মণিদ্বীপ বর্ণন – 2 (দেবী ভাগবতম্)
(শ্রীদেবীভাগবতং, দ্বাদশ স্কংধং, একাদশোঽধ্যাযঃ, মণিদ্বীপ বর্ণন – 2)
ব্যাস উবাচ ।
পুষ্পরাগমযাদগ্রে কুংকুমারুণবিগ্রহঃ ।
পদ্মরাগমযঃ সালো মধ্যে ভূশ্চৈবতাদৃশী ॥ 1 ॥
দশযোজনবাংদৈর্ঘ্যে গোপুরদ্বারসংযুতঃ ।
তন্মণিস্তংভসংযুক্তা মংডপাঃ শতশো নৃপ ॥ 2 ॥
মধ্যে ভুবিসমাসীনাশ্চতুঃষষ্টিমিতাঃ কলাঃ ।
নানাযুধধরাবীরা রত্নভূষণভূষিতাঃ ॥ 3 ॥
প্রত্যেকলোকস্তাসাং তু তত্তল্লোকস্যনাযকাঃ ।
সমংতাত্পদ্মরাগস্য পরিবার্যস্থিতাঃ সদা ॥ 4 ॥
স্বস্বলোকজনৈর্জুষ্টাঃ স্বস্ববাহনহেতিভিঃ ।
তাসাং নামানি বক্ষ্যামি শৃণু ত্বং জনমেজয ॥ 5 ॥
পিংগলাক্ষী বিশালাক্ষী সমৃদ্ধি বৃদ্ধিরেব চ ।
শ্রদ্ধা স্বাহা স্বধাভিখ্যা মাযা সংজ্ঞা বসুংধরা ॥ 6 ॥
ত্রিলোকধাত্রী সাবিত্রী গাযত্রী ত্রিদশেশ্বরী ।
সুরূপা বহুরূপা চ স্কংদমাতাঽচ্যুতপ্রিযা ॥ 7 ॥
বিমলা চামলা তদ্বদরুণী পুনরারুণী ।
প্রকৃতির্বিকৃতিঃ সৃষ্টিঃ স্থিতিঃ সংহৃতিরেব চ ॥ 8 ॥
সংধ্যামাতা সতী হংসী মর্দিকা বজ্রিকা পরা ।
দেবমাতা ভগবতী দেবকী কমলাসনা ॥ 9 ॥
ত্রিমুখী সপ্তমুখ্যন্যা সুরাসুরবিমর্দিনী ।
লংবোষ্টী চোর্ধ্বকেশী চ বহুশীর্ষা বৃকোদরী ॥ 10 ॥
রথরেখাহ্বযা পশ্চাচ্ছশিরেখা তথা পরা ।
গগনবেগা পবনবেগা চৈব ততঃ পরম্ ॥ 11 ॥
অগ্রে ভুবনপালা স্যাত্তত্পশ্চান্মদনাতুরা ।
অনংগানংগমথনা তথৈবানংগমেখলা ॥ 12 ॥
অনংগকুসুমা পশ্চাদ্বিশ্বরূপা সুরাদিকা ।
ক্ষযংকরী ভবেচ্ছক্তি রক্ষোভ্যা চ ততঃ পরম্ ॥ 13 ॥
সত্যবাদিন্যথ প্রোক্তা বহুরূপা শুচিব্রতা ।
উদারাখ্যা চ বাগীশী চতুষ্ষষ্টিমিতাঃ স্মৃতাঃ ॥ 14 ॥
জ্বলজ্জিহ্বাননাঃ সর্বাবমংত্যো বহ্নিমুল্বণম্ ।
জলং পিবামঃ সকলং সংহরামোবিভাবসুম্ ॥ 15 ॥
পবনং স্তংভযামোদ্য ভক্ষযামোঽখিলং জগত্ ।
ইতি বাচং সংগিরতে ক্রোধ সংরক্তলোচনাঃ ॥ 16 ॥
চাপবাণধরাঃ সর্বাযুদ্ধাযৈবোত্সুকাঃ সদা ।
দংষ্ট্রা কটকটারাবৈর্বধিরীকৃত দিঙ্মুখাঃ ॥ 17 ॥
পিংগোর্ধ্বকেশ্যঃ সংপ্রোক্তাশ্চাপবাণকরাঃ সদা ।
শতাক্ষৌহিণিকা সেনাপ্যেকৈকস্যাঃ প্রকীর্তিতা ॥ 18 ॥
একৈক শক্তেঃ সামর্থ্যং লক্ষব্রহ্মাংডনাশনে ।
শতাক্ষৌহিণিকাসেনা তাদৃশী নৃপ সত্তম ॥ 19 ॥
