঃ ॥ 222॥

জরাসংধবধব্যাজমোচিতাশেষভূমিপঃ ।
সন্মার্গবোধকো যজ্ঞক্ষিতিবারণতত্পরঃ ॥ 223॥

শিশুপালহতিব্যাজজযশাপবিমোচকঃ ।
দুর্যোধনাভিমানাব্ধিশোষবাণবৃকোদরঃ॥ 224॥

মহাদেববরপ্রাপ্তপুরশাল্ববিনাশকঃ ।
দংতবক্ত্রবধব্যাজবিজযাঘৌঘনাশকঃ ॥ 225॥

বিদূরথপ্রাণহর্তা ন্যস্তশস্ত্রাস্ত্রবিগ্রহঃ ।
উপধর্মবিলিপ্তাংগসূতঘাতী বরপ্রদঃ ॥ 226॥

বল্বলপ্রাণহরণপালিতর্ষিশ্রুতিক্রিযঃ ।
সর্বতীর্থাঘনাশার্থতীর্থযাত্রাবিশারদঃ ॥ 227॥

জ্ঞানক্রিযাবিভেদেষ্টফলসাধনতত্পরঃ ।
সারথ্যাদিক্রিযাকর্তা ভক্তবশ্যত্ববোধকঃ ॥ 228॥

সুদামারংকভার্যার্থভূম্যানীতেংদ্রবৈভবঃ ।
রবিগ্রহনিমিত্তাপ্তকুরুক্ষেত্রৈকপাবনঃ ॥ 229॥

নৃপগোপীসমস্তস্ত্রীপাবনার্থাখিলক্রিযঃ ।
ঋষিমার্গপ্রতিষ্ঠাতা বসুদেবমখক্রিযঃ ॥ 230॥

বসুদেবজ্ঞানদাতা দেবকীপুত্রদাযকঃ ।
অর্জুনস্ত্রীপ্রদাতা চ বহুলাশ্বস্বরূপদঃ ॥ 231॥

শ্রুতদেবেষ্টদাতা চ সর্বশ্রুতিনিরূপিতঃ ।
মহাদেবাদ্যতিশ্রেষ্ঠো ভক্তিলক্ষণনির্ণযঃ ॥ 232॥

বৃকগ্রস্তশিবত্রাতা নানাবাক্যবিশারদঃ ।
নরগর্ববিনাশার্থহৃতব্রাহ্মণবালকঃ ॥ 233॥

লোকালোকপরস্থানস্থিতবালকদাযকঃ ।
দ্বারকাস্থমহাভোগনানাস্ত্রীরতিবর্ধনঃ ॥ 234॥

মনস্তিরোধানকৃতব্যগ্রস্ত্রীচিত্তভাবিতঃ ।

মুক্তিলীলা
মুক্তিলীলাবিহরণো মৌশলব্যাজসংহৃতিঃ ॥ 235॥

শ্রীভাগবতধর্মাদিবোধকো ভক্তিনীতিকৃত্ ।
উদ্ধবজ্ঞানদাতা চ পংচবিংশতিধা গুরুঃ ॥ 236॥

আচারভক্তিমুক্ত্যাদিবক্তা শব্দোদ্ভবস্থিতিঃ ।
হংসো ধর্মপ্রবক্তা চ সনকাদ্যুপদেশকৃত্ ॥ 237॥

ভক্তিসাধনবক্তা চ যোগসিদ্ধিপ্রদাযকঃ ।
নানাবিভূতিবক্তা চ শুদ্ধধর্মাববোধকঃ ॥ 238॥

মার্গত্রযবিভেদাত্মা নানাশংকানিবারকঃ ।
ভিক্ষুগীতাপ্রবক্তা চ শুদ্ধসাংখ্যপ্রবর্তকঃ ॥ 239॥

মনোগুণবিশেষাত্মা জ্ঞাপকোক্তপুরূরবাঃ ।
পূজাবিধিপ্রবক্তা চ সর্বসিদ্ধাংতবোধকঃ ॥ 240॥

লঘুস্বমার্গবক্তা চ স্বস্থানগতিবোধকঃ ।
যাদবাংগোপসংহর্তা সর্বাশ্চর্যগতিক্রিযঃ ॥ 241॥

