ঋণ বিমোচন অংগারক (মংগল) স্তোত্রম্

স্কংদ উবাচ ।
ঋণগ্রস্তনরাণাং তু ঋণমুক্তিঃ কথং ভবেত্ ।

ব্রহ্মোবাচ ।
বক্ষ্যেঽহং সর্বলোকানাং হিতার্থং হিতকামদম্ ॥

অস্য শ্রী অংগারক স্তোত্র মহামংত্রস্য গৌতম ঋষিঃ, অনুষ্টুপ্ ছংদঃ, অংগারকো দেবতা মম ঋণ বিমোচনার্থে জপে বিনিযোগঃ ।

ধ্যানম্ –
ধরণী গর্ভ সংভূতং বিদ্যুত্কাংতি সমপ্রভম্ ।
কুমারং শক্তিহস্তং তং কুজং প্রণমাম্যহম্ ॥ 1 ॥

রক্তমাল্যাংবরধরঃ শূলশক্তিগদাধরঃ ।
চতুর্ভুজো মেষগতো বরদশ্চ ধরাসুতঃ ॥ 2 ॥

অথ স্তোত্রম্ –
মংগলো ভূমিপুত্রশ্চ ঋণহর্তা ধনপ্রদঃ ।
স্থিরাসনো মহাকাযঃ সর্বকর্মাববোধকঃ ॥ 3 ॥

লোহিতো লোহিতাংগশ্চ সামগাযী কৃপাকরঃ ।
ধর্মরাজঃ কুজো ভৌমো ভূমিজো ভূমিনংদনঃ ॥ 4 ॥

অংগারকো যমশ্চৈব সর্বরোগাপহারকঃ ।
সৃষ্টিকর্তাঽপহর্তা চ সর্বকামফলপ্রদঃ ॥ 5 ॥

ভূতিদো গ্রহপূজ্যশ্চ বক্ত্রো রক্তবপুঃ প্রভুঃ ।
এতানি কুজনামানি যো নিত্যং প্রযতঃ পঠেত্ ।
ঋণং ন জাযতে তস্য ধনং প্রাপ্নোত্যসংশযম্ ॥ 6 ॥

রক্তপুষ্পৈশ্চ গংধৈশ্চ দীপধূপাদিভিস্তথা ।
মংগলং পূজযিত্বা তু মংগলেঽহনি সর্বদা ॥ 7 ॥

ঋণরেখাঃ প্রকর্তব্যাঃ দগ্ধাংগারৈস্তদগ্রতঃ ।
সপ্তবিংশতিনামানি পঠিত্বা তু তদংতিকে ॥ 8 ॥

তাশ্চ প্রমার্জযেত্পশ্চাদ্বামপাদেন সংস্পৃশন্ ।
এবং কৃত্বা ন সংদেহো ঋণহীনো ধনী ভবেত্ ॥ 9 ॥

ভূমিজস্য প্রসাদেন গ্রহপীডা বিনশ্যতি ।
যেনার্জিতা জগত্কীর্তির্ভূমিপুত্রেণ শাশ্বতী ॥ 10 ॥

শত্রবশ্চ হতা যেন ভৌমেন মহিতাত্মনা ।
স প্রীযতাং তু ভৌমোঽদ্য তুষ্টো ভূযাত্ সদা মম ॥ 11 ॥

মূলমংত্রঃ –
অংগারক মহীপুত্র ভগবন্ ভক্তবত্সল ।
নমোঽস্তু তে মমাশেষ ঋণমাশু বিমোচয ॥ 12 ॥

অর্ঘ্যম্ –
ভূমিপুত্র মহাতেজঃ স্বেদোদ্ভব পিনাকিনঃ ।
ঋণার্তস্ত্বাং প্রপন্নোঽস্মি গৃহাণার্ঘ্যং নমোঽস্তু তে ॥ 13 ॥

ইতি ঋণ বিমোচন অংগারক স্তোত্রম্ ॥