কিং ন কুর্যাজ্জগত্যস্মিন্নশক্যং বক্তুমেব তত্ ।
সর্বাপি যুদ্ধসামগ্রী তস্মিন্সালে স্থিতা মুনে ॥ 20 ॥
রথানাং গণনা নাস্তি হযানাং করিণাং তথা ॥
শস্ত্রাণাং গণনা তদ্বদ্গণানাং গণনা তথা ॥ 21 ॥
পদ্মরাগমযাদগ্রে গোমেদমণিনির্মিতঃ ।
দশযোজনদৈর্ঘ্যেণ প্রাকারো বর্ততে মহান্ ॥ 22 ॥
ভাস্বজ্জপাপ্রসূনাভো মধ্যভূস্তস্য তাদৃশী ।
গোমেদকল্পিতান্যেব তদ্বাসি সদনানি চ ॥ 23 ॥
পক্ষিণঃ স্তংভবর্যাশ্চ বৃক্ষাবাপ্যঃ সরাংসি চ ।
গোমেদকল্পিতা এব কুংকুমারুণবিগ্রহাঃ ॥ 24 ॥
তন্মধ্যস্থা মহাদেব্যো দ্বাত্রিংশচ্ছক্তযঃ স্মৃতাঃ ।
নানা শস্ত্রপ্রহরণা গোমেদমণিভূষিতাঃ ॥ 25 ॥
প্রত্যেক লোক বাসিন্যঃ পরিবার্য সমংততঃ ।
গোমেদসালে সন্নদ্ধা পিশাচবদনা নৃপ ॥ 26 ॥
স্বর্লোকবাসিভির্নিত্যং পূজিতাশ্চক্রবাহবঃ ।
ক্রোধরক্তেক্ষণা ভিংধি পচ চ্ছিংধি দহেতি চ ॥ 27 ॥
বদংতি সততং বাচং যুদ্ধোত্সুকহৃদংতরাঃ ।
একৈকস্যা মহাশক্তের্দশাক্ষৌহিণিকা মতা ॥ 28 ॥
সেনা তত্রাপ্যেকশক্তির্লক্ষব্রহ্মাংডনাশিনী ।
তাদৃশীনাং মহাসেনা বর্ণনীযা কথং নৃপ ॥ 29 ॥
রথানাং নৈব গণানা বাহনানাং তথৈব চ ।
সর্বযুদ্ধসমারংভস্তত্র দেব্যা বিরাজতে ॥ 30 ॥
তাসাং নামানি বক্ষ্যামি পাপনাশকরাণি চ ।
বিদ্যা হ্রী পুষ্ট যঃ প্রজ্ঞা সিনীবালী কুহূস্তথা ॥ 31 ॥
রুদ্রাবীর্যা প্রভানংদা পোষিণী ঋদ্ধিদা শুভা ।
কালরাত্রির্মহারাত্রির্ভদ্রকালী কপর্দিনী ॥ 32 ॥
বিকৃতির্দংডিমুংডিন্যৌ সেংদুখংডা শিখংডিনী ।
নিশুংভশুংভমথিনী মহিষাসুরমর্দিনী ॥ 33 ॥
ইংদ্রাণী চৈব রুদ্রাণী শংকরার্ধশরীরিণী ।
নারী নারাযণী চৈব ত্রিশূলিন্যপি পালিনী ॥ 34 ॥
অংবিকাহ্লাদিনী পশ্চাদিত্যেবং শক্তযঃ স্মৃতাঃ ।
যদ্যেতাঃ কুপিতা দেব্যস্তদা ব্রহ্মাংডনাশনম্ ॥ 35 ॥
পরাজযো ন চৈতাসাং কদাচিত্ক্বচিদস্তি হি ।
গোমেদকমযাদগ্রে সদ্বজ্রমণিনির্মিতঃ ॥ 36 ॥
দশযোজন তুংগোঽসৌ গোপুরদ্বারসংযুতঃ ।
কপাটশৃংখলাবদ্ধো নববৃক্ষ সমুজ্জ্বলঃ ॥ 37 ॥
সালস্তন্মধ্যভূম্যাদি সর্বং হীরমযং স্মৃতম্ ।
গৃহাণিবীথযো রথ্যা মহামার্গাং গণানি চ ॥ 38 ॥
বৃক্ষালবাল তরবঃ সারংগা অপি তাদৃশাঃ ।
দীর্ঘিকাশ্রেণযোবাপ্যস্তডাগাঃ কূপ সংযুতাঃ ॥ 39 ॥