আশ্রযলীলা
কালধর্মবিভেদার্থবর্ণনাশনতত্পরঃ ।
বুদ্ধো গুপ্তার্থবক্তা চ নানাশাস্ত্রবিধাযকঃ ॥ 242॥

নষ্টধর্মমনুষ্যাদিলক্ষণজ্ঞাপনোত্সুকঃ ।
আশ্রযৈকগতিজ্ঞাতা কল্কিঃ কলিমলাপহঃ ॥ 243॥

শাস্ত্রবৈরাগ্যসংবোধো নানাপ্রলযবোধকঃ ।
বিশেষতঃ শুকব্যাজপরীক্ষিজ্জ্ঞানবোধকঃ ॥ 244॥

শুকেষ্টগতিরূপাত্মা পরীক্ষিদ্দেহমোক্ষদঃ ।
শব্দরূপো নাদরূপো বেদরূপো বিভেদনঃ ॥ 245॥

ব্যাসঃ শাখাপ্রবক্তা চ পুরাণার্থপ্রবর্তকঃ ।
মার্কংডেযপ্রসন্নাত্মা বটপত্রপুটেশযঃ ॥ 246॥

মাযাব্যাপ্তমহামোহদুঃখশাংতিপ্রবর্তকঃ ।
মহাদেবস্বরূপশ্চ ভক্তিদাতা কৃপানিধিঃ ॥ 247॥

আদিত্যাংতর্গতঃ কালঃ দ্বাদশাত্মা সুপূজিতঃ ।
শ্রীভাগবতরূপশ্চ সর্বার্থফলদাযকঃ ॥ 248॥

ইতীদং কীর্তনীযস্য হরের্নামসহস্রকম্ ।
পংচসপ্ততিবিস্তীর্ণং পুরাণাংতরভাষিতম্ ॥ 249॥

য এতত্প্রাতরুত্থায শ্রদ্ধাবান্ সুসমাহিতঃ ।
জপেদর্থাহিতমতিঃ স গোবিংদপদং লভেত্ ॥ 250॥

সর্বধর্মবিনির্মুক্তঃ সর্বসাধনবর্জিতঃ ।
এতদ্ধারণমাত্রেণ কৃষ্ণস্য পদবীং ব্রজেত্ ॥ 251॥

হর্যাবেশিতচিত্তেন শ্রীভাগবতসাগরাত্ ।
সমুদ্ধৃতানি নামানি চিংতামণিনিভানি হি ॥ 252॥

কংঠস্থিতান্যর্থদীপ্ত্যা বাধংতেঽজ্ঞানজং তমঃ ।
ভক্তিং শ্রীকৃষ্ণদেবস্য সাধযংতি বিনিশ্চিতম্ ॥ 253॥

কিংবহূক্তেন ভগবান্ নামভিঃ স্তুতষড্গুণঃ ।
আত্মভাবং নযত্যাশু ভক্তিং চ কুরুতে দৃঢাম্ ॥ 254॥

যঃ কৃষ্ণভক্তিমিহ বাংছতি সাধনৌঘৈর্-
নামানি ভাসুরযশাংসি জপেত্স নিত্যম্ ।
তং বৈ হরিঃ স্বপুরুষং কুরুতেঽতিশীঘ্রম্-
আত্মার্পণং সমধিগচ্ছতি ভাবতুষ্টঃ ॥ 255॥

শ্রীকৃষ্ণ কৃষ্ণসখ বৃষ্ণিবৃষাবনিধ্রুগ্-
রাজন্যবংশদহনানপবর্গবীর্য ।
গোবিংদ গোপবনিতাব্রজভৃত্যগীত
তীর্থশ্রবঃ শ্রবণমংগল পাহি ভৃত্যান্ ॥ 256॥

॥ ইতি শ্রীভাগবতসারসমুচ্চযে বৈশ্বানরোক্তং
শ্রীবল্লভাচার্যবিরচিতং
শ্রীপুরুষোত্তমসহস্রনামস্তোত্রং সংপূর্ণম্ ॥