ধ্রুব স্তুতিঃ
(বিষ্ণুপুরাণাংতর্গতা; মুখ্য স্তুতি শ্লোকাঃ 51-74)
ধ্রুব উবাচ ।
ভূমিরাপোঽনলো বাযুঃ খং মনো বুদ্ধিরেব চ ।
ভূতাদিরাদিপ্রকৃতির্যস্য রূপং নতোঽস্মি তম্ ॥ 51 ॥
শুদ্ধঃ সূক্ষ্মোঽখিলব্যাপী প্রধানাত্পরতঃ পুমান্ ।
যস্য রূপং নমস্তস্মৈ পুরুষায গুণাশিনে ॥ 52 ॥
ভূরাদীনাং সমস্তানাং গংধাদীনাং চ শাশ্বতঃ ।
বুদ্ধ্যাদীনাং প্রধানস্য পুরুষস্য চ যঃ পরঃ ॥ 53 ॥
তং ব্রহ্মভূতমাত্মানমশেষজগতঃ পতিম্ ।
প্রপদ্যে শরণং শুদ্ধং ত্বদ্রূপং পরমেশ্বর ॥ 54 ॥
বৃহত্ত্বাদ্বৃংহণত্বাচ্চ যদ্রূপং ব্রহ্মসংজ্ঞিতম্ ।
তস্মৈ নমস্তে সর্বাত্মন্যোগিচিংত্যাবিকারিণে ॥ 55 ॥
সহস্রশীর্ষা পুরুষঃ সহস্রাক্ষঃ সহস্রপাত্ ।
সর্বব্যাপী ভুবঃ স্পর্শাদত্যতিষ্ঠদ্দশাংগুলম্ ॥ 56 ॥
যদ্ভূতং যচ্চ বৈ ভব্যং পুরুষোত্তম তদ্ভবান্ ।
ত্বত্তো বিরাট্ স্বরাট্ সম্রাট্ ত্বত্তশ্চাপ্যধিপূরুষঃ ॥ 57 ॥
অত্যরিচ্যত সোঽধশ্চ তির্যগূর্ধ্বং চ বৈ ভুবঃ ।
ত্বত্তো বিশ্বমিদং জাতং ত্বত্তো ভূতভবিষ্যতী ॥ 58 ॥
ত্বদ্রূপধারিণশ্চাংতঃ সর্বভূতমিদং জগত্ ।
ত্বত্তো যজ্ঞঃ সর্বহুতঃ পৃষদাজ্যং পশুর্দ্বিধা ॥ 59 ॥
ত্বত্ত ঋচোঽথ সামানি ত্বত্তশ্ছংদাংসি জজ্ঞিরে ।
ত্বত্তো যজূংষ্যজাযংত ত্বত্তোঽশ্বাশ্চৈকতো দতঃ ॥ 60 ॥
গাবস্ত্বত্তঃ সমুদ্ভূতাস্ত্বত্তোঽজা অবযো মৃগাঃ ।
ত্বন্মুখাদ্ব্রাহ্মণাস্ত্বত্তো বাহোঃ ক্ষত্রমজাযত ॥ 61 ॥
বৈশ্যাস্তবোরুজাঃ শূদ্রাস্তব পদ্ভ্যাং সমুদ্গতাঃ ।
অক্ষ্ণোঃ সূর্যোঽনিলঃ প্রাণাচ্চংদ্রমা মনসস্তব ॥ 62 ॥
প্রাণোঽংতঃসুষিরাজ্জাতো মুখাদগ্নিরজাযত ।
নাভিতো গগনং দ্যৌশ্চ শিরসঃ সমবর্তত ॥ 63 ॥
দিশঃ শ্রোত্রাত্ক্ষিতিঃ পদ্ভ্যাং ত্বত্তঃ সর্বমভূদিদম্ ॥ 64 ॥
ন্যগ্রোধঃ সুমহানল্পে যথা বীজে ব্যবস্থিতঃ ।
সংযমে বিশ্বমখিলং বীজভূতে তথা ত্বযি ॥ 65 ॥
বীজাদংকুরসংভূতো ন্যগ্রোধঃ স সমুচ্ছ্রিতঃ ।
বিস্তারং চ যথা যাতি ত্বত্তঃ সৃষ্টৌ তথা জগত্ ॥ 66 ॥
যথা হি কদলী নান্যা ত্বক্পত্রাদপি দৃশ্যতে ।
এবং বিশ্বস্য নান্যস্ত্বং ত্বত্স্থাযীশ্বর দৃশ্যতে ॥ 67 ॥
হ্লাদিনী সংধিনী সংবিত্ত্বয্যেকা সর্বসংস্থিতৌ ।
হ্লাদতাপকরী মিশ্রা ত্বযি নো গুণবর্জিতে ॥ 68 ॥
পৃথগ্ভূতৈকভূতায ভূতভূতায তে নমঃ ।
প্রভূতভূতভূতায তুভ্যং ভূতাত্মনে নমঃ ॥ 69 ॥
ব্যক্তং প্রধানপুরুষৌ বিরাট্ সম্রাট্ স্বরাট্ তথা ।
বিভাব্যতেঽংতঃকরণে পুরুষেষ্বক্ষযো ভবান্ ॥ 70 ॥
সর্বস্মিন্ সর্বভূতস্ত্বং সর্বঃ সর্বস্বরূপধৃক্ ।
সর্বং ত্বত্তস্ততশ্চ ত্বং নমঃ সর্বাত্মনেঽস্তু তে ॥ 71 ॥
সর্বাত্মকোঽসি সর্বেশ সর্বভূতস্থিতো যতঃ ।
কথযামি ততঃ কিং তে সর্বং বেত্সি হৃদি স্থিতম্ ॥ 72 ॥
সর্বাত্মন্সর্বভূতেশ সর্বসত্ত্বসমুদ্ভব ।
সর্বভূতো ভবান্বেত্তি সর্বসত্ত্বমনোরথম্ ॥ 73 ॥
যো মে মনোরথো নাথ সফলঃ স ত্বযা কৃতঃ ।
তপশ্চ তপ্তং সফলং যদ্দৃষ্টোঽসি জগত্পতে ॥ 74 ॥
সঘনাই সোধা প্ৰশ্ন
What is ধ্রুব স্তুতিঃ?
ধ্রুব স্তুতিঃ is a devotional text available on Bhakti Granth in the selected language or script.
Which language or script is this version in?
This edition is published in Assamese. Use the language selector to view another available edition.
Can I read ধ্রুব স্তুতিঃ online?
Yes. The imported text is available directly on this page for online reading and recitation.
Can I download ধ্রুব স্তুতিঃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.