তত্র শ্রীভুবনেশ্বর্যা বসংতি পরিচারিকাঃ ।
একৈকা লক্ষদাসীভিঃ সেবিতা মদগর্বিতাঃ ॥ 40 ॥
তালবৃংতধরাঃ কাশ্চিচ্চষকাঢ্য করাংবুজাঃ ।
কাশ্চিত্তাংবূলপাত্রাণি ধারযংত্যোঽতিগর্বিতাঃ ॥ 41 ॥
কাশ্চিত্তচ্ছত্রধারিণ্যশ্চামরাণাং বিধারিকাঃ ।
নানা বস্ত্রধরাঃ কাশ্চিত্কাশ্চিত্পুষ্প করাংবুজাঃ ॥ 42 ॥
নানাদর্শকরাঃ কাশ্চিত্কাশ্চিত্কুংকুমলেপনম্ ।
ধারযংত্যঃ কজ্জলং চ সিংদূর চষকং পরাঃ ॥ 43 ॥
কাশ্চিচ্চিত্রক নির্মাত্র্যঃ পাদ সংবাহনে রতাঃ ।
কাশ্চিত্তু ভূষাকারিণ্যো নানা ভূষাধরাঃ পরাঃ ॥ 44 ॥
পুষ্পভূষণ নির্মাত্র্যঃ পুষ্পশৃংগারকারিকাঃ ।
নানা বিলাসচতুরা বহ্ব্য এবং বিধাঃ পরাঃ ॥ 45 ॥
নিবদ্ধ পরিধানীযা যুবত্যঃ সকলা অপি ।
দেবী কৃপা লেশবশাত্তুচ্ছীকৃত জগত্ত্রযাঃ ॥ 46 ॥
এতা দূত্যঃ স্মৃতা দেব্যঃ শৃংগারমদগর্বিতাঃ ।
তাসাং নামানি বক্ষ্যামি শৃণু মে নৃপসত্তম ॥ 47 ॥
অনংগরূপা প্রথমাপ্যনংগমদনা পরা ।
তৃতীযাতু ততঃ প্রোক্তা সুংদরী মদনাতুরা ॥ 48 ॥
ততো ভুবনবেগাস্যাত্তথা ভুবনপালিকা ।
স্যাত্সর্বশিশিরানংগবেদনানংগমেখলা ॥ 49 ॥
বিদ্যুদ্দামসমানাংগ্যঃ ক্বণত্কাংচীগুণান্বিতাঃ ।
রণন্মংজীরচরণা বহিরংতরিতস্ততঃ ॥ 50 ॥
ধাবমানাস্তু শোভংতে সর্বা বিদ্যুল্লতোপমাঃ ।
কুশলাঃ সর্বকার্যেষু বেত্রহস্তাঃ সমংততঃ ॥ 51 ॥
অষ্টদিক্ষুতথৈতাসাং প্রাকারাদ্বহিরেব চ ।
সদনানি বিরাজংতে নানা বাহনহেতিভিঃ ॥ 52 ॥
বজ্রসালাদগ্রভাগে সালো বৈদূর্যনির্মিতঃ ।
দশযোজনতুংগোঽসৌ গোপুরদ্বারভূষিতঃ ॥ 53 ॥
বৈদূর্যভূমিঃ সর্বাপিগৃহাণি বিবিধানি চ ।
বীথ্যো রথ্যা মহামার্গাঃ সর্বে বেদূর্যনির্মিতাঃ ॥ 54 ॥
বাপী কূপ তডাগাশ্চ স্রবংতীনাং তটানি চ ।
বালুকা চৈব সর্বাঽপি বৈদূর্যমণিনির্মিতা ॥ 55 ॥
তত্রাষ্টদিক্ষুপরিতো ব্রাহ্ম্যাদীনাং চ মংডলম্ ।
নিজৈর্গণৈঃ পরিবৃতং ভ্রাজতে নৃপসত্তম ॥ 56 ॥
প্রতিব্রহ্মাংডমাতৃণাং তাঃ সমষ্টয ঈরিতাঃ ।
ব্রাহ্মী মাহেশ্বরী চৈব কৌমারী বৈষ্ণবী তথা ॥57 ॥
বারাহী চ তথেংদ্রাণী চামুংডাঃ সপ্তমাতরঃ ।
অষ্টমী তু মহালক্ষ্মীর্নাম্না প্রোক্তাস্তু মাতরঃ ॥ 58 ॥
ব্রহ্মরুদ্রাদিদেবানাং সমাকারা স্তুতাঃ স্মৃতাঃ ।
