চাণক্য নীতি – ষষ্ঠোঽধ্যাযঃ
শ্রুত্বা ধর্মং বিজানাতি শ্রুত্বা ত্যজতি দুর্মতিম্ ।
শ্রুত্বা জ্ঞানমবাপ্নোতি শ্রুত্বা মোক্ষমবাপ্নুযাত্ ॥ 01 ॥
পক্ষিণঃ কাকশ্চংডালঃ পশূনাং চৈব কুক্কুরঃ ।
মুনীনাং পাপশ্চংডালঃ সর্বচাংডালনিংদকঃ ॥ 02 ॥
ভস্মনা শুদ্ধ্যতে কাস্যং তাম্রমম্লেন শুদ্ধ্যতি ।
রজসা শুদ্ধ্যতে নারী নদী বেগেন শুদ্ধ্যতি ॥ 03 ॥
ভ্রমন্সংপূজ্যতে রাজা ভ্রমন্সংপূজ্যতে দ্বিজঃ ।
ভ্রমন্সংপূজ্যতে যোগী স্ত্রী ভ্রমংতী বিনশ্যতি ॥ 04 ॥
যস্যার্থাস্তস্য মিত্রাণি যস্যার্থাস্তস্য বাংধবাঃ ।
যস্যার্থাঃ স পুমাँল্লোকে যস্যার্থাঃ স চ পংডিতঃ ॥ 05 ॥
তাদৃশী জাযতে বুদ্ধির্ব্যবসাযোঽপি তাদৃশঃ ।
সহাযাস্তাদৃশা এব যাদৃশী ভবিতব্যতা ॥ 06 ॥
কালঃ পচতি ভূতানি কালঃ সংহরতে প্রজাঃ ।
কালঃ সুপ্তেষু জাগর্তি কালো হি দুরতিক্রমঃ ॥ 07 ॥
ন পশ্যতি চ জন্মাংধঃ কামাংধো নৈব পশ্যতি ।
মদোন্মত্তা ন পশ্যংতি অর্থী দোষং ন পশ্যতি ॥ 08 ॥
স্বযং কর্ম করোত্যাত্মা স্বযং তত্ফলমশ্নুতে ।
স্বযং ভ্রমতি সংসারে স্বযং তস্মাদ্বিমুচ্যতে ॥ 09 ॥
রাজা রাষ্ট্রকৃতং পাপং রাজ্ঞঃ পাপং পুরোহিতঃ ।
ভর্তা চ স্ত্রীকৃতং পাপং শিষ্যপাপং গুরুস্তথা ॥ 10 ॥
ঋণকর্তা পিতা শত্রুর্মাতা চ ব্যভিচারিণী ।
ভার্যা রূপবতী শত্রুঃ পুত্রঃ শত্রুরপংডিতঃ ॥ 11 ॥
লুব্ধমর্থেন গৃহ্ণীযাত্ স্তব্ধমংজলিকর্মণা ।
মূর্খং ছংদোঽনুবৃত্ত্যা চ যথার্থত্বেন পংডিতম্ ॥ 12 ॥
বরং ন রাজ্যং ন কুরাজরাজ্যং
বরং ন মিত্রং ন কুমিত্রমিত্রম্ ।
বরং ন শিষ্যো ন কুশিষ্যশিষ্যো
বরং ন দার ন কুদরদারঃ ॥ 13 ॥
কুরাজরাজ্যেন কুতঃ প্রজাসুখং
কুমিত্রমিত্রেণ কুতোঽভিনির্বৃতিঃ ।
কুদারদারৈশ্চ কুতো গৃহে রতিঃ
কুশিষ্যশিষ্যমধ্যাপযতঃ কুতো যশঃ ॥ 14 ॥
সিংহাদেকং বকাদেকং শিক্ষেচ্চত্বারি কুক্কুটাত্ ।
বাযসাত্পংচ শিক্ষেচ্চ ষট্শুনস্ত্রীণি গর্দভাত্ ॥ 15 ॥
প্রভূতং কার্যমল্পং বা যন্নরঃ কর্তুমিচ্ছতি ।
সর্বারংভেণ তত্কার্যং সিংহাদেকং প্রচক্ষতে ॥ 16 ॥
ইংদ্রিযাণি চ সংযম্য রাগদ্বেষবিবর্জিতঃ ।
সমদুঃখসুখঃ শাংতঃ তত্ত্বজ্ঞঃ সাধুরুচ্যতে ॥ 17 ॥
প্রত্যুত্থানং চ যুদ্ধং চ সংবিভাগং চ বংধুষু ।
স্বযমাক্রম্য ভুক্তং চ শিক্ষেচ্চত্বারি কুক্কুটাত্ ॥ 18 ॥
গূঢমৈথুনচারিত্বং কালে কালে চ সংগ্রহম্ ।
অপ্রমত্তমবিশ্বাসং পংচ শিক্ষেচ্চ বাযসাত্ ॥ 19 ॥
বহ্বাশী স্বল্পসংতুষ্টঃ সনিদ্রো লঘুচেতনঃ ।
স্বামিভক্তশ্চ শূরশ্চ ষডেতে শ্বানতো গুণাঃ ॥ 20 ॥
সুশ্রাংতোঽপি বহেদ্ভারং শীতোষ্ণং ন চ পশ্যতি ।
সংতুষ্টশ্চরতে নিত্যং ত্রীণি শিক্ষেচ্চ গর্দভাত্ ॥ 21 ॥
য এতান্বিংশতিগুণানাচরিষ্যতি মানবঃ ।
কার্যাবস্থাসু সর্বাসু অজেযঃ স ভবিষ্যতি ॥ 22 ॥
সঘনাই সোধা প্ৰশ্ন
What is চাণক্য নীতি - ষষ্ঠোঽধ্যাযঃ?
চাণক্য নীতি - ষষ্ঠোঽধ্যাযঃ is a devotional text available on Bhakti Granth in the selected language or script.
Which language or script is this version in?
This edition is published in Assamese. Use the language selector to view another available edition.
Can I read চাণক্য নীতি - ষষ্ঠোঽধ্যাযঃ online?
Yes. The imported text is available directly on this page for online reading and recitation.
Can I download চাণক্য নীতি - ষষ্ঠোঽধ্যাযঃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.