জগত্কল্যাণকারিণ্যঃ স্বস্বসেনাসমাবৃতাঃ ॥ 59 ॥
তত্সালস্য চতুর্দ্বার্ষু বাহনানি মহেশিতুঃ ।
সজ্জানি নৃপতে সংতি সালংকারাণি নিত্যশঃ ॥ 60 ॥
দংতিনঃ কোটিশো বাহাঃ কোটিশঃ শিবিকাস্তথা ।
হংসাঃ সিংহাশ্চ গরুডা মযূরা বৃষভাস্তথা ॥ 61 ॥
তৈর্যুক্তাঃ স্যংদনাস্তদ্বত্কোটিশো নৃপনংদন ।
পার্ষ্ণিগ্রাহসমাযুক্তা ধ্বজৈরাকাশচুংবিনঃ ॥ 62 ॥
কোটিশস্তু বিমানানি নানা চিহ্নান্বিতানি চ ।
নানা বাদিত্রযুক্তানি মহাধ্বজযুতানি চ ॥ 63 ॥
বৈদূর্যমণি সালস্যাপ্যগ্রে সালঃ পরঃ স্মৃতঃ ।
দশযোজন তুংগোঽসাবিংদ্রনীলাশ্মনির্মিতঃ ॥ 64 ॥
তন্মধ্য ভূস্তথা বীথ্যো মহামার্গা গৃহাণি চ ।
বাপী কূপ তডাগাশ্চ সর্বে তন্মণিনির্মিতাঃ ॥ 65 ॥
তত্র পদ্ম তু সংপ্রোক্তং বহুযোজন বিস্তৃতম্ ।
ষোডশারং দীপ্যমানং সুদর্শনমিবাপরম্ ॥ 66 ॥
তত্র ষোডশশক্তীনাং স্থানানি বিবিধানি চ ।
সর্বোপস্করযুক্তানি সমৃদ্ধানি বসংতি হি ॥ 67 ॥
তাসাং নামানি বক্ষ্যামি শৃণু মে নৃপসত্তম ।
করালী বিকরালী চ তথোমা চ সরস্বতী ॥ 68 ॥
শ্রী দুর্গোষা তথা লক্ষ্মীঃ শ্রুতিশ্চৈব স্মৃতির্ধৃতিঃ ।
শ্রদ্ধা মেধা মতিঃ কাংতিরার্যা ষোডশশক্তযঃ ॥ 69 ॥
নীলজীমূতসংকাশাঃ করবাল করাংবুজাঃ ।
সমাঃ খেটকধারিণ্যো যুদ্ধোপক্রাংত মানসাঃ ॥ 70 ॥
সেনান্যঃ সকলা এতাঃ শ্রীদেব্যা জগদীশিতুঃ ।
প্রতিব্রহ্মাংডসংস্থানাং শক্তীনাং নাযিকাঃ স্মৃতাঃ ॥ 71 ॥
ব্রহ্মাংডক্ষোভকারিণ্যো দেবী শক্ত্যুপবৃংহিতাঃ ।
নানা রথসমারূঢা নানা শক্তিভিরন্বিতাঃ ॥ 72 ॥
এতত্পরাক্রমং বক্তুং সহস্রাস্যোঽপি ন ক্ষমঃ ।
ইংদ্রনীলমহাসালাদগ্রে তু বহুবিস্তৃতঃ ॥ 73 ॥
মুক্তাপ্রাকার উদিতো দশযোজন দৈর্ঘ্যবান্ ।
মধ্যভূঃ পূর্ববত্প্রোক্তা তন্মধ্যেঽষ্টদলাংবুজম্ ॥ 74 ॥
মুক্তামণিগণাকীর্ণং বিস্তৃতং তু সকেসরম্ ।
তত্র দেবীসমাকারা দেব্যাযুধধরাঃ সদা ॥ 75 ॥
সংপ্রোক্তা অষ্টমংত্রিণ্যো জগদ্বার্তাপ্রবোধিকাঃ ।
দেবীসমানভোগাস্তা ইংগিতজ্ঞাস্তুপংডিতাঃ ॥ 76 ॥
কুশলাঃ সর্বকার্যেষু স্বামিকার্যপরাযণাঃ ।
দেব্যভিপ্রায বোধ্যস্তাশ্চতুরা অতিসুংদরাঃ ॥ 77 ॥
নানা শক্তিসমাযুক্তাঃ প্রতিব্রহ্মাংডবর্তিনাম্ ।
প্রাণিনাং তাঃ সমাচারং জ্ঞানশক্ত্যাবিদংতি চ ॥ 78 ॥
তাসাং নামানি বক্ষ্যামি মত্তঃ শৃণু নৃপোত্তম ।
অনংগকুসুমা প্রোক্তাপ্যনংগকুসুমাতুরা ॥ 79 ॥
অনংগমদনা তদ্বদনংগমদনাতুরা ।
ভুবনপালা গগনবেগা চৈব ততঃ পরম্ ॥ 80 ॥
শশিরেখা চ গগনরেখা চৈব ততঃ পরম্ ।
পাশাংকুশবরাভীতিধরা অরুণবিগ্রহাঃ ॥ 81 ॥
বিশ্বসংবংধিনীং বার্তাং বোধযংতি প্রতিক্ষণম্ ।
মুক্তাসালাদগ্রভাগে মহামারকতো পরঃ ॥ 82 ॥
সালোত্তমঃ সমুদ্দিষ্টো দশযোজন দৈর্ঘ্যবান্ ।
নানা সৌভাগ্যসংযুক্তো নানা ভোগসমন্বিতঃ ॥ 83 ॥
মধ্যভূস্তাদৃশী প্রোক্তা সদনানি তথৈব চ ।
ষট্কোণমত্রবিস্তীর্ণং কোণস্থা দেবতাঃ শৃণুঃ ॥ 84 ॥
পূর্বকোণে চতুর্বক্ত্রো গাযত্রী সহিতো বিধিঃ ।
কুংডিকাক্ষগুণাভীতি দংডাযুধধরঃ পরঃ ॥ 85 ॥
তদাযুধধরা দেবী গাযত্রী পরদেবতা ।
বেদাঃ সর্বে মূর্তিমংতঃ শাস্ত্রাণি বিবিধানি চ ॥ 86 ॥
স্মৃতযশ্চ পুরাণানি মূর্তিমংতি বসংতি হি ।
যে ব্রহ্মবিগ্রহাঃ সংতি গাযত্রীবিগ্রহাশ্চ যে ॥ 87 ॥
ব্যাহৃতীনাং বিগ্রহাশ্চ তে নিত্যং তত্র সংতি হি ।
রক্ষঃ কোণে শংখচক্রগদাংবুজ করাংবুজা ॥ 88 ॥
সাবিত্রী বর্ততে তত্র মহাবিষ্ণুশ্চ তাদৃশঃ ।
যে বিষ্ণুবিগ্রহাঃ সংতি মত্স্যকূর্মাদযোখিলাঃ ॥ 89 ॥
সাবিত্রী বিগ্রহা যে চ তে সর্বে তত্র সংতি হি ।
বাযুকোণে পরশ্বক্ষমালাভযবরান্বিতঃ ॥ 90 ॥
মহারুদ্রো বর্ততেঽত্র সরস্বত্যপি তাদৃশী ।
যে যে তু রুদ্রভেদাঃ স্যুর্দক্ষিণাস্যাদযো নৃপ ॥ 91 ॥
গৌরী ভেদাশ্চ যে সর্বে তে তত্র নিবসংতি হি ।
চতুঃষষ্ট্যাগমা যে চ যে চান্যেপ্যাগমাঃ স্মৃতাঃ ॥ 92 ॥
তে সর্বে মূর্তিমংতশ্চ তত্র বৈ নিবসংতি হি ।
অগ্নিকোণে রত্নকুংভং তথা মণিকরংডকম্ ॥ 93 ॥
দধানো নিজহস্তাভ্যাং কুবেরো ধনদাযকঃ ।
নানা বীথী সমাযুক্তো মহালক্ষ্মীসমন্বিতঃ ॥ 94 ॥
দেব্যা নিধিপতিস্ত্বাস্তে স্বগুণৈঃ পরিবেষ্টিতঃ ।
বারুণে তু মহাকোণে মদনো রতিসংযুতঃ ॥ 95 ॥
পাশাংকুশধনুর্বাণধরো নিত্যং বিরাজতে ।
শৃংগারমূর্তিমংতস্তু তত্র সন্নিহিতাঃ সদা ॥ 96 ॥
ঈশানকোণে বিঘ্নেশো নিত্যং পুষ্টিসমন্বিতঃ ।
পাশাংকুশধরো বীরো বিঘ্নহর্তা বিরাজতে ॥ 97 ॥
বিভূতযো গণেশস্য যাযাঃ সংতি নৃপোত্তম ।
তাঃ সর্বা নিবসংত্যত্র মহৈশ্বর্যসমন্বিতাঃ ॥ 98 ॥
প্রতিব্রহ্মাংডসংস্থানাং ব্রহ্মাদীনাং সমষ্টযঃ ।
এতে ব্রহ্মাদযঃ প্রোক্তাঃ সেবংতে জগদীশ্বরীম্ ॥ 99 ॥
মহামারকতস্যাগ্রে শতযোজন দৈর্ঘ্যবান্ ।
প্রবালশালোস্ত্যপরঃ কুংকুমারুণবিগ্রহঃ ॥ 100 ॥
মধ্যভূস্তাদৃশী প্রোক্তা সদনানি চ পূর্ববত্ ।
তন্মধ্যে পংচভূতানাং স্বামিন্যঃ পংচ সংতি চ ॥ 101 ॥
হৃল্লেখা গগনা রক্তা চতুর্থী তু করালিকা ।
মহোচ্ছুষ্মা পংচমী চ পংচভূতসমপ্রভাঃ ॥ 102 ॥
পাশাংকুশবরাভীতিধারিণ্যোমিতভূষণাঃ ।
দেবী সমানবেষাঢ্যা নবযৌবনগর্বিতাঃ ॥ 103 ॥
প্রবালশালাদগ্রে তু নবরত্ন বিনির্মিতঃ ।
বহুযোজনবিস্তীর্ণো মহাশালোঽস্তি ভূমিপ ॥ 104 ॥
তত্র চাম্নাযদেবীনাং সদনানি বহূন্যপি ।
নবরত্নমযান্যেব তডাগাশ্চ সরাংসি চ ॥ 105 ॥
শ্রীদেব্যা যেঽবতারাঃ স্যুস্তে তত্র নিবসংতি হি ।
মহাবিদ্যা মহাভেদাঃ সংতি তত্রৈব ভূমিপ ॥ 106 ॥
নিজাবরণদেবীভির্নিজভূষণবাহনৈঃ ।
সর্বদেব্যো বিরাজংতে কোটিসূর্যসমপ্রভাঃ ॥ 107 ॥
সপ্তকোটি মহামংত্রদেবতাঃ সংতি তত্র হি ।
নবরত্নমযাদগ্রে চিংতামণিগৃহং মহত্ ॥ 108 ॥
তত্র ত্যং বস্তু মাত্রং তু চিংতামণি বিনির্মিতম্ ।
সূর্যোদ্গারোপলৈস্তদ্বচ্চংদ্রোদ্গারোপলৈস্তথা ॥ 109 ॥
বিদ্যুত্প্রভোপলৈঃ স্তংভাঃ কল্পিতাস্তু সহস্রশঃ ।
যেষাং প্রভাভিরংতস্থং বস্তু কিংচিন্ন দৃশ্যতে ॥ 110 ॥
ইতি শ্রীদেবীভাগবতে মহাপুরাণে দ্বাদশস্কংধে একাদশোঽধ্যাযঃ ।
সঘনাই সোধা প্ৰশ্ন
What is মণিদ্বীপ বর্ণন - 2 (দেবী ভাগবতম্)?
মণিদ্বীপ বর্ণন - 2 (দেবী ভাগবতম্) is a Devi Stotrams available on Bhakti Granth in the selected language or script.
Which language or script is this version in?
This edition is published in Assamese. Use the language selector to view another available edition.
Can I read মণিদ্বীপ বর্ণন - 2 (দেবী ভাগবতম্) online?
Yes. The imported text is available directly on this page for online reading and recitation.
Can I download মণিদ্বীপ বর্ণন - 2 (দেবী ভাগবতম্) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.